Sparikassin hevur varðveitt sín uppruna sum ábyrgdarsparikassi.
Mikudagin 24. september eru 95 ár síðani, at Norðoya Sparikassi varð stovnaður. Á hesum degi í 1919 varð samtykt at fara undir sparikassavirksemi sambært teimum ásetingum, sum frammanundan vóru góðkendar av handilsmálaráðharranum. Talan var um 40 ábyrgdarar í Klaksvík og hinum bygdunum í Norðoyggjum, ið tilsamans teknaðu 20.000 kr. í ábyrgdarfæi.
Talið av ábyrgdarsparikassum er nógv minkað seinnu árini. Fleiri, sum upprunaliga vóru ábyrgdarsparikassar, eru nú partafeløg, og nú er ikki longur lógarheimild fyri at seta ábyrgdarsparikassar á stovn. Norðoya Sparikassi er nú einasti ábyrgdarsparikassi í Føroyum, og ábyrgdarfæið er umleið níggju milliónir krónur. Samlaði eginpeningurin er 170 milliónir krónur. Evsta vald í Norðoya Sparikassa hevur Umboðsráðið, sum telur 39 limir. Umboðsráðið velur nevndina, ið setur stjóran.
Níggju ár eftir stovnanina, tann 11. juni 1928, varð grundarsteinurin lagdur til bygningin hjá Norðoya Sparikassa. Í landnyrðingshornið varð ein glaskrukka løgd við einum tíggjukrónustykki av gulli, einari tvíkrónu av silvuri, einari einkrónu úr silvuri, einum fimmogtjúguoyra og einum tíggjuoyra úr silvuri, trimum fimmoyrum, tveimum tveyoyrum og einum eittoyra úr kopari.
Í 1951 varð bygt upp í suðureftir og vestureftir, og í 1975 varð bygningurin vestanfyri víðkaður, har sum gamla telefonstøðin hevði staðið. Her er høvuðsdeildin framvegis.
Sparikassin hevur eisini deildir í Fuglafirði, Runavík og Tórshavn. Í dag starvast 50 fólk í Norðoya Sparikassa.
Sjálvan føðingardagin, mikudagin 24. september 2014, verður kaffi og okkurt afturvið at fáa á øllum deildunum.
Mikukvøldið verður almenn kvøldseta í Skúlanum við Ósánna klokkan 19.00, tá Marner Mortensen, stjóri bjóðar vælkomin.
Gutti Winther, sum er kendur frá sjónvarpssendingini Spískamarið, fer at borðreiða við góðum brellbitum, og høvi verður at njóta okkurt leskandi.
Fýra stuttir fyrilestrar – hvør teirra er umleið eitt korter – eru eisini á skránni. Tað vera Jóannes Hansen, Eyðun Andreassen, Jan Müller og Herálvur Joensen, ið fara at fyrilesa. Eisini fara Hallur, Kristina og Beddi at syngja og spæla. Kvøldsetan endar klokkan 21.30.
Norðoya Portalurin ynskir Norðoya Sparikassa hjartaliga tillukku við degnum og góðan byr framyvir.
Kelda: Tíðindaskriv NS
Mikudagin 24. september eru 95 ár síðani, at Norðoya Sparikassi varð stovnaður. Á hesum degi í 1919 varð samtykt at fara undir sparikassavirksemi sambært teimum ásetingum, sum frammanundan vóru góðkendar av handilsmálaráðharranum. Talan var um 40 ábyrgdarar í Klaksvík og hinum bygdunum í Norðoyggjum, ið tilsamans teknaðu 20.000 kr. í ábyrgdarfæi.
Talið av ábyrgdarsparikassum er nógv minkað seinnu árini. Fleiri, sum upprunaliga vóru ábyrgdarsparikassar, eru nú partafeløg, og nú er ikki longur lógarheimild fyri at seta ábyrgdarsparikassar á stovn. Norðoya Sparikassi er nú einasti ábyrgdarsparikassi í Føroyum, og ábyrgdarfæið er umleið níggju milliónir krónur. Samlaði eginpeningurin er 170 milliónir krónur. Evsta vald í Norðoya Sparikassa hevur Umboðsráðið, sum telur 39 limir. Umboðsráðið velur nevndina, ið setur stjóran.
Níggju ár eftir stovnanina, tann 11. juni 1928, varð grundarsteinurin lagdur til bygningin hjá Norðoya Sparikassa. Í landnyrðingshornið varð ein glaskrukka løgd við einum tíggjukrónustykki av gulli, einari tvíkrónu av silvuri, einari einkrónu úr silvuri, einum fimmogtjúguoyra og einum tíggjuoyra úr silvuri, trimum fimmoyrum, tveimum tveyoyrum og einum eittoyra úr kopari.
Í 1951 varð bygt upp í suðureftir og vestureftir, og í 1975 varð bygningurin vestanfyri víðkaður, har sum gamla telefonstøðin hevði staðið. Her er høvuðsdeildin framvegis.
Sparikassin hevur eisini deildir í Fuglafirði, Runavík og Tórshavn. Í dag starvast 50 fólk í Norðoya Sparikassa.
Sjálvan føðingardagin, mikudagin 24. september 2014, verður kaffi og okkurt afturvið at fáa á øllum deildunum.
Mikukvøldið verður almenn kvøldseta í Skúlanum við Ósánna klokkan 19.00, tá Marner Mortensen, stjóri bjóðar vælkomin.
Gutti Winther, sum er kendur frá sjónvarpssendingini Spískamarið, fer at borðreiða við góðum brellbitum, og høvi verður at njóta okkurt leskandi.
Fýra stuttir fyrilestrar – hvør teirra er umleið eitt korter – eru eisini á skránni. Tað vera Jóannes Hansen, Eyðun Andreassen, Jan Müller og Herálvur Joensen, ið fara at fyrilesa. Eisini fara Hallur, Kristina og Beddi at syngja og spæla. Kvøldsetan endar klokkan 21.30.
Norðoya Portalurin ynskir Norðoya Sparikassa hjartaliga tillukku við degnum og góðan byr framyvir.
Kelda: Tíðindaskriv NS
RSS-feed
