Gamlaárskvøld varð Listarvirðisløn Nólsoyar Páls á triðja sinni latin lokalum listafólki, og hesaferð varð Eyð Matras heiðrar fyri síni mongu avrik innan leiklist.
Niðanfyri endurgeva vit røðuna, sum Jógvan Skorheim, borgarstjóri helt, áðrenn hann handaði Eyð Matras Listarvirðisløn Nólsoyar Pálls til nýggjárshaldið á posthúshjørninum:
Gott kvøld øll somul
31. desember, sum vit kalla nýggjársaftan, ber jú eisini heitið “Gamlaárskvøld”.
Hetta er ein dagur og eitt kvøld, har vit skifta ímillum tað gamla og tað nýggja. Vit minnast aftur á farna árið, og vit gleða okkum til tað komandi.
Í nógvar mátar hevur 2015 verið eitt framúr gott ár, og tí er tað við góðum treysti, at vit um eina lítla løtu seta hol á 2016.
Vit hava bæði nógv at gleðast um og nógv at gleða okkum til, og eg vil sjálvandi nýta høvið at ynskja øllum eitt gott og eydnuberandi nýggjár, við tøkk fyri brátt farna.
Listin hevur í nógv ár lívgað um tilveruna í Klaksvík, og hon gongur eini uppaftur bjartari framtíð í møti.
Dreymurin um at gera hetta gamla og ikoniska posthúsið um til ein nútímans mentanarpall, nærkast nú veruleika við smáum, men framsøknum fetum.
Í framtíðini fer posthúsbygningurin at húsa fleiri listagreinum.
Tónleikalistin, myndlistin og leiklistin fáa allar eitt virðiligt høli og ein virðiligan pall her í hjartanum í Klaksvík.
Hesum hava vit stóran tørv á í býnum, og tí eri eg sera glaður fyri, at vit nú endiliga seta hol á verkætlanina, sum fer at geva listini betri karmar.
Eins og undanfarnu tvey árini fara vit at heiðra einum lokalum listafólki við Listavirðisløn Nólsoyar Pálls.
Áður hava vit heiðrað tónleikara og myndlistamanni, og í ár hevur nevndin valt at heiðra eitt av okkara allarfremstu leiklistafólkum.
Hon er ein úrmælingur á sínum øki, sum í nógv ár hevur ríkað føroyska mentanararvin, og sum vit eisini vænta at uppliva meira av í framtíðini.
Hon hevur drúgvar og fjølbroyttar royndir innan sína listagrein, og hon hevur lyft listina í Klaksvík upp á eitt yrkisstøði við sínum fantastisku evnum til at rúnarbinda áskoðararnar.
Hon er ein sannur einari, sum fylgir hjartanum heldur enn streyminum.
Og við einmansavrikum í heimsflokki hevur hon í fleiri umførum gjørt fortíðina livandi fyri okkum, við at sett sjóneykuna á avrik, sum okkara forfedrar hava megnað í gomlum døgum.
Í hesum høpi hevur hon eisini víst fyrimyndaligar dygdir í at varpa ljós á undangongukvinnur, sum hava slóðað fyri við dirvi og árræði.
Ígjøgnum árini hevur hon virkað bæði frammanfyri og aftanfyri leiktjøldini. Og vit hava bæði sæð hana í filmum í sjónvarpinum og hoyrt hana lesa søgu í útvarpinum.
Hon hevur áður fingið Ársins Herðaklapp frá Tjóðpallinum og MÁF, fyri síni einastandi avrik á og nærhendis sjónleikapallum. Men í kvøld verður hon heiðrað í Klaksvík.
Her vaknaði áhugi hennara fyri sjónleiki, og her tók hon fyrstu fetini fram ímóti pallinum sum 15 ára gomul. Tá slapp hon at royna seg sum teskara í Klaksvíkar Sjónleikarafelag.
Síðani hevur hon vant og arbeitt seg upp. Teskarin í myrkrinum er vorðin stjørnan á pallinum.
Unga og evnaríka gentan í Klaksvík er vorðin víðagitin, ikki bara í Føroyum, men eisini í øðrum norðanlondum.
Hon hevur drigið hópin av áskoðarum úr øllum landinum til Klaksvíkar, og hon hevur knýtt samband til Íslands, haðani hennara hollasti samstarvsfelagi og inspiratiónskelda - Sigrún Valbergsdóttir - stavar.
Hon er í roynd og veru ein lokal listastjørna, sum skínur bjart bæði heima og úti.
