Vit í Maverick Barr vóna at øll fáa ein góðan Sjómansdag í dag og í kvøld.

Maverick Barr letur upp klokkan 16:00 í dag, vit fara heppa KÍ kvinnurnar til sigurs og til Føroyameistaraskapi 2023. Klokkan 17:30 verður stórdysturin TOTTENHAM - MANCHESTER UNITED vístir og klokkan 20:000 MANCHESTER CITY - NEWCASTLE.

Eisini verður massar av tónleiki á skránni.

Vit síggjast í Maverick Barr og enn einaferð Góðan Sjómannadag. Somuleiðis góða eydnu til okkara KÍ kvinnur, vónandi blíva tit FØROYAMEISTARAR í dag. Koyr á KÍ.

SáH

27 umsóknir komu inn um stuðul til útoyggjamenning í ár. Av teimum fáa 23 verkætlanir stuðul. Stuðulsjáttanin er 1,1 mió kr.
​
Flestu av verkætlanunum snúgva seg um umvæling, dagføring og viðlíkahald av bygningum og øðrum á útoyggj. Harumframt eru eisini verkætlanir sum umfata mál og mentan og annað.

Endamálið við játtanini er at stuðla tiltøkum, sum eru mennandi fyri útoyggjar. Stuðulin kann veitast einstaklingum, virkjum, feløgum og kommunum.

Ávísar treytir eru fyri at veita stuðul. Umsøkjarar skulu greiða frá endamálinum við verkætlanini, fíggjarætlan og hvussu hon verður framd. Útoyggjar, sum koma undir hesa skipan, eru Fugloy, Svínoy, Kalsoy, Mykines, Hestur, Koltur, Skúvoy og Stóra Dímun.

Stuðulsupphæddirnar í ár eru úr 10.000 kr. upp í 300.000 kr.

Yvirlit yvir játtaðar verkætlanir sæst niðanfyri.

Verkætlan Stuðulsupphædd

Útoyggjafelagið 300.000

Bakkahjallur í Hattarvík 60.000

Umvæling av neysti niðri á bakka í Hattarvík – framhald 25.000

Pakkhúsið, Listabýlið, Atelier og Filmsverkstaður í Hattarvík – framhald 40.000

KERLON – byggja tvey neyst uppaftur í Hattarvík – framhald 25.000

Umvæling av hoyggjhúsi í Fugloy 20.000

Vakstrarhús til grønmetisframleiðslu í Hattarvík 16.000

Vakstrarhús til framleiðslu á Kirkju – framhald 25.000

Umvæling og viðlíkahald av úthúsum sum hoyggjhúsi, fjósi, seyðahúsi og súrhoyggjabrunni á Kirkju – framhald 10.000

Verkætlanin Multi-høli á Kirkju 50.000

Umvæling av roykstovuvegginum í Mittúni á Kirkju 20.000

Sláturhølið í Svínoy – framhald 25.000

Tróndarstova, orku- og aquaphonics vakstrarhús í Svínoy – framhald 50.000

Kafe/køkur og matarhøli v.m. Garðurin á Stórheygnum í Svínoy – framhald 20.000

Felagið Bjarnafossur, bátasavn og bygdahús í Svínoy – framhald 40.000

Umvæling av 90 ára gamla útisvimjihylinum í Svínoy 75.000

Neystagrundirnar yviri við Eiðið í Svínoy 50.000

Fjósið á Blankskálagarði á Syðradali K – framhald 60.000

Felagið staðarnøvn 22.000

Felagshús til Skúvoyar Fornminnisfelag 80.000

“Mini” Closed for Maintenance í Skúvoy 21.000

Málskeið í enskum til ferðaleiðarar í Skúvoy 16.000

Útbúnaður og dagføringar í Framleiðsluhúsinum í Dímun 50.000

Tilsamans játtað 1.100.000

Løgmálaráðið

Maverick Barr letur upp klokkan 18:00 í dag. Her skráin:

Kl. 18:00 Hvidovre IF - FC Keypmannahavn
Kl. 19:30 Werder Bremen - Bayern Munchen
Kl. 19:45 Nottinham Forrest - Sheffied United
Kl. 20:30 Real Zaragoza - Real Valladolid

Og so verður massar av tónleiki og nú Sjómannadagar eru, so vera eisini sjómanssangir á skránni.

