Á eyka býráðsfundi mikukvøldið samtykti Klaksvíkar Býráð at góðkenna endaligu ætlanina fyri bygging av Biskupstorgi í hjartanum av nýggja miðbýnum í Klaksvík, sum fevnir um 30 íbúðir umframt kjallara og veghædd til miðstaðaendamál so sum handlar, matstovur v.m.
Tað var ein søguligur eyka býráðsfundur mikukvøldið 1. juli 2015, har eitt samt býráð samtykti at góðkenna byggiætlanina fyri Biskupstorg, sum verður fyrsta byggingin í nýggja miðbýnum í Klaksvík, og aftan á býráðsfundin varð sáttmáli undirskrivaður millum Sjálvsognarstovnin undir Kráarbrekku og Byggifelagið Kanjon, sum hevði lægsta tilboðið upp á byggingina. Byggisáttmálin er samanlagt umleið 90 mió. kr.
Bústaðir og Klaksvíkar kommuna eru stovnarar av Sjálvsognarstovninum undir Kráarbrekku, sum hevur virkað síðan 1999, og sum nú fer undir at byggja og verður eigari av teimum 30 íbúðunum í miðbýnum í Klaksvík. Avtalað er, at Bústaðir fer at umsita øll leigumálini.
Harumframt fevnir verkætlanin um veghæddina, sum er ætlað til miðstaðaendamál so sum handlar, matstovur o.a. virksemi av almennum slag.
Søgulig bygging
Tað var ein ógvuliga fegin borgarstjóri, sum vegna Sjálvsognarstovnin undir Kráarbrekku skrivaði undir sáttmálan við Byggifelagið Kanjon.
- Biskupstorg verður fyrsta byggingin í hjartanum av nýggja miðbýnum í Klaksvík, og tí er talan um eina søguliga hending fyri Klaksvíkar kommunu, sum síðan tíðliga í áttati árunum hevur arbeitt við ætlanum fyri miðbýin í Klaksvík, sigur Jógvan Skorheim, sum var ógvuliga fegin um, at býráðið stendur saman um hesa týdningarmiklu verkætlan.
- Nógv skiftandi býráð hava arbeitt fram ímóti at fáa gongd á byggingina av miðbýnum. Seinasta valskeið varð hendan miðbýarætlanin fyrireikað og samtykt, og hesa býráðssetuna hava vit arbeitt miðvíst saman við Bústaðir og Ósbjørn Jacobsen, arkitekti, sum vann miðbýarkappingina, fram ímóti at seta sjálva byggingina av miðbýnum í gongd.
Grøn verkætlan
- Talan er eisini um eina grøna verkætlan, tí upphitingin av bygningunum verður knýtt upp í kommunalu orkuverkætlanina, har sjóhiti verður nýttur til at upphita bygningar kommununnar frá miðstaðarøkinum og niðan gjøgnum býin, herundir skúlabygningar, ítróttarhallir og svimjihøll, sum verða knýttir í skipanina, upplýsir borgarstjórin.
- Í fyrstu syftu er ætlanin at knýta skúlabygningar, svimjihøllina og ítróttarhallirnar upp í skipanina. Sum nevnt, verður eisini Biskupstorg knýtt uppí, tá ið tann byggingin er liðug, og møguleiki er fyri at víðka hesa skipan, so eisini aðrir bygningar verða knýttir uppí.
- Á henda hátt ynskja vit í Klaksvíkar kommunu at ganga á odda í arbeiðnum at tryggja okkara landi meira grøna orku, samstundis sum ikki so lítlar sparingar verða vunnar.
Kelda: www.klaksvik.fo
Tað var ein søguligur eyka býráðsfundur mikukvøldið 1. juli 2015, har eitt samt býráð samtykti at góðkenna byggiætlanina fyri Biskupstorg, sum verður fyrsta byggingin í nýggja miðbýnum í Klaksvík, og aftan á býráðsfundin varð sáttmáli undirskrivaður millum Sjálvsognarstovnin undir Kráarbrekku og Byggifelagið Kanjon, sum hevði lægsta tilboðið upp á byggingina. Byggisáttmálin er samanlagt umleið 90 mió. kr.
Bústaðir og Klaksvíkar kommuna eru stovnarar av Sjálvsognarstovninum undir Kráarbrekku, sum hevur virkað síðan 1999, og sum nú fer undir at byggja og verður eigari av teimum 30 íbúðunum í miðbýnum í Klaksvík. Avtalað er, at Bústaðir fer at umsita øll leigumálini.
Harumframt fevnir verkætlanin um veghæddina, sum er ætlað til miðstaðaendamál so sum handlar, matstovur o.a. virksemi av almennum slag.
Søgulig bygging
Tað var ein ógvuliga fegin borgarstjóri, sum vegna Sjálvsognarstovnin undir Kráarbrekku skrivaði undir sáttmálan við Byggifelagið Kanjon.
- Biskupstorg verður fyrsta byggingin í hjartanum av nýggja miðbýnum í Klaksvík, og tí er talan um eina søguliga hending fyri Klaksvíkar kommunu, sum síðan tíðliga í áttati árunum hevur arbeitt við ætlanum fyri miðbýin í Klaksvík, sigur Jógvan Skorheim, sum var ógvuliga fegin um, at býráðið stendur saman um hesa týdningarmiklu verkætlan.
- Nógv skiftandi býráð hava arbeitt fram ímóti at fáa gongd á byggingina av miðbýnum. Seinasta valskeið varð hendan miðbýarætlanin fyrireikað og samtykt, og hesa býráðssetuna hava vit arbeitt miðvíst saman við Bústaðir og Ósbjørn Jacobsen, arkitekti, sum vann miðbýarkappingina, fram ímóti at seta sjálva byggingina av miðbýnum í gongd.
Grøn verkætlan
- Talan er eisini um eina grøna verkætlan, tí upphitingin av bygningunum verður knýtt upp í kommunalu orkuverkætlanina, har sjóhiti verður nýttur til at upphita bygningar kommununnar frá miðstaðarøkinum og niðan gjøgnum býin, herundir skúlabygningar, ítróttarhallir og svimjihøll, sum verða knýttir í skipanina, upplýsir borgarstjórin.
- Í fyrstu syftu er ætlanin at knýta skúlabygningar, svimjihøllina og ítróttarhallirnar upp í skipanina. Sum nevnt, verður eisini Biskupstorg knýtt uppí, tá ið tann byggingin er liðug, og møguleiki er fyri at víðka hesa skipan, so eisini aðrir bygningar verða knýttir uppí.
- Á henda hátt ynskja vit í Klaksvíkar kommunu at ganga á odda í arbeiðnum at tryggja okkara landi meira grøna orku, samstundis sum ikki so lítlar sparingar verða vunnar.
Kelda: www.klaksvik.fo
RSS Feed