​Í dag hava Southern Comfort og kontry kongurin Hallur Joensen verið runt Klaksvík og hava havt rullandi konsertir, íalt nýggju konsertir í alt. Tær vóru hesar:

​Klokkan 13.00: Biskupstorg
Klokkan 14.30: Sambýlið á Heygnum
Klokkan 15.15: Norðoya Ellis- og Røktarheim
Klokkan 16.00: Sambýlið í Bøgøtu
Klokkan 16.45: Heimið við Vágna
Klokkan 17.30: Klaksvíkar Sjúkrahús/Norðoya Røktarheim
Klokkan 18.15: Umlættingarheimið Dáin
Klokkan 19.00: Sambýlið Mylnutún 7
Klokkan 19.45: Búfelagsskapurin Heygavegur 56

Her eru teir við sambýlinum á Heygnum, har teir spældi fyri búfólkinum har og fyri fólkum sum búi tætt við.

Konsertirnar vóru eitt ljóspunkt, nú Korona herjar aftur í Føroyum og vóru fólkini sera glað, at fáa hesir tónleikarnar á vitjan, har teir sungu lívligar sangir fyri teimum og einamest teimum sum sita innistongd á eldrasambýlinum runt Klaksvík og eisini teimum sum eru í sóttarhaldi.

Veðrið var av tí besta og takk fyri góðar konsertir allir samlir.

Her syngja teir Fagra Blóma hjá Pól F. og eisini teir á Southern Comfort sungu við, sjá filmsklipp herundir.

SáH

Forstandi ikki hví økini í landinum ikki vera dagført hvønn dag, so vit vita hvar smittan er í Føroyum.

Í gjár ringdi ein frá Skúgvi til News.fo og segði at hann var positivur við Koronu og hann visti 100% sikkurt at tvey onnur eisini vóru smittaði í Skúgvi, tí tað vóru hansara foreldur, tey høvdu pota seg og tey vóru eisini staðfest at hava Korona smittuna, men enn stendur  bara ein er smittaður í Sandoy og har hoyra hagtølini í Skúgvi til.

Upplýst bleiv eisini í Útvarp Føroya í gjár, har tosað bleiv við ein frá B71, at í hópinum hjá teimum vóru 3 smittaðir, so nú eru longu 6 smittaði í Sandoy-Skúgvi, tí er tað av týdningi at Føroya fólk fær at vita, hvat smittan er hægst, so vit kunnu verja okkum fyri Korona smittuna og ikki vitja tey støðini sum eru mest smittaði.

Í Norðoyggjum er ein smittaður og borgmeistarin í Klaksvík vil ikki lata dagstovnarnar upp aftur mánadagin, men børnini sleppa tó í dagstovnarnar, men har skulu foreldrini boða frá frammanundan á heimasíðuni hjá Klaksvíkar Kommunu og hendan skipanin verður galdandi alla næstu viku.

Í Tórshavn og á Sandi-Skúgvi er alt opið, onkur eldrasambýlið í Tórshavn eru lukkaði, tí har hevur onkur Korona ella hevur verið í sambandi við onkran sum hevur Korona og tískil eru øll tey sett í sóttarhald, men alt annað er opið og alt gongur sína vanligu gongd.

Í fyrru bylgju bleiv næstan alt lukkað niður í Klaksvík, tá høvdu vit 45 smittaði. Hesaferð eru møguliga 80 ella fleiri smittaði í Tórshavn, men vit fáa ikki at vita, hvussu nógv eru smittaði í Tórshavn og hví fáa vit ikki tað? er tað tí, at so sleppa tey frá at lukkað niður ella hví fáa vit ikki tølini, tað hevur also týdning fyri øll, at vit vita hvar smittan er.

Klaksvík hevur eisini avlýst allar festivalar og stevnur, men øll onnur økir í landinum hava hildu sínar stevnur og tað endaði so galið í seinastu stevnuni Ólavsøku og har blivu allerflestu smittaði í einum brúdleypið á Argjum, tí haldi eg, at her ruggar ikki alt rætt við tilmælinum frá tí almenna og hví ikki øll økir vera viðgjørd líka og nú bert ein er smittaður í Norðoyggjum, so er tað enn einaferð Norðoyggjar sum lukkar niður og hinar oyggjarnar koyra víðari, tó hevur Eysturoynnin hesaferð gjørt nøkur tiltøk ímóti Korona.

Best er at øll gera líka, men vit kunnu eisini gera sum Danmark, at vit stongja økir niður og á tann hátt stegða smittuni í tí økinum.