Listavirðisløn Nólsoyar Pálls 2015 verður latin Eyð Matras.
Kelda: www.klaksvik.fo
SáH
Niðanfyri endurgeva vit røðuna, sum Jógvan Skorheim, borgarstjóri helt, áðrenn hann handaði Eyð Matras Listarvirðisløn Nólsoyar Pálls til nýggjárshaldið á posthúshjørninum:
Gott kvøld øll somul
31. desember, sum vit kalla nýggjársaftan, ber jú eisini heitið “Gamlaárskvøld”.
Hetta er ein dagur og eitt kvøld, har vit skifta ímillum tað gamla og tað nýggja. Vit minnast aftur á farna árið, og vit gleða okkum til tað komandi.
Í nógvar mátar hevur 2015 verið eitt framúr gott ár, og tí er tað við góðum treysti, at vit um eina lítla løtu seta hol á 2016.
Vit hava bæði nógv at gleðast um og nógv at gleða okkum til, og eg vil sjálvandi nýta høvið at ynskja øllum eitt gott og eydnuberandi nýggjár, við tøkk fyri brátt farna.
Listin hevur í nógv ár lívgað um tilveruna í Klaksvík, og hon gongur eini uppaftur bjartari framtíð í møti.
Dreymurin um at gera hetta gamla og ikoniska posthúsið um til ein nútímans mentanarpall, nærkast nú veruleika við smáum, men framsøknum fetum.
Í framtíðini fer posthúsbygningurin at húsa fleiri listagreinum.
Tónleikalistin, myndlistin og leiklistin fáa allar eitt virðiligt høli og ein virðiligan pall her í hjartanum í Klaksvík.
Hesum hava vit stóran tørv á í býnum, og tí eri eg sera glaður fyri, at vit nú endiliga seta hol á verkætlanina, sum fer at geva listini betri karmar.
Eins og undanfarnu tvey árini fara vit at heiðra einum lokalum listafólki við Listavirðisløn Nólsoyar Pálls.
Áður hava vit heiðrað tónleikara og myndlistamanni, og í ár hevur nevndin valt at heiðra eitt av okkara allarfremstu leiklistafólkum.
Hon er ein úrmælingur á sínum øki, sum í nógv ár hevur ríkað føroyska mentanararvin, og sum vit eisini vænta at uppliva meira av í framtíðini.
Hon hevur drúgvar og fjølbroyttar royndir innan sína listagrein, og hon hevur lyft listina í Klaksvík upp á eitt yrkisstøði við sínum fantastisku evnum til at rúnarbinda áskoðararnar.
Hon er ein sannur einari, sum fylgir hjartanum heldur enn streyminum.
Og við einmansavrikum í heimsflokki hevur hon í fleiri umførum gjørt fortíðina livandi fyri okkum, við at sett sjóneykuna á avrik, sum okkara forfedrar hava megnað í gomlum døgum.
Í hesum høpi hevur hon eisini víst fyrimyndaligar dygdir í at varpa ljós á undangongukvinnur, sum hava slóðað fyri við dirvi og árræði.
Ígjøgnum árini hevur hon virkað bæði frammanfyri og aftanfyri leiktjøldini. Og vit hava bæði sæð hana í filmum í sjónvarpinum og hoyrt hana lesa søgu í útvarpinum.
Hon hevur áður fingið Ársins Herðaklapp frá Tjóðpallinum og MÁF, fyri síni einastandi avrik á og nærhendis sjónleikapallum. Men í kvøld verður hon heiðrað í Klaksvík.
Her vaknaði áhugi hennara fyri sjónleiki, og her tók hon fyrstu fetini fram ímóti pallinum sum 15 ára gomul. Tá slapp hon at royna seg sum teskara í Klaksvíkar Sjónleikarafelag.
Síðani hevur hon vant og arbeitt seg upp. Teskarin í myrkrinum er vorðin stjørnan á pallinum.
Unga og evnaríka gentan í Klaksvík er vorðin víðagitin, ikki bara í Føroyum, men eisini í øðrum norðanlondum.
Hon hevur drigið hópin av áskoðarum úr øllum landinum til Klaksvíkar, og hon hevur knýtt samband til Íslands, haðani hennara hollasti samstarvsfelagi og inspiratiónskelda - Sigrún Valbergsdóttir - stavar.
Hon er í roynd og veru ein lokal listastjørna, sum skínur bjart bæði heima og úti.
Listavirðisløn Nólsoyar Pálls 2015 verður latin Eyð Matras.
Kelda: www.klaksvik.fo
SáH
RSS Feed