Góðan Sjómannadag.

SáH

Stóra økið har Sjómannadagurin verður hildin hvørt, tekur av álvara skap. Fyrireikarnir siga, at tað hevur gingið ómetaliga væl at fingið tiltakið á føtur aftur í ár, og vælvildin frá fyritøkum og einstaklingum er ótrúliga stór. Ætlanin var upprunaliga, at fiskikapping og vatnkríggj skuldi flytast til hósdag, men av givnum orsøkum, verður hildið fast við fríggjadagin, eins og gjørt hevur verið undanfarin ár.

Fiskikappingin á Kósabrúnni byrjar kl. 17.00
Eins og undanfarin ár, verða heiðursmerkir latin til nr. 1, 2 og 3 í hesum bólkunum: Dreingir undir skúlaaldur, gentur undir skúlaaldur, dreingir í skúlaaldri og gentur í skúlaaldri.

Eisini verður steyp og gáva latin til tann, ið fiskar størsta fiskin.

Børnini skulu sjálvi hava tráðu og bjargingarvest við. Agn verður útflýggjað á bryggjuni.

Klokkan 18.00 byrjar risastóra vatnkríggið millum bátar og skip á vágni í Klaksvík.

Umframt verjuskipini, og fleiri onnur bæði størri og smærri skip og bátar, verður skipið Rólant, ið Bakkafrost eigur, eisini við vatnkrígginum í ár.

Skip og bátar leggja at Kósabryggjuni og taka fólk umborð og síðani verður kríggjast millum bátarnar á Vánni. Sløkkilið og bjargingarfeløg úr øllum landinum luttaka í vatnkrígginum. 

Silgt verður í ring inni á vánni og kríggið endar tá sjóverjuskipið Brimil blæsur tríggjar ferðir við stóra skipslúðrinum.

Skráin leygardagin 19. aug
Dagurin byrjar við, at Merkið verður vundið á stong klokkan 10.30.

Síðani verður Føroya Sjómannadagur 2023 settur á stóra pallinum, og boðið verður til stóra morgunmatarborðið á bryggjuni.

Karl Johansen, borgarstjóri, bjóðar vælkomin og Dennis Holm, landsstýrismaður í fiskivinnumálum, setur Føroya Sjómannadag.

Í Tjaldinum
10.40: Stóra morgunmatarborðið

11.00 – 18.00: Listaframsýning
Lydia Petersen, Magna Auðunsson og Monika Ósá Henriksen sýna fram

11.00 – 18.00:  Framsýning við Norðoya Heimavirki

12.00 – 16.00: Havstovan vísir, hvussu fiskar verða kannaðir

12.00 – 17.00: Ókeypis andlitsmáling v/ Kæti

13.00 – 17.00: Blái Krossur Føroya bjóðar øllum børnum ókeypis Candyfloss úr Liv Lívið - rúsfría vogninum

13.00 – 17.00: Silvi skipar fyri fiskidammi


Á økinum
10.30: Merkið verður vundið á stong, meðan tjóðsangurin verður sungin 

11.00 – 19.00: Rógving fyri børn og ung á flakum í grunnum hyli

12.00 – 14.00: Opið hús í Fullpower á Klaksvíksvegi 85
Verð við í spennandi kappingum, gita hvussu nógv kilo eru í rúgvuni og tak eina wella selfie við vakra prýdda selfieveggin frá Rógvadóttir. Ókeypis kaffi!