KOM NÚ FYRI GUDS SKYLD VIÐ HAGTØLINI UM KORONA SMITTUNA Í ØKINUM Í LANDINUM.

Símun á Høvdanum

Smittan er í minking, leygardagin vóru 7 staðfest smittaði við Korona, sunnudagin 4 og í gjár 1. Øll kanningarúrslitini eru ikki tøk enn, men arbeitt verður av øllum alvi at fáa úrslitini tøk sum skjótast.

Metnógv hava kannað seg teir seinastu dagarnar og nú hava omanfyri 60.000 fólk pota seg og av teimum bíða 1.482 eftir úrslitinum av teirra kanning .

Tað merkir nú at tað eru 94 smittaði við Korona. 0 eru innløgd og 0 eru deyð.

Í sóttarhaldi eru yvir 900 fólk, kanska omanfyri 1.000 og frísk eru 225 fólk.

SáH

Frá mánadegnum bjóðar Klaksvíkar Sjúkrahús støkk inn Covid-19 kanningar. Tað merkir, at nú er ikki neyðugt at hava ávísing frá kommunulækna, áðrenn tú letur teg kanna.

Nýggja kanningarstaðið letur upp á Víkavegnum mándagin 10. august frá kl. 10.00. Møguleiki er at lata seg kanna hvønn dag frá kl.10.00 til kl. 13.00. Talan er um tvey kanningar støð, har bíðirøðin til kanningarnar verður eftir Klaksvíksskákinum, omanfyri sjúkrahúsið. Hetta vil siga, at fólk kunnu møta upp í bili, har tey verða skrásett og kannaði á staðnum.

Klaksvíkar kommuna ger vart við, at Víkavegur verður stongdur fyri gjøgnumkoyrandi ferðslu, meðan kanningar verða gjørdar. Tí verður heitt á bilførarar um at vísa stórsta varsemi og fylgja skeltingini á staðnum.

Klaksvíkar Kommuna
Klaksvíkar Sjúkrahús

​Átta nýggir tilburðir eru staðfestir millum tær kanningar, sum vórðu gjørdar fríggjadagin. Tað upplýsir Landslæknin í morgun. Úrslitini byggja á í alt 4541 royndir. 612 kanningar frá fríggjadegnum eru ikki greinaðar enn.

Seinastu dagarnar er smittubreiðslan minkað nakað. Mikudagin vóru 38 koronatilburðir staðfestir, ið er met higartil. Tølini fyri hósdagin og fríggjadagin eru ávikavist 16 og fyribils 8. Seinastu kanningarnar frá fríggjadegnum og kanningarnar frá í gjár verða í løtuni greinaðar, og úrslitini verða almannakunngjørd, so skjótt tey eru tøk.

Í alt hava nú 303 persónar fingið staðfest smittuna. Í gjár vórðu 22 teirra staðfest frísk. Talan er um teir útlendsku sjómenninir, sum fingu staðfest smittuna fyri ólavsøku.

Tað merkir, at í løtuni eru í alt 88 borgarar smittaðir.

Heilsumálaráðið

​Flisarnir á Biskopstorginum halda ikki, fleiri eru knekkaðir og teir liggja als ikki planir, so tað er vandamikið hjá gomlum fólkum og fólkum við breki at ganga har, sjá filmsklipp herundir.
Sær út sum at túnið slett ikki er gjørt til bilar at koyra á, fleiri flisar eru knettaðir mitt í túninum og so eru fleiri flisar smokkaðir niður og aðrir stinga fleiri sentimetrar uppum hinar flisarnar, man kann gott siga at hatta er byggifusk ella hava verkfrøðingarnir hjá Klaksvíkar Kommunu sovi gevaldigt í tímanum.

Klaksvíkar Kommuna hevur ábyrgdina av túninum og niðastu hædd av Biskopstorginum og hví onki verður gjørt við flisarnar er ilt at meta um, onkur sigur at teir hava verið og umvælt teir tvær ferðir, men tað heldur ikki og alt sær sera vánaligt út.

Ein skrivar og møguliga Klaksvíkar Kommuna skuldi lurtað eftir honum, hann skrivar hetta á Facebook:

hatta er gjørt eftir øllum forskriftum, tað veit eg, tí eg havi veri við til at bygt hatta húsið. Fyri at spara pengar bleiv onki cement blanda uppí sandin undir flísunum, tí at túni var ikki ætla bilum at koyra á. Annars eri eg ikki óeinigur við tær í at hatta eigur at vera gjørt av nýggjum, alt sum tað er.

