Persónliga viðbótin, ið er málrættað pensjónistum við fíggjarliga trongum korum, er nú broytt, soleiðis at fleiri pensjónistar fáa hjálp, tá tørvur er á tí.
Persónlig viðbót verður veitt eftir umsókn til Almannaverkið. Almannaverkið ger eina ítøkilig tørvsmeting, og vísir tað seg, at pensjónisturin ikki sjálvur er førur fyri at bera eina ávísa útreiðslu, fær pensjónisturin eina persónliga viðbót. Tað er tó ein treyt, at útreiðslan, sum søkt verður um, verður mett at vera neyðug og rímiliga grundað.
Annika Olsen, landsstýriskvinna sigur í stuttari viðmerking:
“Tað er eitt politiskt ynski at bøta um korini hjá teimum pensjónistum, sum hava serliga trupul fíggjarlig kor, og tað meti eg, at henda broytingin ger.”
Fólkapensjónin er samansett av fleiri veitingum, ávikavist grundupphædd, viðbót, viðbót til ávísar pensjónistar, umframt eini persónligari viðbót, sum er ætlað pensjónistum, sum hava serliga trong fíggjarlig kor.
Persónliga viðbótin verður ikki veitt um pensjónisturin og møguligur hjúnafelagi eiga ogn, ið kann nýtast at nøkta tørvin, undantikið minni ogn, ið verður ásett í vegleiðing. Sum inntøka verður roknað øll inntøka, tó frároknað barnaviðbót, røktarviðbót og hjálparviðbót hjá pensjónisti og møguligum hjúnafelagi. Við broytingini verður viðbótin til ávísar pensjónistar eisini frároknað í inntøkuni, tá tørvsmetingini skal gerast. Við hesum verða inntøkurnar, sum verða lagdar til grund í tørvsmetingini lægri, enn galdandi er í dag.
Samstundis verður upphæddin, ið pensjónistur ella hjún kunnu hava í tøkum peningi, hækkað í mun til vegleiðandi upphæddirnar, sum eru galdandi í dag
Kelda: Almannamálaráðið
Persónlig viðbót verður veitt eftir umsókn til Almannaverkið. Almannaverkið ger eina ítøkilig tørvsmeting, og vísir tað seg, at pensjónisturin ikki sjálvur er førur fyri at bera eina ávísa útreiðslu, fær pensjónisturin eina persónliga viðbót. Tað er tó ein treyt, at útreiðslan, sum søkt verður um, verður mett at vera neyðug og rímiliga grundað.
Annika Olsen, landsstýriskvinna sigur í stuttari viðmerking:
“Tað er eitt politiskt ynski at bøta um korini hjá teimum pensjónistum, sum hava serliga trupul fíggjarlig kor, og tað meti eg, at henda broytingin ger.”
Fólkapensjónin er samansett av fleiri veitingum, ávikavist grundupphædd, viðbót, viðbót til ávísar pensjónistar, umframt eini persónligari viðbót, sum er ætlað pensjónistum, sum hava serliga trong fíggjarlig kor.
Persónliga viðbótin verður ikki veitt um pensjónisturin og møguligur hjúnafelagi eiga ogn, ið kann nýtast at nøkta tørvin, undantikið minni ogn, ið verður ásett í vegleiðing. Sum inntøka verður roknað øll inntøka, tó frároknað barnaviðbót, røktarviðbót og hjálparviðbót hjá pensjónisti og møguligum hjúnafelagi. Við broytingini verður viðbótin til ávísar pensjónistar eisini frároknað í inntøkuni, tá tørvsmetingini skal gerast. Við hesum verða inntøkurnar, sum verða lagdar til grund í tørvsmetingini lægri, enn galdandi er í dag.
Samstundis verður upphæddin, ið pensjónistur ella hjún kunnu hava í tøkum peningi, hækkað í mun til vegleiðandi upphæddirnar, sum eru galdandi í dag
Kelda: Almannamálaráðið
RSS Feed