Sjálvt um Ægir vann stóru svimjikappingina í Klaksvík seinasta vikuskiftið og settið trý Føroysk Juniormet og eitt Føroysk met, sum var sera gamalt, heilt frá 2007, so hevur hetta ongan áhuga hjá Norðlýsinum og Klaksvíkar Kommunu.
Krista Mørkøre, ein av okkara allerbestu svimjarum, forbetraði seg sera nógv og svam seg næstan til OL í Brasil, ongan áhuga fyri Norðlýsið og Klaksvíkar Kommunu.
Ikki eitt umboð fyri Norðlýsið ella Klaksvíkar Kommunu vóru í svimjihøllini til kappingina, men kanska teir ikki hava tíð, tí teir skulu jú rudda vøllin fyri kava, men eg vænti sjálvandi at Borgmeistarin og Norðlýsið skulu vera skjótir á staðnum, um ein av okkara svimjarum klárar kravtíðirnar til OL og tá gera nógv burturúr við myndum og geva teirra uppbakking, tí tá eru teir jú LOKALIR.
Ægir hevur sera ringar umstøður, at virka undir. Vit hava eitt felagshølið, sum er 2x1.5 metur til støddar, ella á samanlíkna við eitt kustaskap til okkara brúk og har skulu vit húsast og hava okkara nevndarfundir, útgerð og annað, men har skal Torkil Mørkøre, leiðarin í Klaksvíkar Svimjihøll hava rós fyri, at hann hevur givið okkum teirra felagshølir, so vit kunnu halda okkara fundir har.
Tá er munur á Suðurrás, teir skriva nógv um góðu úrslitini hjá SuSvim, hava eisini lýsingar um svimjing á teirra portali og nógv verður gjørt burturúr svimjing har suðuri, men sjálvandi, Klaksvíkar Kommuna lýsir bara í Norðlýsinum, ongin annar miðil kann fáa nakra lýsing harfrá og Norðlýsið skrivar bert um fótbólt, fótbólt, fótbólt, hvørjar gaggur onkur spælari spælir við ella um ein spælari hevur skift pannuband ella onkur er dottin, jú, jú, men svimjarar sum svimja 9. ferðir um vikuna og stríðast av øllum álvi fyri at gerast Føroyameistarar og klára kravtíðirnar til OL, hava ongan áhuga fyri okkara lokala blað og allerminst fyri Klaksvíkar Kommunu.
Við svimjukvøðu
Símun á Høvdanum
Formaður Ægir
Krista Mørkøre, ein av okkara allerbestu svimjarum, forbetraði seg sera nógv og svam seg næstan til OL í Brasil, ongan áhuga fyri Norðlýsið og Klaksvíkar Kommunu.
Ikki eitt umboð fyri Norðlýsið ella Klaksvíkar Kommunu vóru í svimjihøllini til kappingina, men kanska teir ikki hava tíð, tí teir skulu jú rudda vøllin fyri kava, men eg vænti sjálvandi at Borgmeistarin og Norðlýsið skulu vera skjótir á staðnum, um ein av okkara svimjarum klárar kravtíðirnar til OL og tá gera nógv burturúr við myndum og geva teirra uppbakking, tí tá eru teir jú LOKALIR.
Ægir hevur sera ringar umstøður, at virka undir. Vit hava eitt felagshølið, sum er 2x1.5 metur til støddar, ella á samanlíkna við eitt kustaskap til okkara brúk og har skulu vit húsast og hava okkara nevndarfundir, útgerð og annað, men har skal Torkil Mørkøre, leiðarin í Klaksvíkar Svimjihøll hava rós fyri, at hann hevur givið okkum teirra felagshølir, so vit kunnu halda okkara fundir har.
Tá er munur á Suðurrás, teir skriva nógv um góðu úrslitini hjá SuSvim, hava eisini lýsingar um svimjing á teirra portali og nógv verður gjørt burturúr svimjing har suðuri, men sjálvandi, Klaksvíkar Kommuna lýsir bara í Norðlýsinum, ongin annar miðil kann fáa nakra lýsing harfrá og Norðlýsið skrivar bert um fótbólt, fótbólt, fótbólt, hvørjar gaggur onkur spælari spælir við ella um ein spælari hevur skift pannuband ella onkur er dottin, jú, jú, men svimjarar sum svimja 9. ferðir um vikuna og stríðast av øllum álvi fyri at gerast Føroyameistarar og klára kravtíðirnar til OL, hava ongan áhuga fyri okkara lokala blað og allerminst fyri Klaksvíkar Kommunu.
Við svimjukvøðu
Símun á Høvdanum
Formaður Ægir
RSS Feed