Onkur vildi vera við, at tað eru rørini undir flisunum, sum hava alla skyldina, men sami maður svarar honum aftur:

Sunnanfyri biskupstorg yvir móti læknamiðstøðini og føroya bjór eru ongi rør, har er eisini galið. Stóri trupuleikin er at onki cement er blanda uppí sandin undir flisinum, so hvørja ferð tað regnar, regnar sandurin undan flisinum, hatta bleiv gjørt vart við, men tað bleiv ikki lurta. Tí er støðan sum hon er. ?

Trúgvi væl, at hesin hevur rætt tað hann sigur um flisarnar og tískil verður Klaksvíkar Kommuna noydd til at taka allar flisarnar uppaftur og gera undirlendi rætt og so leggja flisarnar á aftur, á tann hátt verður trupuleikin loystir, ein onnur loynst er, at selja allar flisarnar og asfaltera alt økið.

SáH

​Fyri at avmarka smittuvandan av Covid 19, verður eingin býarbusskoyring komandi vikuna.

Vanliga koyriætlanin er aftur galdandi mánadagin 17. august.

​Klaksvíkar Kommuna

​Allir flokkar í Løgtinginum eru samdir um – enn einaferð – at víðka dagpeningaskipanina, so at hon leggur upp fyri, at fólk, sum heilsumyndugleikarnir hava sett í sóttarhald í sambandi við COVID- 19, fáa rætt til dagpening. Løgmaður hevur í dag verið í samband við umboð fyri allar flokkar, og øll eru á einum máli um at seta somu lóg í gildi, sum var galdandi fyrr í ár, tá ið korona eisini breiddi seg í føroyska samfelagnum.

“Tað gleðir meg, at allir flokkar vilja ganga saman um hetta týðandi mál. Tað er ein styrki. Vónandi kunnu vit øll standa saman, nú koronafarsóttin aftur rakar okkara samfelag,” sigur Bárður á Steig Nielsen, løgmaður.

Broytingin í dagpeningalógini fer at fevna um øll tey, sum longu eru sett í sóttarhald, umframt tey, ið heilsumyndugleikarnir fara at seta í sóttarhald komandi tíðina.

Løgmansskrivsstovan

Fugloyggin er ikki fólkarík, og her eru fleiri gomul og veik fólk, sum als ikki mugu útsetast fyri smittu. Tí verður heitt á øll vitjandi og ferðafólk til Fugloynna, bæði Hattarvík og Kirkju, um at halda frástøðu, hetta fyri at verja seg sjálvan og bygdafólki.

Ferðandi og onnur vitjandi, eiga ikki at venda sær til bygdafólki, fyri eitt nú at nýta hentileikar, sum ikki eru til staðar í almenna rúminum, hetta fyri at verja seg sjálvan og bygdafólki.

Bygdafólk – skulu í størst møguligan mun, halda seg hvør sær, hetta fyri at verja onnur og seg sjálvan.

Víst verður annars til almennu leiðreglurnar viðvíkjani Corona í Føroyum.

Almennu tilmælini um reinføri og sosiala samveru
 *   Hav gott hondreinføri, vaska tær ofta og væl um hendurnar. Spritta hendurnar, um tú ikki hevur atgongd til vatn og sápu. 
 *   Hosta og njós í ermuna - ikki í hendurnar.
 *   Avmarka kropsligt samband við onnur sum til dømis lógvatak, klemm og kinnkoss.
 *   Hav gott reinføri bæði heima og til arbeiðis.
 *   Ver sera ansin í støðum, har nógv fólk savnast.
 *   Minst til altíð at halda frástøðu.
 *   Minst til, vit kunnu øll vera smittuberar, hóast vit eingin sjúkutekin hava. 
 *   Verið varug við sjúkueyðkenni, ið kunnu benda á coronavirus, t.d. hosta og fepur, og ver heima um tú merkir tær okkurt.

 Hetta tilmæli er galdandi fram til 21. august 2020.

FUGLOYAR KOMMUNA
7. august 2020

Eitt flogfar hjá Air India Express Boeing-737 gleið útav flogbreytini gjár, tá ið tað skuldi lenda í Kerala, eftir at hava verið í Dubai.

Tað var vánaligt veður og hetta var næstu ferð teir royndu at lenda og hesaferð var tað frá einum øðrum vinkli, sum eisini førdi til, at tað gleið útav flogbreytini og flogfarið fór í tvey.

Við vóru 190 ferðafólk, har minst 10 vóru pinkubørn, 17 lótu lív og sera nógv fingu skaða, báðir flogskiparnir lótu lív.

Hetta er ringasta flogvanlukka í India síðani 2010, tá ið eitt annað flogfar hjá Air Indina Express datt niður í Mangalore og tá doyði 158 fólk.

SáH