Victor Dánjalsson fekk ársins rósu 2021 og tað var sanniliga uppborið. Stórt tillukku til Victor Dánjalsson.
Her røðan hjá borgmeistarnum, Karl Johansen:
Fyri 17 árum síðan – í 2004 – tók lokalsamfelagið her í Norðoyggjum stig til at enda árið við at geva einum persóni ella felagsskapi her í lokalsamfelag-num eina viðurkenning, eitt herðaklapp, sum valt varð at kalla “ársins rósa”.
Og síðan tá eru 15 ymiskir persónar og ein felags-skapur blivin heiðrað við “ársins rósu”, sum eftirhondini er blivin ein kendur heiður, ið fólk leggja merki til og gleðast um saman við tí, sum verður kosin “ársins rósa”.
Í 2020 elvdi korona-farsóttin til, at bæði Jólaskipið og Ársins Rósa vórðu avlýst, so eingin fekk heiðurin í fjør. Men í ár hava fyriskipararnir av jólaskipatiltakinum gjørt ein eyka innsats, soleiðis at Jólaskipið í ár kundi koma til Klaksvíkar, hóast korona enn ikki heilt hevur slept takinum.
Vit, sum nú hava ábyrgdina av “ársins rósu”, hava valt at gera tað sama og umskipa handanina í ár, so vit ikki enn einaferð verða noydd at leypa hesa heiðranina um.
Tí eru vit ikki savnaði í stórari mannfjøld í ár, men eru farin heim til ein persón, sum fleiri her í lokalsamfelagnum – bæði í ár og undanfarin ár – hava skotið upp skal hava heiðurin “ársins rósa”.
Tit sum fylgja við í stroymingini, tit hava kanska longu funnið útav, hvar vit eru farnir, men áðrenn eg sigi navnið á viðkomandi, sum verður heiðraður í ár, so skal eg hava eina lítla innleiðing.
---
Endamálið við “ársins rósu” stendur skrivað í reglugerðini, sum varð orðað í 2004, tá hon fyrstu ferð varð handað.
Fyrsta og onnur paragraff ljóða soleiðis:
§1 – Endamál
Í ljósinum av heilaga boðinum um at tú skalt elska næsta tín sum sjálvan teg er endamálið við hesum tiltaki: ”Ársins rósa” at stuðla undir hjálpararbeiði og annars alt gott og gevandi arbeiði, sum fólk í Klaksvíkar Kommunu gera fyri onnur menniskju og/ella fyri kommununa sum heild uttan at fáa nakað ella stórvegis afturfyri.
§2 – Mannagongd
Hvørt ár um jóltíðir kann ein persónur verða heiðraður við ársins rósu fyri sítt góðgerandi arbeiði við eini viðurkenning, ið verður handað honum av borgarstjóranum í Klaksvíkar Kommunu. Handanin fer fram í sambandi við hóskandi alment hátíðarhald, ið skipað verður fyri um jóltíðir.
---
Fleiri ymisk fólk hava – yvir fleiri ár – skotið upp at heiðra tann persónin, sum nú um eina løtu fer at fáa “ársins rósu”.
Í ár skrivar ein av uppskotsstillarunum m.a. soleiðis um hendan persónin:
“Hvørt leygarkvøld situr hesin persónurin og onkur annar eisini ótroyttiligir og senda góðan tónleik og taka ímóti ynskjum um sangir frá lurtarum.
Hann setir seg ofta í “búrið” aðrar tíðir eisini, har hann sendir góðan tónleik og bjóðar lurtarum at senda sangynskir inn, sum hann síðani spælir.
Hetta gera teir ókeypis og av huga.“
---
Nú hava tey flestu longu funnið útav ella gitt, hvør persónurin er, so nú kann eg byrja at tosa meir opið og nevna nøvn
Tann eini uppskotsstillarin skrivar soleiðis:
---
“Starabúrið er eitt sera gott íkast milluim aðrar miðlar, sum senda nógv tíðindir gjøgnum allan dagin, og ofta eru tey so negativ, at man verður í ringum lag, og í ringasta føri óttafull ella óttafullur.
Tá er gott at skifta yvir til Starabúrið – serliga leygarkvøld, har vertirnir sita og skemta, lesa andakt og annars eru í góðum lag, sum eisini smittar á okkum lurtarar.”
---
Aftan fyri øll góð átøk stendur altíð ein eldsál.
Victor Dánjalsson er høvuðspersónurin aftan fyri “Starabúrið”.
