Kirkjuráðsvalið 2017
Áheitan á kirkjufólkið í Klaksvíkar sókn um at fara á val, nú tað skal veljast nýtt kirkjuráð til Christianskirkjuna í Klaksvík.
Føroyska fólkakirkjan er skipað á fólkaræðisligum grundarlagi, og komandi týsdag verður kirkjuráðsval í Føroyum, har kirkjuráð verða vald til at stýra teimum ymsu kirkjunum eins og at hava sína ávirkan á, hvussu fólkakirkjan skal virka komandi fýra árini.
Kirkjuráðsvalið her í Klaksvík verður hesaferð søguligt við tað, at tað fyrstuferð í fleiri áratíggju ella í næstan hundrað ár er bert ein listi, sum stillar upp til kirkjuráðsvalið.
Í øllum førum hava tað verið tveir til fýra listar, ið hava stillað upp til kirkjuráðsval í Klaksvíkar sókn árini 1953 – 2013, t.v.s. til 16 kirkjuráðsval.
Síðani byrjað varð at føra kirkjuráðsfundirnar inn í bók í 1905 vita vit bert um eina ferð fyrr, at tað hevur verið ein listi til kirkjuráðsvalið her í Klaksvík, og tað var í 1921, meðan tað er óvist, hvussu var kirkjuráðsvalini 1933 – 1949.
Verandi kirkjuráð og fólk, ið vóru stillarar til seinasta kirkjuráðsval í Klaksvík avgjørdu í heyst, at hesaferð skuldu vit royna at stilla upp á einum lista til kirkjuráðsvalið, og varð tað samtykt. Stillað var upp soleiðis, at valevni og stillarar vóru vald frá teimum tveimum listunum, ið vóru til seinasta val og so eru eisini onnur komin aftrat, bæði sum valevni og stillarar.
Tað er tí við gleði, at verandi kirkjuráð hesaferð kann heita á kirkjufólk her, t.v.s. tey ið eru doypt, vorðin limir í fólkakirkjuni og hava valrætt í sóknini, Ánunum, Klaksvík og Norðoyri, um at fara á val og velja eitt av valevnunum á listanum, nú kirkjufólkið er vorðið samt um at standa saman um ein lista, har 18 valevni eru. Øll hesi bjóða seg fram at arbeiða fyri at gera umstøðurnar í kirkjuni enn betri og virka fyri, at øll kristilig tænasta, ið á ymsan hátt verður gjørd í kirkju okkara, fær tær bestu umstøðurnar at virka undir.
Í august mánaða í ár vóru skrásett 3051 kirkjufólk í sóknini og til valið nú eru tað 2412 av hesum, ið eru yvir 18 ár, og tí hava valrætt.
Til seinasta kirkjuráðsval var luttøkuprosentið í Klaksvík 42,5%, og vónandi verður tað hægri hesuferð, nú alt kirkjufólkið kann standa saman um ein lista.
Heitt verður tí á kirkjufólkið í Klaksvíkar sókn um at brúka sín fólkaræðisliga rætt og fara á val í Christianskirkjuni týsdagin 7. november.
Fráfarandi kirkjuráð í Christianskirkjuni
Áheitan á kirkjufólkið í Klaksvíkar sókn um at fara á val, nú tað skal veljast nýtt kirkjuráð til Christianskirkjuna í Klaksvík.
Føroyska fólkakirkjan er skipað á fólkaræðisligum grundarlagi, og komandi týsdag verður kirkjuráðsval í Føroyum, har kirkjuráð verða vald til at stýra teimum ymsu kirkjunum eins og at hava sína ávirkan á, hvussu fólkakirkjan skal virka komandi fýra árini.
Kirkjuráðsvalið her í Klaksvík verður hesaferð søguligt við tað, at tað fyrstuferð í fleiri áratíggju ella í næstan hundrað ár er bert ein listi, sum stillar upp til kirkjuráðsvalið.
Í øllum førum hava tað verið tveir til fýra listar, ið hava stillað upp til kirkjuráðsval í Klaksvíkar sókn árini 1953 – 2013, t.v.s. til 16 kirkjuráðsval.
Síðani byrjað varð at føra kirkjuráðsfundirnar inn í bók í 1905 vita vit bert um eina ferð fyrr, at tað hevur verið ein listi til kirkjuráðsvalið her í Klaksvík, og tað var í 1921, meðan tað er óvist, hvussu var kirkjuráðsvalini 1933 – 1949.
Verandi kirkjuráð og fólk, ið vóru stillarar til seinasta kirkjuráðsval í Klaksvík avgjørdu í heyst, at hesaferð skuldu vit royna at stilla upp á einum lista til kirkjuráðsvalið, og varð tað samtykt. Stillað var upp soleiðis, at valevni og stillarar vóru vald frá teimum tveimum listunum, ið vóru til seinasta val og so eru eisini onnur komin aftrat, bæði sum valevni og stillarar.
Tað er tí við gleði, at verandi kirkjuráð hesaferð kann heita á kirkjufólk her, t.v.s. tey ið eru doypt, vorðin limir í fólkakirkjuni og hava valrætt í sóknini, Ánunum, Klaksvík og Norðoyri, um at fara á val og velja eitt av valevnunum á listanum, nú kirkjufólkið er vorðið samt um at standa saman um ein lista, har 18 valevni eru. Øll hesi bjóða seg fram at arbeiða fyri at gera umstøðurnar í kirkjuni enn betri og virka fyri, at øll kristilig tænasta, ið á ymsan hátt verður gjørd í kirkju okkara, fær tær bestu umstøðurnar at virka undir.
Í august mánaða í ár vóru skrásett 3051 kirkjufólk í sóknini og til valið nú eru tað 2412 av hesum, ið eru yvir 18 ár, og tí hava valrætt.
Til seinasta kirkjuráðsval var luttøkuprosentið í Klaksvík 42,5%, og vónandi verður tað hægri hesuferð, nú alt kirkjufólkið kann standa saman um ein lista.
Heitt verður tí á kirkjufólkið í Klaksvíkar sókn um at brúka sín fólkaræðisliga rætt og fara á val í Christianskirkjuni týsdagin 7. november.
Fráfarandi kirkjuráð í Christianskirkjuni
RSS Feed