Blog Archives - NP

Kina: Bilur koyrt í fólkamongd

21/11/2018

Kinesiska kanalin CCTV hevur boða frá, at minst fimm persónar hava latið lív eftir at ein bilur koyrdi inn í eina fólkamond - uttanfyri ein barnaskúla í Huludao í Liaoning, norðeystan fyri í landinum.

Umframt at 5 persónar hava latið lív, so hava 18 onnur fingið álvarsligan skaða.

Sjafførurin er handtikin og verður nú avhoyrdir av løgregluni, sigur CCTV.

JáH (y) 22.11.2018

Fráfaringarløta fyri Magnusi Magnussen, lækna

21/11/2018

Í sambandi við, at Magnus Magnussen eftir drúgva tænastu fer frá sum kommunulækni, skipar Klaksvíkar kommuna fyri almennari móttøku í býráðssalinum fríggjadagin 23. november frá kl. 15.00.

Magnus Magnussen byrjaði í starvi sum kommunulækni í Norðoya læknadømi í februar 1995, og hevur tískil starvast sum kommunulækni í kommununi í samfull 23 ár.

Vit vilja saman við honum og familjuni fegnast um og takka fyri drúgva og góða tænastu nógvu árini, og vóna vit at síggja so mong sum tilber til móttøkuna.

Vælkomin til móttøku.

Kelda: Klaksvíkar Kommuna

Ein sjónleikarakvinna ákært Avenatti

19/11/2018

Mynd av Marli Miniutti

Sjónleikarakvinnan Marli Miniutti hevur ákært sakførarin hjá Stormy Daniels, Michael Avenatti fyri at hava verið harðligur ímóti sær og krevur hon, at sakførarin fær løgreglubann.

Les eisini: Sakførarin hjá Stormy Daniels varð eisini á listanum hjá brævbumbumanninum

Sjálvur sigur sakførarin, at hetta er lygn og einansta grundin - at hetta verður gjørt, er tí at "tey" eru eftir honum.

- Eg havi ongantíð verið harðligur í lívinum og ei heldur verið tað ímóti kvinnum. At siga tað er tað reina tvætl og er hetta bert ein uppá funnin søga. Eg eri eitt mál - men eg verið reinsaður, segði sakførarin við fjølmiðlarnir eftir ákæruna frá Miniutti.

Sjónleikarakvinnan hevur ikki vilja gjørt nakrar viðmerkingar til fjølmiðlarnir enn um ákæruna, sum hon hevur ført ímóti 47 ára gamla Michael Avenatti.

JáH (y) 20.11.2018

Kníválop í Belgia

19/11/2018

Ein politistur er endaður á sjúkrahúsinum - eftir at hava verið álopin av einum manni, sum stakk hann niður - uttanfyri einari politistøð í býarpartinum Ixelles í høvuðsstaðnum Brussel.

AP skrivar - at áleyparin bleiv sjálvur skotin av løgregluni og fekk ávorligan skaðan av skotunum. Motivi aftanfyri álopið er enn óvist.

JáH (y) 20.11.2018

Fýra deyð av skotbardaga

19/11/2018

Løgreglan úr Chicago upplýsir, at 4 persónar eru deyðir - orsaka av einum skotbardaga uttan fyri Mercy sjúkrahúsið.

Skotbardagin fór framm tíðliga mánakvøld og ein av deyðu er ein politistur. Umframt at ein politistur doyði í skotbardaganum - so doyði brotsmaðurin eisini.

Men tað er enn óvist um hann tók sítt egna lív - ella um løgreglan skjeyt hann niður, skrivar ABC News.

JáH (y) 20.11.2018
Kelda: ABC News

Skattalistin liggur alment frammi

19/11/2018

Skattalistin 2017 liggur í Miðlan frá í dag, 19. november til mánadagin 3. desember 2018.

Skattalistin vísir skattskyldigu inntøkuna hjá hvørjum einstøkum borgara í Klaksvíkar kommunu, og listin liggur alment frammi í Miðlan á Nólsoyar Pálsgøtu 32 til og við mánadagin 3. desember 2018.

Miðlan er opið gerandisdagar frá kl. 10 til 16.

JáH (y) 19.11.2018
Kelda: Klaksvíkar Kommuna

Etiska ráðið: LEIDD OG EYGLEIDD

19/11/2018

- er yvirskriftin á fyrsta almenna tiltakinum hjá Etiska ráðnum. Tiltakið er skipað sum kjakfundur og lýsir hvørjar etiskar spurningar talgilding í heilsuverkinum kann hava. Hvar gongur markið millum at vera leidd og eygleidd ? Ynskja vit at ávirka hvar markið gongur? Skulu vit sjálvi siga frá ? ella taka onnur ábyrgd okkara vegna ?

Les meira HER

JáH (y) 19.11.2018 (Kelda: Løgtingið)

Trump vitjar Kalifornia

17/11/2018

Løgreglan váttar nú, at fimm persónar eru funnir deyður afturat í eldunum norðanfyri Kalifornia og sostatt eru 76 menniskjur deyð. Har umframt so verður leitað eftir áleið 1300 persónum.

Amerikanski forsetin, Donald J. Trump hevur vitjað ymiskir partar av brenda Kalifornia og hann sigur, at tað er trist at hyggja eftir.

Á Twitter vanganum hjá Trump - hevur hann lagt eina video út, sum vístur hvussu stóran skaðan - eldarnir í Kalifornia hava ført við sær.

JáH (y) 18.11.2018

Incredible to be with our GREAT HEROES today in California. We will always be with you! pic.twitter.com/B1MCTF83Zf
— Donald J. Trump (@realDonaldTrump) 18 November 2018

May: Har er ongin plan-B

17/11/2018

Forsætisráðharrin Theresa May sigur, at tað ikki finst nøkur onnur loysn enn uppskotið hon hevði til Brexit - fyrr í vikuni.

- Tað er ongin onnur alternativ plan á borðinum, sigur May í eini grein hjá ávísuni The Sun.

JáH (y) 18.11.2018
Kelda: The Sun

Argentina lýsir við landasorg

17/11/2018

Forsetin hjá Argentina, Mauricio Macri hevur lýst við 3 dagar landasorg - eftir at undirvatnbáturin ARA San Juan við 44 persónum bleiv funnin leygardagin.

Allar persónarnir umborð á undirvatns-bátinum hava latið lív og skuldi tað ganga eitt heilt ár, áðrenn undirvatnsbáturin skuldi finnast, skrivar NTB.

JáH (y) 18.11.2018