Væl stuðlaður – ikki minst av konu síni, Gunnleyg – stendur Victor á odda fyri “Starabúrinum”, sum hevur so góða ávirkan á lurtararnar, og teir eru nógvir.
Tað vísir seg eisini leygarkvøld, at fólk ymsastaðni í verðini sita og lurta. Fólk, sum fara í feriu suðureftir, sita eisini og lurta leygarkvøld og senda heilsu og sangynskir.
Ein uppskotsstillari sigur tað soleiðis:
“Eg sigi fyri meg, at eg lurti so nógv mest eftir Starabúrinum, tí eg orki ikki negativitetin í øðrum miðlum og blívi í ringum lag og troytt. Nógv ímillum Starabúrið – tað lyftir ein upp.”
---
Tað eru fleiri góðar grundir fyri at heiðra Victor Dánjalsson við ársins rósu.
Ein av teimum er, at hann hevur og spreiðir kring seg eina so smittandi gleði, sum fáur annar.
Ein segði tað soleiðis, at tað ber ógvuliga illa til at hava gron saman við Victor – og eg má siga, at eg eri púra samdur.
Harumframt er Victor ein persónur, sum uttan á nakran hátt at seta seg sjálvan í fokus, vísir øðrum umsorgan og áhuga, sum hann vísir við sínum savnandi lyndi og virkisfýsni.
---
So góðu tit øll, sum síggja og hoyra meg her í dag/kvøld.
Hetta er fyrsta ferðin, at eg sum borgarstjóri skal heiðra einum persóni her í lokalsamfelagnum við “ársins rósu”, og eg má siga, at tað er mær ein stór gleði at boða frá, at VICTOR DÁNJALSSON er ársins rósa 2021.
Hjartaliga tillukku, Victor – hetta hevur tú so hjartaliga uppiborið, og vónandi kann hetta verða ein stuðul og ein uppmuntring til tín at halda fram við hesum góða arbeiði, tú – saman við konuni og øðrum – gert fyri at gleða onnur.
Eg skal so handa tær hesa viðurkenning saman við eini gávukurv og eini peningagávu, sum verður latin av BankNordik, Christian í Grótinum og Klaksvíkar kommunu.
Ger so væl – hjartaliga tillukku
Karl Johansen
Her røðan hjá borgmeistarnum, Karl Johansen:
Fyri 17 árum síðan – í 2004 – tók lokalsamfelagið her í Norðoyggjum stig til at enda árið við at geva einum persóni ella felagsskapi her í lokalsamfelag-num eina viðurkenning, eitt herðaklapp, sum valt varð at kalla “ársins rósa”.
Og síðan tá eru 15 ymiskir persónar og ein felags-skapur blivin heiðrað við “ársins rósu”, sum eftirhondini er blivin ein kendur heiður, ið fólk leggja merki til og gleðast um saman við tí, sum verður kosin “ársins rósa”.
Í 2020 elvdi korona-farsóttin til, at bæði Jólaskipið og Ársins Rósa vórðu avlýst, so eingin fekk heiðurin í fjør. Men í ár hava fyriskipararnir av jólaskipatiltakinum gjørt ein eyka innsats, soleiðis at Jólaskipið í ár kundi koma til Klaksvíkar, hóast korona enn ikki heilt hevur slept takinum.
Vit, sum nú hava ábyrgdina av “ársins rósu”, hava valt at gera tað sama og umskipa handanina í ár, so vit ikki enn einaferð verða noydd at leypa hesa heiðranina um.
Tí eru vit ikki savnaði í stórari mannfjøld í ár, men eru farin heim til ein persón, sum fleiri her í lokalsamfelagnum – bæði í ár og undanfarin ár – hava skotið upp skal hava heiðurin “ársins rósa”.
Tit sum fylgja við í stroymingini, tit hava kanska longu funnið útav, hvar vit eru farnir, men áðrenn eg sigi navnið á viðkomandi, sum verður heiðraður í ár, so skal eg hava eina lítla innleiðing.
---
Endamálið við “ársins rósu” stendur skrivað í reglugerðini, sum varð orðað í 2004, tá hon fyrstu ferð varð handað.
Fyrsta og onnur paragraff ljóða soleiðis:
§1 – Endamál
Í ljósinum av heilaga boðinum um at tú skalt elska næsta tín sum sjálvan teg er endamálið við hesum tiltaki: ”Ársins rósa” at stuðla undir hjálpararbeiði og annars alt gott og gevandi arbeiði, sum fólk í Klaksvíkar Kommunu gera fyri onnur menniskju og/ella fyri kommununa sum heild uttan at fáa nakað ella stórvegis afturfyri.
