Býarbussurin koyrir ikki mikudagin 18. januar

Orsaka nógvan kava koyrir býarbussurin ikki mikudagin 187. januar.

​Klaksvíkar Kommuna

​Klaksvíkar Sjúkrahús hevur fingið robottarm 🦾

Nýggi robottarmurin fer at styrka endurvenjingina.

Klaksvíkar Sjúkrahús hevur fingið spildurnýggjan robottarm, sum skal styrkja endurvenjing av ørmum og hondum. Robottaarmurin er partur av ætlan hjá Heilsumálaráðnum at styrkja endurmenningina á føroysku sjúkrahúsunum.

Tá ið fólk fáa eitt nú blóðtøpp ella bløðing í heilan, kunnu tey millum annað uppliva, at tey verða meira ella minni lammað í einum armi, og tá skal armurin venjast uppaftur. Hetta verður gjørt við venjingum hjá fysioterapeutum og ergoterapeutum og við sjálvsvenjing. Ein týðandi partur av endurvenjing er at gera nógvar og regluligar endurtøkur av øvilsum, og hesum kann robotturin hjálpa við.

Robottarmurin er gjørdur soleiðis, at hann kann venja bæði grovmotorikk og fínmotorikk í ørmum og hondum.

Tøknin er háttað soleiðis, at armurin, sum skal venjast, verður lagdur í robottarmin, og so ber til at gera ymisk øvilsi, alt eftir hvør tørvurin er. Ein skíggi gevur fólk ymsar avbjóðingar – at líkna saman við telduspøl – og tað kann virka motiverandi, samstundis sum tað ber til at skjalfesta gongd og framgongd í venjingunum.

– Vit eru sera fegin um nýggja tólið, sum fer at styrkja endurvenjingina á Klaksvíkar Sjúkrahúsi. Okkara dugnaligu starvsfólk fáa nú eitt framkomið amboð at brúka í teirra arbeiði, og tað fer at koma sjúklingunum til góðar, sigur Súsanna Olsen, varastjóri á Klaksvíkar Sjúkrahúsi.

Fakfólkini, sum vanliga taka sær av endurvenjing, koma at standa fyri venjingunum í robottarminum. 

(Myndir: Petur Martin Solmunde)

Klaksvíkar Sjúkrahús

​Krígsbrotsgerðirnar hjá russum tekur ongan enda í Ukraine, sunnudagin bombaði teir ein íbúðarblokk í Dnipro, har 40 fólk blivu dripin, 75 blivu særd og 30 fólk eru ikki funnin aftur.

Bjargingarfólkini kláraðu at bjarga 39 fólk úr íbúðarblokkinum og enn royna tey at finna fólk á lívi, men vónirnar svinna longri tíðin gongur.

SáH

Býarbussurin koyrir ikki týsdagin 17. januar

Orsaka nógvan kava koyrir býarbussurin ikki týsdagin 17. januar.

​Klaksvíkar Kommuna

MORGUNSANGUR MIKUMORGUNIN 18.01 KL. 10.00

Mikumorgunin 18. januar er morgunsangur kl. 10.00. Hanus á Gørðum hevur andakt. Aftaná morgunsangin er kaffi og hugnalig samvera í kirkjukjallaranum.

MORNING SONG WEDNESDAY MORNING 18TH' OF JANUARY AT 10 AM
On Wednesday 18th' of November at 10 am we have morning song. Hanus á Gørðum will have a short devotion. After the morning song everyone is welcome for coffee/tea and a pleasant moment in the church basement.

Christianskirkjan

Tað er ongin ivi um, at slíkir kavadagar, sum vóru undan jólum og aftur hetta vikuskiftið, geva stórar avbjóðingar. Borgarar verða ørkymlaðir, og tað er at skilja, sigur Karl Johansen, borgarstjóri.

- Á leið 50 kilometrar av vegi skulu gravast og saltast, so hvørt sum kavin fellur. Vegadeildin er útgjørd til at kunna loysa uppgávuna, men starvsfólkahópurin megnar ikki meira enn eitt vist. Tað liggja nógvir arbeiðstímar í at koma runt, og ofta verður runnið kapp við tíðina, áðrenn meira kavi fellur, og farast skal afturumaftur.     

