Leygardagin 15. mars skipar Blái Krossur Føroya fyri pallborðsfundi í Ósaskúlanum í Klaksvík har evnið ”Skaðaárin av misbrúki av rúsdrekka og rúsevnum” verður viðgjørt. Politikari, sálarfrøðingur og læknar manna pallborðið.
Pallborðsfundurin verður í Ósaskúlanum í Klaksvík leygardagin klokkan 16. Spurningarnir, ið verða settir við pallborðið, eru: ”Hvørjir skaðar eru av misbrúki av rúsdrekka og rúsevnum – likamliga, sálarliga og sosialt? Hvat vil samfelagið og politiski myndugleikin gera á hesum økinum?”Pallborðsluttakarar eru Birni Hansen, lækni á Blákrossheiminum, Annbjørg á Høvdanum, sálarfrøðingur á Blákrossheiminum, Annika Olsen, landsstýriskvinna við almannamálum, og Pál Weihe, formaður í fólkaheilsuráðnum.Ingolf S. Olsen stýrir pallborðinum.
Blái Krossur vil við hesum pallborðsfundinum varpa ljós á, at tað eru nógv í okkara landi, ið á ein ella annan hátt kenna til skaðaárin av rúsdrekka ella rúsevnum – annaðhvørt tí tey sjálvi hava verið ella eru misbrúkarar, ella tí tey liva tætt upp at onkrum, ið er ella hevur verið misbrúkari.
Ætanin er eisini at fáa fakta fram á borðið, hvat kanningar siga um hetta økið. Spurningurin er so, hvat politikarar og myndugleikar vilja gera í framtíðini at avmarka skaðaárinini.
Áðrenn sjálvan pallborðsfundin - leygardagin klokkan 15 – fer klaksvíkingurin, Peter Chodqiuk, at greiða frá, hvussu hann var bundin at stoffum og rúsdrekka, og at hann vegna smugling endaði handan rimarnar. Í dag er hann komin burturúr misnýtsluni, og lívið hevur fingið eitt heilt annað innihald.
Kedes sendir
Um onkur ikki hevur møguleika at koma í Ósaskúlan seinnapartin leygardagin, so ber tó til at fáa tað við, ið Petur Chodqiuk og pallborðsluttakararnir siga, tí tiltøkini verða stroymað beinleiðis á kedes.fo.
Kelda: Blái Krossur
Pallborðsfundurin verður í Ósaskúlanum í Klaksvík leygardagin klokkan 16. Spurningarnir, ið verða settir við pallborðið, eru: ”Hvørjir skaðar eru av misbrúki av rúsdrekka og rúsevnum – likamliga, sálarliga og sosialt? Hvat vil samfelagið og politiski myndugleikin gera á hesum økinum?”Pallborðsluttakarar eru Birni Hansen, lækni á Blákrossheiminum, Annbjørg á Høvdanum, sálarfrøðingur á Blákrossheiminum, Annika Olsen, landsstýriskvinna við almannamálum, og Pál Weihe, formaður í fólkaheilsuráðnum.Ingolf S. Olsen stýrir pallborðinum.
Blái Krossur vil við hesum pallborðsfundinum varpa ljós á, at tað eru nógv í okkara landi, ið á ein ella annan hátt kenna til skaðaárin av rúsdrekka ella rúsevnum – annaðhvørt tí tey sjálvi hava verið ella eru misbrúkarar, ella tí tey liva tætt upp at onkrum, ið er ella hevur verið misbrúkari.
Ætanin er eisini at fáa fakta fram á borðið, hvat kanningar siga um hetta økið. Spurningurin er so, hvat politikarar og myndugleikar vilja gera í framtíðini at avmarka skaðaárinini.
Áðrenn sjálvan pallborðsfundin - leygardagin klokkan 15 – fer klaksvíkingurin, Peter Chodqiuk, at greiða frá, hvussu hann var bundin at stoffum og rúsdrekka, og at hann vegna smugling endaði handan rimarnar. Í dag er hann komin burturúr misnýtsluni, og lívið hevur fingið eitt heilt annað innihald.
Kedes sendir
Um onkur ikki hevur møguleika at koma í Ósaskúlan seinnapartin leygardagin, so ber tó til at fáa tað við, ið Petur Chodqiuk og pallborðsluttakararnir siga, tí tiltøkini verða stroymað beinleiðis á kedes.fo.
Kelda: Blái Krossur
RSS Feed