§2 – Mannagongd
Hvørt ár um jóltíðir kann ein persónur verða heiðraður við ársins rósu fyri sítt góðgerandi arbeiði við eini viðurkenning, ið verður handað honum av borgarstjóranum í Klaksvíkar Kommunu. Handanin fer fram í sambandi við hóskandi alment hátíðarhald, ið skipað verður fyri um jóltíðir.
---
Fleiri ymisk fólk hava – yvir fleiri ár – skotið upp at heiðra tann persónin, sum nú um eina løtu fer at fáa “ársins rósu”.
Í ár skrivar ein av uppskotsstillarunum m.a. soleiðis um hendan persónin:
“Hvørt leygarkvøld situr hesin persónurin og onkur annar eisini ótroyttiligir og senda góðan tónleik og taka ímóti ynskjum um sangir frá lurtarum.
Hann setir seg ofta í “búrið” aðrar tíðir eisini, har hann sendir góðan tónleik og bjóðar lurtarum at senda sangynskir inn, sum hann síðani spælir.
Hetta gera teir ókeypis og av huga.“
---
Nú hava tey flestu longu funnið útav ella gitt, hvør persónurin er, so nú kann eg byrja at tosa meir opið og nevna nøvn
Tann eini uppskotsstillarin skrivar soleiðis:
---
“Starabúrið er eitt sera gott íkast milluim aðrar miðlar, sum senda nógv tíðindir gjøgnum allan dagin, og ofta eru tey so negativ, at man verður í ringum lag, og í ringasta føri óttafull ella óttafullur.
Tá er gott at skifta yvir til Starabúrið – serliga leygarkvøld, har vertirnir sita og skemta, lesa andakt og annars eru í góðum lag, sum eisini smittar á okkum lurtarar.”
---
Aftan fyri øll góð átøk stendur altíð ein eldsál.
Victor Dánjalsson er høvuðspersónurin aftan fyri “Starabúrið”.
Væl stuðlaður – ikki minst av konu síni, Gunnleyg – stendur Victor á odda fyri “Starabúrinum”, sum hevur so góða ávirkan á lurtararnar, og teir eru nógvir.
Tað vísir seg eisini leygarkvøld, at fólk ymsastaðni í verðini sita og lurta. Fólk, sum fara í feriu suðureftir, sita eisini og lurta leygarkvøld og senda heilsu og sangynskir.
Ein uppskotsstillari sigur tað soleiðis:
“Eg sigi fyri meg, at eg lurti so nógv mest eftir Starabúrinum, tí eg orki ikki negativitetin í øðrum miðlum og blívi í ringum lag og troytt. Nógv ímillum Starabúrið – tað lyftir ein upp.”
---
Tað eru fleiri góðar grundir fyri at heiðra Victor Dánjalsson við ársins rósu.
Ein av teimum er, at hann hevur og spreiðir kring seg eina so smittandi gleði, sum fáur annar.
Ein segði tað soleiðis, at tað ber ógvuliga illa til at hava gron saman við Victor – og eg má siga, at eg eri púra samdur.
Harumframt er Victor ein persónur, sum uttan á nakran hátt at seta seg sjálvan í fokus, vísir øðrum umsorgan og áhuga, sum hann vísir við sínum savnandi lyndi og virkisfýsni.
---
So góðu tit øll, sum síggja og hoyra meg her í dag/kvøld.
Hetta er fyrsta ferðin, at eg sum borgarstjóri skal heiðra einum persóni her í lokalsamfelagnum við “ársins rósu”, og eg má siga, at tað er mær ein stór gleði at boða frá, at VICTOR DÁNJALSSON er ársins rósa 2021.
Hjartaliga tillukku, Victor – hetta hevur tú so hjartaliga uppiborið, og vónandi kann hetta verða ein stuðul og ein uppmuntring til tín at halda fram við hesum góða arbeiði, tú – saman við konuni og øðrum – gert fyri at gleða onnur.
Eg skal so handa tær hesa viðurkenning saman við eini gávukurv og eini peningagávu, sum verður latin av BankNordik, Christian í Grótinum og Klaksvíkar kommunu.
Ger so væl – hjartaliga tillukku
Karl Johansen
RSS Feed