-Kortini má eg ásanna, at parturin hjá starvsfólkunum á Vegadeildini ikki liggur eftir. Tey gera veruliga eitt stórt arbeiði í sambandi við kavaruddingina, og tað eiga tey rós fyri, sigur Karl Johansen.

Tað er ikki óvanligt, at borgarar kundu hugsað sær, at kavaruddingin varð betur skipað. Í løtuni er kavaruddingin skipað eftir einum leisti, har tilbúgving, høvuðsvegir, bussleiðin og parkeringsøki hava fremstu raðfesting. Næstir eru vegir, sum liggja parallelt upp at høvuðsvegnum, og teir vegir, har mestur kavi fellur. Síðani koma síðuvegir, smalir vegir, brattar brekkur og gonguteigar.

Kavaruddingin verður javnan eftirmett og tillagað. Í løtuni eru tríggjar maskinur, sum verða brúktar til kavaruddingina.

Borgarar kunnu altíð boða kommununi frá, um okkurt ávíst kommunalt øki ikki er ruddað.

Boð kunnu sendast til [email protected] ella við at ringja til Miðlan á tel 410000.

Klaksvíkar Kommuna

​Búgvin kom aftur tíðliga í morgun. Teir hava trola á Skeiva Banka.

Veiðin bleiv boðin út til Fiskamarknaðin Føroyar og høvdu teir 14.060 pund, tað mesta var havtaska, hvítingur, 6.000 pund havtaska, 2.340 pund hvítingur og restin annað fiskaslag, sjá søluna herundir.

Teir byrjaði túr tann 13. januar.

Landa bleiv til NFCS klokkan 08:00 í morgun.

SáH

BÚGVIN - ( KG 119 )NFCS-16-01-2023   7.030

​Meting hjá FMF fyri fiskiskapin fyri viku 3

Línuskip. Eitt minni ísfiskalínuskip er til fiskarí. Tað fiskar mest hýsu og tosk og landar helst fyrst í vikuni. Nýggju frystilínuskipini eru til fiskarí. Øll fiska í føroyskum sjógvi. Tey fáa ein blanding av toski, longu, brosmu og so nakað av øðrum fiskasløgum.  

Útróður: Streymurin er brúkiligur, men harðnar sum vikan gongur. Veðri verður umskiftandi, so vit rokna ikki við nógvum útróðri. Teir størri útróðrabátarnir koma helst at gera nakrar túrar. Bátarnir fáa mest av hýsu og so nakað av toski.

Djúpvatnstrolarar: Ein er á svartkalvaveiðu  og kemur møguliga at landa síðst í vikuni. Ein liggur við bryggju

Partrolarar: Tey flestu pørini eru til fiskarí og koma fleiri at landa í vikuni. Tey flestu fiska upsa, men fáa eisini nakað av hvítum fiski, serliga longu og hýsu. Smáligt fiskarí.

Trolbátar: Trýggir eru á Skeivabanka og fiska mest av havtasku. Allir landa í vikuni.

Garnaskip: Tvey garnaskip fiska svartkalva. Fiskaríð er smáligt. Eitt fiskar havtasku. Fiskaríið er brúkiligt. Øll garnaskipini landa í vikuni.

Fiskamarknaður Føroya

Býarbussurin koyrir ikki mánadagin 16. januar

Orsaka nógvan kava koyrir býarbussurin ikki mánadagin 16. januar.

​Klaksvíkar Kommuna

Kunning:

Sera nógvur kavi liggur á landsvegnum Millum Fjarða og niðan móti Norðskálatunnlinum. Tað er ikki koyrandi ì løtuni. Nakrir bilar standa fastir í kavanum uttan fyri Norðskálatunnilin á landsvegnum eystanfyri.

Heitt verður á bilførarar um ikki at koyra eftir hesi leið, sum líkindini eru í løtuni. 

Landsverk byrjar at grava kava kl. 0600.

​Boða er annars frá sera vánaligum koyrilíkindum runt landið. Nógvur kavi liggur á vegunum og nògv jarðrok. Bilførarar vera bidnir um at ansa sær.

Vaktleiðarin

Føroya Politi