Bjarni Kárason Petersen, landsstýrismaður í lógarmálum, fer í barsilsfarloyvi frá 1. februar og átta vikur fram at vera heima hjá lítlu Bjartu, ið er 8 mánaðir gomul.

Hetta er fyrstu ferð í Føroyum, at ein landsstýrismaður ella landsstýriskvinna fer í barsilsfarloyvi, meðan tey sita í landsstýrinum.

“Fyrsta tíðin saman við barninum er serstøk. Vit pápar eiga eisini hesa tíðina, men duga kanska ikki so væl at raðfesta hana. Tað er ein tíð, ið tú ikki fært aftur, og er tískil dýrabar, og ta tíðina ynski eg at raðfesta og njóta til fulnar. Eg vóni, at fleiri pápar fara at síggja virði í at fara í barsil í framtíðini, óansæð um man er landsstýrismaður, handverkari ella lærari”, sigur Bjarni Kárason Petersen, landsstýrismaður í lógarmálum.

Meðan landsstýrismaðurin er í barsil, tekur løgmaður sær av hansara málsøkjum.

 Løgmansskrivstovan

31. januar tók Bjarni Kárason Petersen, norðurlendskur samstarvsráðharri, lut á sínum fyrsta fundi í norðurlendska ráðharraráðnum, har hann hitti norðurlendsku starvsfelagar sínar. Fundurin var í Keypmannahavn.

Á ferðini var landsstýrismaðurin eisini boðin til døgurðafund hjá danska samstarvsráðharranum, Louise Schack Elholm. Eisini hitti Bjarni K. Petersen íslendska starvsbróður sín Guðmund Inga Guðbrandsson á fundi. Ísland hevur formansskapin í norðurlendska ráðharraráðnum í 2023, og Guðmundur Ingi Guðbrandsson greiddi frá, at Ísland hevur valt  Frið sum evnið í teirra formansskapi. Eisini umrøddu ráðharrarnir nærri samstarv innan útnorðurmál og norðurlandamál.

Bjarni K. Petersen greiddi á báðum fundum frá, hvussu stóran týdning tað norðurlendska samstarvið hevur fyri Føroyar, og frá føroyska ynskinum um fullan limaskap í norðurlendska samstarvinum. Seinastu árini hava Føroyar fingið sjálvstøðugan limaskap í Nordisk Energiforskning og í Nordforsk. Hildið verður fram at vinna Føroyum sjálvstøðugan limaskap í øllum stovnum og samstørvum, ið hava týdning fyri Føroyar.

"Norðurlendska samstarvið hevur stóran týdning fyri okkum føroyingar. Vit hava altíð lagt stóran dent á norðurlendskt samstarv, og fara framhaldandi at gera tað. Norðanlond samstarva væl, og tað er ein styrki at hjúkla um tað, ið sameinir okkum, eins væl og tað, ið ger okkum ymisk", sigur Bjarni K. Petersen, samstarvsráðharri.

​Her er leinki til grein, ið nærri greiðir frá skránni hjá íslendska formansskapinum: Island og Norden er en budbringer af fred

Uttanríkis- og vinnumálaráðið

​Í kvøld fær KÍ vitjan av ÍF og er hetta dystur í VFF Cup - 4. umfar.

Dysturin byrjar klokkan 18:30 og í tí sambandinum letur Maverick Barr upp klokkan 17:30.

Veðrið er gott í løtuni og lovar hann gott veður til dystin, men kált, so best at lata seg í heit klæðir.

Koyr á KÍ.

SáH

Kostfakligt starvsfólk og samskipari á SkúlatrøðKundi tú hugsað tær at arbeitt við at útvega børnum og ungum fjølbroyttan og heilsugóðan mat, sum stimbrar teirra orku og megi, og á tann hátt at viðvirka til teirra trivnað og menning, samstundis sum tað eisini verður hugsað grønt í mun til gagnnýtslu av mati – so ert tú tann vit leita eftir.

Sum kostfakligt starvsfólk og samskipari kemur tú at hava fakligu ábyrgdina og standa fyri dagliga rakstrinum av matarskipanini, herundir at tryggja, at skipanin verður á einum høgum góðskustigi og støðugt verður ment í góðum samstarvi við allar viðkomandi partar.

Tú kemur at taka tær av øllum praktiskum í mun til matarskipanina, so sum at:.

• Leggja til rættis og útføra arbeið frá innkeypi til uppvask.
• Fokus á fjølbroytni, kreativitet og burðardygd
• Fíggjarstýring

Arbeiða við menning

• Gera mat- og máltíðarpolitikk, herundir at samla inn datur ið byggja undir hetta
• Fokus á tvørfakligt samstarv í mun til dagligdagin og tað fakliga í lærugreinini heimkunnleiki. 

Førleikar
Prógv sum professionsbachelor í føðslu og heilsu, føðsluatstøðingur (ernæringsassistent),  ella líknandi útbúgving

• Tú dugir væl at samstarva og samskifta í skrift og talu
• Praktiskar arbeiðsroyndir frá stovnskøki kann vera ein fyrimunur. 
• Tú dugir at lurta, reflektera og taka skilagóðar fakligar avgerðir.
• Tú hevur ein hugburð í stuðla undir eitt gott arbeiðsumhvørvið og trivnað.
• Tú ert tænastusinnað/-ur, røkin og arbeiðssamur
• Tú kanst arbeiða sjálvstøðugt, hava yvirblikk og tola stórt arbeiðstrýst
• Tú ert álítandi og ábyrgdarfull/-ur   

Vit bjóða
Eitt spennandi og avbjóðandi starv við góðum møguleikum fyri fakligari og persónligari menning í einum nútímans og livandi arbeiðsumhvørvi, har tú megnar at gera hugskot til veruleika. Tú ert við frá byrjan og kemur at menna skipanina saman við øðrum, tí er eisini umráðandi at tú tolir broytingar í starvinum.

Setanarviðurskifti
Talan er um starv á 32 tímar, løn og setanarviðurskifti eru sambært avtalu ímillum Kommunala Arbeiðsgevarafelagið og Kost- og føðslufelagið. 
Starvið verður sett 1. apríl ella eftir nærri avtalu. Vilt tú hava meira at vita um starvið, ert tú vælkomin at seta teg í samband við John Færø, trivnaðarstjóra, tel. 222216, [email protected].
Søkir ongin við útbúgving, kann starvsfólk verða sett sambært sáttmálanum fyri arbeiðarar.

Umsóknir
Umsókn við prógvum og lívsgongdarlýsing skal vera okkum í hendi seinast mikudagin 8. februar 2023.
Tú søkir starvið við at trýsta á leinkjuna her: Køksfakligt starvsfólk

Klaksvíkar Kommuna