Vegarbeiðið í samband við sjóhitan er nú komið til Gerðagøtu, og tí verður ein partur av gøtuni avgrivin í komandi viku.
Koyrandi til stadionøkið
Vegastrekkið eftir Gerðagøtu, sum er víst á myndini, verður stongt fyri gjøgnumkoyrandi ferðslu mánamorgunin kl. 8.00 og inntil arbeiðið er liðugt.
Arbeiðið er lagt soleiðis til rættis, at koyrandi verður av Gerðagøtu og inn ímóti ítrottarøkinum á Jógvan Waagsteinsgøtu. Soleiðis verður ferðslan til Dr. Margrethu barnagarð, svimjihøllina, fótbóltsvøllin og ítrottarhallirnar ikki tarnað av vegarbeiðnum. Vegarbeiðið tarnar heldur ikki bussleiðini hjá Klaksvíkar kommunu, og tí koyra bussarnir sum vant alla komandi viku.
Atlit tikin til skúlakoyring
Gerðagøta er ein av høvuðsæðrunum fyri ferðslu til og frá Skúlatrøð, og tí er vegarbeiðið lagt í viku 42, tá ið skúlin er í heystfrí. Vegastrekkið verður sum sagt stongt mánamorgunin 12. oktober kl.8, og ætlanin er at gera arbeiðið liðugt í somu viku, soleiðis at ferðslan til skúlan ikki verður ávirkað, tá ið heystfrítíðin er av.
Sjóhitin – ein slóðbrótandi íløga
Sjóhitin er ein av størstu og mest spennandi verkætlanunum í Klaksvíkar kommunu í løtuni. Við nýggju sjóhitaskipanini gongur Klaksvíkar kommuna á odda, tá ið tað kemur til grøna orku í Føroyum, og íløgan fer at kasta bæði fíggjarligan og umhvørvisligan vinning av sær.
Sjóhitaskipanin verður førd ígjøgnum miðbýin, so at hon kann veita hita til flestu kommunalu bygninarnar í Klaksvík. Skipanin kann spara upp til fimm milliónir litrar av olju um árið.
Skipanin er løgd inn eftir skúlavegi, og nú eigur vegastrekkið tvørturum Gerðagøtu og yvir til stadionøkið tørn.
Kelda: www.klaksvik.fo
SáH
Koyrandi til stadionøkið
Vegastrekkið eftir Gerðagøtu, sum er víst á myndini, verður stongt fyri gjøgnumkoyrandi ferðslu mánamorgunin kl. 8.00 og inntil arbeiðið er liðugt.
Arbeiðið er lagt soleiðis til rættis, at koyrandi verður av Gerðagøtu og inn ímóti ítrottarøkinum á Jógvan Waagsteinsgøtu. Soleiðis verður ferðslan til Dr. Margrethu barnagarð, svimjihøllina, fótbóltsvøllin og ítrottarhallirnar ikki tarnað av vegarbeiðnum. Vegarbeiðið tarnar heldur ikki bussleiðini hjá Klaksvíkar kommunu, og tí koyra bussarnir sum vant alla komandi viku.
Atlit tikin til skúlakoyring
Gerðagøta er ein av høvuðsæðrunum fyri ferðslu til og frá Skúlatrøð, og tí er vegarbeiðið lagt í viku 42, tá ið skúlin er í heystfrí. Vegastrekkið verður sum sagt stongt mánamorgunin 12. oktober kl.8, og ætlanin er at gera arbeiðið liðugt í somu viku, soleiðis at ferðslan til skúlan ikki verður ávirkað, tá ið heystfrítíðin er av.
Sjóhitin – ein slóðbrótandi íløga
Sjóhitin er ein av størstu og mest spennandi verkætlanunum í Klaksvíkar kommunu í løtuni. Við nýggju sjóhitaskipanini gongur Klaksvíkar kommuna á odda, tá ið tað kemur til grøna orku í Føroyum, og íløgan fer at kasta bæði fíggjarligan og umhvørvisligan vinning av sær.
Sjóhitaskipanin verður førd ígjøgnum miðbýin, so at hon kann veita hita til flestu kommunalu bygninarnar í Klaksvík. Skipanin kann spara upp til fimm milliónir litrar av olju um árið.
Skipanin er løgd inn eftir skúlavegi, og nú eigur vegastrekkið tvørturum Gerðagøtu og yvir til stadionøkið tørn.
Kelda: www.klaksvik.fo
SáH
RSS Feed