13.00: Grindamannafelagið skerir ein grindahval upp niðanfyri Ídni.
Greitt verður frá á enskum, meðann grindahvalurin verður skorin upp. Tvøstið verður síðani grillað og hesin leskiligi borðiskur verður síðani borðreiddur gestum saman við rómaeplum.

13.00 - 17.00: Opið hús á Looknorth
Kom og hygg at, hvussu EPS (flamingo) og hart plast verður framleitt. Looknorth bjóðar gestunum kaffi og vaflur. 

13.00 - 17.00: Ókeypis kramarísar
 
13.30 – 19.00: Føroya átiligasta fiskaborð
JFK bjóðar Fish & Chips. Fiskurin er fyrstafloks toskur frá Gadus og Sjúrðabergi, meðan chipsini verða framleidd úr nýggjum eplum úr Onglandi, sum eru serliga væl egnað til endamálið. Aftur í ár fara tveir kokkar frá kendum enskum Fish & Chips matstovum at kokkast. Fyri at stytta um tíðina í bíðirøðini, kann hvør persónur í mesta lagi fáa fýra portiónir.

-----

Føroya Bjór bjóðar sodavatn og vatn afturvið.

-----

Bakkafrost eru errin av sínum vælsmakkandi og heilsugóða laksi, aldur á føroysku firðunum. Aftur í ár fer Bakkafrost  at borðreiða við ókeypis smakkiroyndum á bryggjuni. Hesar fara vónandi at geva tær íblástur til aðrar laksarættir.

-----

Christian í Grótinum og Amarant -  Á sjómannadøgunum í ár borðreiða vit við eini Pokéskál við heitt royktum makreli. Omaná bjóðar Amarant kaffi og eina rabarbu desert.

-----

14.00: Føroya Sjómannnadagur bjóðar grindabúff og rómaepli

14.00: Sjórænarar bjóða øllum børnum við á spennandi skattaveiðu

14.00: Felagssangur við Hans Hjalta Skaale og Hóraldur Joensen í kantinuni á ”Roykivirkinum”.

14.00 – 15.00: Á Sjónámi verður framløga við John Goodlad um bók hansara “The Salt Roads - how fish made a culture”. John fer at tosa um burðardygd, veðurlagsbroytingar og aðrar avbjóðingar hjá fiskivinnutjóðum.

14.00 – 17.00: Føroyameistarakapping í kassastápling

15.30 – 16.30: Á Sjónámi greiðir Gudmund Helmsdal frá um spælifilmsverkætlanina Vandaferð.
Verkætlanin byggir á bókina "Ein Vandaferð" eftir Frederik Bláhamar, um tá Vestmanna sluppin Union Jack varð sokkin í 1940.

Á sjónum
09.00: Føroysk træseglskip og motorbátar hittast á Pollinum og seta segl

10.00: Seglskipini koma á Klaksvík og leggja at kai, innast í krókinum við Stórukaj. Jóhanna TG 326, Westward Ho, Dragin, Norðlýsið, Thorshavn, Norðan og Grinkil eru við, umframt Swan, ið kemur úr Hetlandi.

11.00 – 17.00: Sjórænaraskip við Trøllapæturi og ommuni siglir stuttar túrar við børnum

11.00 – 17.00: Vilt á sjónum
- Ókeypis túrar við skjóttgangandi RIB-bátum
- Ókeypis túrar sitandi á luftpútum, ið hanga afturúr speedbátum

11.00 – 17.00: Opið skip umborð á sluppini Jóhanna

Tveir róðursmenn vera við stýrisvølin. Hesir greiða frá, hvussu róðursmaðurin stýrir við stýrisvølinum eftir kumpassi, greiðir frá um veður og vind, seglføringina, vísir fram gamlan fiskireiðskap sum ongul, stein, fiskisnøri við teini, blýggjlodd, súlu, vaðbein í lúnning, lippukassan o.a. Fólk kunnu eisini sleppa at kasta snøri.

