Um nakrar dagar er bara eitt ár til stóru sólarmyrkingina, sum vónandi fer at síggjast best úr Føroyum. Og fyrireikingarnar eru byrjaðar. Til dømis hjá VisitTórshavn, har Tórstein Christiansen, samskipari, nú arbeiðir hálva tíð vegna ferðavinnuna, bara við at samskipa tiltøk í sambandi við hendingina.
Tórshavn verður bókstaviliga heimsins nalvi tann 20. mars 2015 kl 09:44:14, tá fullkomna sólarmyrkingin byrjar yvir Føroyum. Hon varar í 2 minuttir og 47 sekund. Koordinatarnir eru 64,4324 N. 6,6423 V. Føroyar og økið í ein radius av 250 km kring Føroyar liggja tí best fyri. Myrkingin sæst eisini á Svalbard, í Noregi og í Íslandi, men bara lutvíst aðrastaðni.
Orsakað av hesum hava Føroyar longu nú sera stóran áhuga úti í heimi, og ferðafeløgini og gistingarhúsini hava longu fingið sera nógvar fyrispurningar í sambandi við, at áhugað ætla sær til Føroya at síggja sólarmyrkingina.
- Tað, at sólarmyrkingin verður komandi ár, gevur øllum aktørum innan ferðavinnu ein møguleika at spíla seg út og vera við til at gera nógv spennandi tiltøk, túrar og annað til tey ferðandi, sum koma henda veg. Í tí sambandi eri eg so settur sum samskipari vegna ferðavinnuna. Nógvar av teimum fyrstu uppgávunum hava verið rættiliga grundleggjandi, at gera vart við sólarmyrkingina, aktivera fólk í Føroyum og ymiskt PR-arbeiði, sigur Tórstein.
- Til dømis er heimasíða gjørd, hon eitur solareclips.fo, ein síða er gjørd á Facebook, bókingar og bíðilistar eru samskipaðir, nógv er gjørt við at kanna húsa- og íbúðarleigu, og samskift hevur verið við ótal av fólki, ið ætla sær hendaveg.
Og ongin skal siga, at onki verður gjørt við veðrið. Samstarv er gjørt við ein veðurfrøðing og fólk 10 ymisk støð í landinum, sum kanna veðrið og sýnið hvønn einasta morgun kl 09.40. Tilfarið verður greinað og granskað í sambandi við ymisk ástøði og forsøgnir, sum ætlandi sum frálíður skulu hjálpa at spáa um veðrið 20. mars næsta ár.
- Komandi uppgávurnar hjá okkum eru í samstarvi við veitarar, kunningarstovur og kommunur at fáa sett gongd á fyrireikingar av tiltøkum allastaðir í landinum, samskipa allar útferðirnar, útvega neyðug loyvi, og eisini royna vit at fáa skúlarnar at taka hetta við í undirvísingina í skúlunum, sigur Tórstein Christiansen, sum leggur aftrat, at samstundis skulu tey vera tann eindin, sum øll kunnu venda sær til, tá tað snýr seg um okkurt, sum hevur við sólarmyrkingina at gera.
JáH 13/03-14 (Kelda: Tórshavnar Kommuna)
Tórshavn verður bókstaviliga heimsins nalvi tann 20. mars 2015 kl 09:44:14, tá fullkomna sólarmyrkingin byrjar yvir Føroyum. Hon varar í 2 minuttir og 47 sekund. Koordinatarnir eru 64,4324 N. 6,6423 V. Føroyar og økið í ein radius av 250 km kring Føroyar liggja tí best fyri. Myrkingin sæst eisini á Svalbard, í Noregi og í Íslandi, men bara lutvíst aðrastaðni.
Orsakað av hesum hava Føroyar longu nú sera stóran áhuga úti í heimi, og ferðafeløgini og gistingarhúsini hava longu fingið sera nógvar fyrispurningar í sambandi við, at áhugað ætla sær til Føroya at síggja sólarmyrkingina.
- Tað, at sólarmyrkingin verður komandi ár, gevur øllum aktørum innan ferðavinnu ein møguleika at spíla seg út og vera við til at gera nógv spennandi tiltøk, túrar og annað til tey ferðandi, sum koma henda veg. Í tí sambandi eri eg so settur sum samskipari vegna ferðavinnuna. Nógvar av teimum fyrstu uppgávunum hava verið rættiliga grundleggjandi, at gera vart við sólarmyrkingina, aktivera fólk í Føroyum og ymiskt PR-arbeiði, sigur Tórstein.
- Til dømis er heimasíða gjørd, hon eitur solareclips.fo, ein síða er gjørd á Facebook, bókingar og bíðilistar eru samskipaðir, nógv er gjørt við at kanna húsa- og íbúðarleigu, og samskift hevur verið við ótal av fólki, ið ætla sær hendaveg.
Og ongin skal siga, at onki verður gjørt við veðrið. Samstarv er gjørt við ein veðurfrøðing og fólk 10 ymisk støð í landinum, sum kanna veðrið og sýnið hvønn einasta morgun kl 09.40. Tilfarið verður greinað og granskað í sambandi við ymisk ástøði og forsøgnir, sum ætlandi sum frálíður skulu hjálpa at spáa um veðrið 20. mars næsta ár.
- Komandi uppgávurnar hjá okkum eru í samstarvi við veitarar, kunningarstovur og kommunur at fáa sett gongd á fyrireikingar av tiltøkum allastaðir í landinum, samskipa allar útferðirnar, útvega neyðug loyvi, og eisini royna vit at fáa skúlarnar at taka hetta við í undirvísingina í skúlunum, sigur Tórstein Christiansen, sum leggur aftrat, at samstundis skulu tey vera tann eindin, sum øll kunnu venda sær til, tá tað snýr seg um okkurt, sum hevur við sólarmyrkingina at gera.
JáH 13/03-14 (Kelda: Tórshavnar Kommuna)
RSS Feed
