![Billede](/uploads/3/6/6/4/3664226/published/hmr-corona20032020.jpg?1584780301)
Higartil hava 80 føroyingar fingið staðfest nýggju coronasmittuna, men tað sigur ikki alt um smittugongdina í føroyskum samfelagnum. Enn er eingin innlagdur, og trý eru staðfest frísk aftur.
Á heimasíðuni hjá Heilsumálaráðnum, www.hmr.fo, og corona.fo fæst m.a. eisini yvirlit yvir kynsbýti og í hvørjum aldursbólki, tey smittaðu eru. Eisini sæst, hvar í Føroyum, tey smittaðu hava skrásettan bústað, býtt á økir í landinum.
Eisini eru hagtøl fyri, hvussu nógv eru kannað fyri coronasmittuna higartil, hvussu nógv eru í sóttarhaldi, og hvussu nógv eru innløgd higartil.
Nýggjastu hagtølini síggjast her.
Heilsumálaráðið