11.00 – 17.00: Opið skip umborð á Westward Ho
Tveir mans vera ílatnir føroyska húgvu, skipstroyggju, stivlar/tuflur og vøttir - hjálpa fólki at hála t.d. fokkuna ella mesanin upp og niður, leggja undir lippuna, halda tørn og seta fast á kuffilnaglan. Síðani at gera fallið upp.

11.00 – 17.00: Opið skip umborð á skúlaskipinum Dragin
Kahúttin er riggað um til skúlastovu við øllum tólum og undirvísingartilfari, sum næmingarnir vanliga nýta. Greitt verður frá, hvussu skúlaskipið verður nýtt til undirvísing. Eisini ber til at heysa okkurt segl upp og niður

11.00 – 17.00: Opið skip umborð á Norðlýsinum
Manningin vísir, hvussu farast kann upp í mastrina

13.00 – 17.00: Opið skip umborð á bjargingarbátinum Ziska
Norðoya Bjargingarfelag bjóðar øllum vælkomnum umborð á nýggja bjargingarbátin.

13.30: Bjargingarroynd
Tyrlan hjá Atlantic Airways og Norðoya Bjargingarfelag luttaka

14.00: Útferð við Erlu Kongsdóttir út á Kópakonuna við frásøgumanni
Asbjørn Lómaklett er frásøgumaður. Siglt verður frá Stórukaj.

14.00 – 17.00: Opið skip umborð á Brimli
Manningin bjóðar heitar vafflur og kakao.

14.00 – 17.00: Opið skip umborð á sjóverjuskipinum ”Hvidbjørnen”. Manningin bjóðar heitar pannukøkur og kakao.
 
15.25: Svimjikapping á Vágni fyri menn og kvinnur
Svimjifelagið ÆGIR skipar fyri svimjikapping tvørtur um Vágna. Tilmelding hjá ÆGIR við at skriva navn á svimjara í sms-boðum til 229950. Kappast verður í tveimum bólkum: Kvinnur og menn 

16.00: Útferð við Erlu Kongsdóttir út á Kópakonuna við frásøgumanni. Asbjørn Lómaklett er frásøgumaður. Siglt verður frá Stórukaj. 
 
Sunnudagur 20. august
11.00 - Sjómansguðstænasta í Christianskirkjuni við Hanusi á Gørðum.
Harmonikuvinir leiða sangin. Talvan gongur fyri Sjómansmissiónina.

18.00 - Sjómansmøti í KFUM & K 
Torleif Johannesen sjómanstrúboðari talar.
Eftir møtið verður nátturði.
Øll eru hjartaliga vælkomin.

Sjómannadagurin og Klaksvíkar Kommuna

​Heilsan frá borgarstjóranum í samband við Føroya Sjómannadag, sum aftur er á skrá í døgunum 16. - 20. august.

Fyrr í summar var eg á Oyggjaleikum, umboðandi Klaksvíkar kommunu. Fleiri íðkarar úr kommununi luttóku, eitt nú í badminton, kurvabólti, svimjing og frælsum ítrótti. Tað var ein ótrúliga góð ferð, har okkara umboð stóðu seg ómetaliga væl.

Vit búðu á einari lítlari oyggj beint uttanfyri Guernsey, so fyri at síggja leikirnar máttu vit sigla 20 minuttir, men tað var sera ómakaleyst. Lokalsamfelagið á hesi lítlu oyggj hevði í eitt stutt tíðarskeið veruliga spílað seg út til at kunna hýsa fleiri 100 ítróttarfólkum og rúgvuvís av gestum.

Hetta fekk meg at hugsa um tað sermerkta, sum ofta er við smáplássum. Samanhald og samstarv! Nakað, sum eisini eyðkennir okkara lítla bý.

Seinastu vikurnar hava vit fagnað okkara ótrúligu rógvarum, sum á Ólavsøku settu føroyskt met við at vinna heili 5 FM. Nakað, sum onki annað kappróðrarfelag í Føroyum áður hevur megnað. Og fyri ikki at tala um úrslitini hjá besta mansliðnum hjá KÍ í summar. Ítróttarbrøgd, sum kring allan heim eru blivin lýst sum ein sensatión, ein stórhending.

