Seint hóskvøldið fekk eitt av starvsfólkum kommununnar fráboðan frá Landslæknanum um, at viðkomandi varð blivin testað positiv við Covid-19 smittuni.
Talan er um eitt starvsfólk í Mylnuhúsinum, sum er ein av dagstovnum kommununnar. Viðkomandi hevur verið uttanlands, og var heima aftur mánadagin. Viðkomandi var til arbeiðis týsdagin, men hevur í síðani verið heima.
Viðkomandi dagstovnur søkti sær beinanvegin ráð frá serkunnleika landsins um, hvussu henda støða skuldi takklast.
Fráboðan Frá Klaksvíkar Kommunu – Ein Tilburður Av Covid-19 Staðfestur
Eftir tilmæli frá lækna hevur kommunan kunnað øll starvsfólk og foreldur á viðkomandi stovni um støðuna og hevur heitt á tey um at halda seg heima.
Frammanundan hesum hevði borgarstjórin – í tráð við tiltøkini, sum landsmyndugleikarnir settu í verk hósdagin – givið øllum starvsfólkum kommununnar boð, frá í dag, fríggjadagin, um í mest møguligan mun at arbeiða heimanífrá.
Landslæknin tekur sær nú av málinum og tí, sum víðari skal henda til tess at fyribyrgja, at fleiri verða smittað.
– Kommunan tekur hetta í størsta álvara, og tí settu vit eisini 12 átøk í verk í gjár til tess at verja ímóti hesi smittu, sigur Jógvan Skorheim, borgarstjóri.
– Sum lokalur myndugleiki fylgja vit neyvt teimum ásetingum, sum landsmyndugleikarnir áseta, og vit fylgja gongdini tætt.
– Mint verður á, at borgarar kunnu seta spurningar, sum viðvíkja teimum átøkum, ið Klaksvíkar kommuna hevur tikið í samband við Covid-19, í boðklivanum á facebook síðu kommunnar.
Kelda: klaksvík.fo
SáH
Talan er um eitt starvsfólk í Mylnuhúsinum, sum er ein av dagstovnum kommununnar. Viðkomandi hevur verið uttanlands, og var heima aftur mánadagin. Viðkomandi var til arbeiðis týsdagin, men hevur í síðani verið heima.
Viðkomandi dagstovnur søkti sær beinanvegin ráð frá serkunnleika landsins um, hvussu henda støða skuldi takklast.
Fráboðan Frá Klaksvíkar Kommunu – Ein Tilburður Av Covid-19 Staðfestur
Eftir tilmæli frá lækna hevur kommunan kunnað øll starvsfólk og foreldur á viðkomandi stovni um støðuna og hevur heitt á tey um at halda seg heima.
Frammanundan hesum hevði borgarstjórin – í tráð við tiltøkini, sum landsmyndugleikarnir settu í verk hósdagin – givið øllum starvsfólkum kommununnar boð, frá í dag, fríggjadagin, um í mest møguligan mun at arbeiða heimanífrá.
Landslæknin tekur sær nú av málinum og tí, sum víðari skal henda til tess at fyribyrgja, at fleiri verða smittað.
– Kommunan tekur hetta í størsta álvara, og tí settu vit eisini 12 átøk í verk í gjár til tess at verja ímóti hesi smittu, sigur Jógvan Skorheim, borgarstjóri.
– Sum lokalur myndugleiki fylgja vit neyvt teimum ásetingum, sum landsmyndugleikarnir áseta, og vit fylgja gongdini tætt.
– Mint verður á, at borgarar kunnu seta spurningar, sum viðvíkja teimum átøkum, ið Klaksvíkar kommuna hevur tikið í samband við Covid-19, í boðklivanum á facebook síðu kommunnar.
Kelda: klaksvík.fo
SáH
RSS Feed