Fyri tveimum vikum síðan var býurin á tremur við glaðum festivalgestum. Fyriskipararnir av Summarfestivalinum megnaðu fyri 20. ferð at seta Klaksvík á føroyakortið sum plássið, har tónleikur, hugni og handilslív ganga hond í hond.

Onki av hesum hevði verið møguligt uttan tað sterka samanhald og góða samstarv, sum er millum tey, ið búgva og virka í hesum økinum. Kappróður, fótbóltur og Summarfestivalur høvdu ongantíð nátt slíkum hæddum, um tað ikki var fyri allar hesar skapandi kreftirnar og øll tey ótroyttiligu, dugnaligu hjálparfólkini, sum búgva í sama øki.

Føroya Sjómannadagur
Sjómannadagurin er enn eitt dømi um, hvat myndar okkara bý, tá fyriskiparar, vinnulív, handilslív og borgarar standa saman um tiltøk, ið samansjóða lokalsamfelagið.

Síðan 2005, tá fyrsti Sjómannadagur varð hildin, er Føroya Sjómannadagur bara vaksin og hevur ment seg so nógv, at tað er blivið siðvenja hjá 1000 tals føroyingum at leita sær til Klaksvíkar hendan dagin.

Føroya Sjómannadagur er eisini øðrvísi enn flestu onnur summartiltøk, stevnur og festivalar á tann hátt, at øll tiltøk – ja, enntá eisini máltíðirnar – verða latin ókeypis. Hetta ger, at familjurnar óræddar kunnu gera sær ein túr til Klaksvíkar á sjómannadag uttan at stúra fyri kostnaðinum.

Á henda fólksliga og hugaliga hátt setur Sjómannadagurin sjóneykuna á sjógvin, fiskivinnuna, og tað, sum hevur tilknýti til hana. Tað er altíð stuttligt at síggja børn og vaksin í vatnkríggi, fylgja øðrvísi kappingum millum sjómenn og onnur, fylgja kjaki og fyrilestrum, síggja fiskar í kørum og annars vera við til ein dag, sum minnir okkum á, hvat tað er, vit í stóran mun liva av sum fólk og tjóð.

Tørvurin á Føroya Sjómannadegi er ikki minkaður hesi árini, heldur tvørturímóti. Tað er so umráðandi, at vit sum eitt fólk og ein tjóð verða mint á týdningin av og virðið í høvuðsvinnu okkara, og tí vil eg takka fyrireikarunum og stuðlunum hjá Føroya Sjómannadegi fyri tykkara fantastiska arbeiði og áhaldni øll hesi ár og somuleiðis ynskja øllum hjartaliga vælkomnum á Føroya Sjómannadag 2023.

Karl Johansen
borgarstjóri í Klaksvíkar kommunu

Sunnudagin, 20.august, er sjómannagudstænasta kl. 11.00 v/Hanusi á Gørðum. Harmonikuvinir luttaka við fylgispæli til felagssangirnar. Talvan gongur fyri sjómannsmissiónina.

On Sunday, 20th' of August, we have a sailor's service at 11am with the priest, Hanus á Gørðum. The accordion friends will play to the anthem's. There will be a collection for the sailor's mission.

Christianskirkjan

​Útróðrarbáturin Bjørgvin hevur eisini rokast á Føroya Banka, teir hava heili 14.000 pund og tað má eisini vera ein av teirra bestu døgum til útróðrar nakrantíð.

Veiðan bleiv boðin út til Fiskamarknaðin Føroya og høvdu teir 14.040, tað mesta toskur, 14.000 pund og 40 pund longa.

Landa bleiv til Snarfrost í Miðvági.

SáH

BJØRGVIN - ( KG 503 ) (SNARFROST)17-08-2023   7.020

​Dalsenni hevur eisini rokast og má hetta vera besti túrur hjá teimum nakrantíð, heili 17.000 pund og hava teir roynt við línu á Føroya Banka.

Veiðan bleiv boðin út til Fiskamarknaðin Føroyar og høvdu teir 16.660 pund, tað mesta var toskur og hýsa, 10.500 pund toskur, 2.800 pund hýsa og restin annað fiskaslag, sjá søluna herundir.

Landa verður til Snarfrost í Miðvági og byrjað teir at landa Dalsenni klokkan 09:30 í morgun.

SáH

DALSENNI - ( KG 301 )MIÐVÁGS HAVN (SNARFROST)17-08-2023  8.330

Anru er komin aftur frá sera góðum og skjótum túri. Teir hava roynt við línu á Føroya Banka.

Veiðan bleiv boðin út til Fiskamarknaðin Føroyar og høvdu teir 63.310 pund, tað mesta var toskur og hýsa, 39.900 pund toskur, 19.100 pund hýsa og restin annað fiskaslag, sjá søluna herundir.

Teir byrjaði túr tann 13. august, sostatt bara verið úti í 4. dagar

Skipari er Gundur Sørensen.

Landa verður til Snarfrost í Miðvági og byrjaði teir at landa hann klokkan 8 í morgun.

SáH

ANRU - ( KG 730 )MIÐVÁGS HAVN (SNARFROST)17-08-2023   31.655

​Við hesum trimum útgávunum fevnir Posta um allan heimin og enntá heilt út í rúmdina. Vit hava enn eitt frímerki nr. 1000 á skránni – tað størsta av sínum slag, eina rúmdarferð og fiskasølu í Vágsbotni.

Frímerki nr. 1000 hjá Martin Mörck
Fríggjadagin, 11. august, kundi Martin Mörck, heimsins virknasti núlivandi frímerkjasniðgevi og -gravørur, hátíðarhalda útgávuna av frímerki sínum nr. 1.000.  Posta hevur leingi samstarvað við Martin Mörck og givið út 48 av verkum hansara, harav 40 sum vanlig frímerki og átta sum postgjaldsmerki. Martin Mörck hevur stóran tokka til Føroyar og eru vit á Posta sera fegin um, at hansara frímerki nr. 1000 bleiv ein føroysk útgáva. Umframt at vera frímerki nr. 1000 hjá Martini Mörck, er hetta eisini størsta frímerkið nakrantíð, sum er graverað við hond. Støddin er 62 x 82 mm, meðan tað næststørsta av hesum slag er 55 x 75 mm. Málningin hevur Emil Krause málað í 1933.

Huginn rannsóknarferðin
Í august fer danski astronauturin, Andreas Mogensen á rannsóknarferð til altjóða rúmdarstøðina ISS. Heitið á rannsóknarferðini er ”Huginn”, uppkallað eftir øðrum av Óðins ravnum. Í hesum sambandi geva Posta og Tusass Grønland í samstarvi við ESA - European Space Agency – út eina felags frímerkjaútgávu. Anker Eli Petersen hevur sniðgivið smáarkið.

Fiskasøla í Vágsbotni
Í Havn var frá eldri tíð vanligt at fara oman til bátar, sum høvdu verið á floti, at keypa fisk frá teimum. Hendan siðvenja er varðveitt m.a. í Havn, og hevur fingið góð kor, tí kommunan hevur gjørt eitt sølutorg í Vágsbotni, har tað dagliga ber til at keypa fisk og fiskavørur og stundum eisini grønmeti, kjøt, súltutoy og aðrar heimavirkaðar vørur. Mynd: Tjóðsavnið / Gjertrud M. Gravesen.

Les áhugaverdu greinirnar um frímerkini á www.stamps.fo har eisini ber til at bíleggja frímerki og aðrar vørur, sum er gjørdar í sambandi við útgávurnar.

Posta