​ANRU er komin aftur av fiskileið. Teir hava roynt við línu á Føroya Banka.

Veiðan blevi boðin út til Fiskamarknaðin Føroyar og høvdu teir 44.740 pund, tað mesta var hýsa og longa, 30.200 pund hýsa, 11.900 pund longa og restin annað fiskaslag, sjá søluna herundir.

Teir byrjaði túr tann 19. juli.

Skipari var Gundur Sørensen.

Landa blívur til Snarfrost í Miðvági og byrjaði teir at landa ANRU nú klokkan 08:00.

SáH

ANRU – ( KG 730 - (SNARFROST)-23-07-2021   22.370

Í gjár vórðu sjey nýggir smittutilburðir staðfestir. Tað vísa nýggjastu tølini hjá landslæknanum.

Tveir persónar fingu staðfest smittuna við komu til Føroyar, og tveir við fjórða dags kanning. Hini trý eru smittað í Føroyum av kendum smittukeldum.

Í løtuni eru 84 persónar smittaðir við COVID-19.

Fleiri tøl eru at finna ​her.

​Fiskaklettur kom tíðliga aftur í morgun. Teir hava trola á landleiðini og norðan fyri Føroyar.

Veiðan bleiv boðin út til Fiskamarknaðin Føroyar og høvdu teir 37.140 pund, tað mesta var tunga, reyðsprøka og toskur, 16.700 pund tunga, 7.100 pund reyðsprøka, 6.800 pund toskur og restin annað fiskaslag, sjá søluna herundir.

Teir byrjaði túr tann 14. juli.

Landa blívur júst nú til NFCS og teir byrjaðu at landa Fiskaklett klokkan 06:00

SáH

FISKAKLETTUR - ( TN 415 )NFCS-23-07-2021   18.570

32 umsóknir hava fingið játtað stuðul til útoyggjamenning í ár. Tá freistin at søkja um stuðul var farin í vár, hevði Umhvørvis- og vinnumálaráðið fingið 44 umsóknir um stuðul til útoyggjamenning fyri 5,8 mió. kr. Í fjør komu 31 umsóknir fyri 4,2 mió. kr.

Útoyggjastuðulin í ár er 1.1 mió. kr. Umsóknirnar vórðu soleiðis býttar:

9 umsóknir vóru til verkætlanir í Fugloy, 11 til verkætlanir í Svínoy, 10 í Kalsoy, 2 í Hesti, 1 í Skúvoy, 1 í Stóru Dímun og 8 til verkætlanir í Mykinesi. Harumframt var 1 umsókn frá Útoyggjafelagnum til rakstrarstuðul, 1 umsókn fevndi um fleiri útoyggjar og 1 fall uttanfyri endamálið.

3 av umsóknunum eru frá kommunum.

Hesar verkætlanir hava fingið stuðul:
Úttoyggjafelagið 260 tús. kr.
Umvæling av flettingarhøli í Hattarvík – framhald 25 tús. kr
Umvæling av vegginum “á Vegginum” á Kirkju – framhald 25 tús. kr.
Umbygging av neysti niðri á bakkanum í Hattarvík 20 tús. kr.
Bakkalon í Hattarvík – framhald 30 tús. kr.
Vakstrarhús til grønmeti og urtir í Hattarvík – framhald 50 tús. kr.
KERLON – byggja tvey neyst upp aftur í Hattarvík framhald 15 tús. kr.
Listabýli og filmsverkstaður í Hattarvík 20 tús. kr.
Myndir og staðarnøvn á útoyggj – framhald 10 tús. kr.
Kafe/køkur og matarhøli v.m. Garðurin á Stórheygnum í Svínoy – framhald 20 tús. kr.
Felagið Bjarnafossur, bátasavn í Svínoy – framhald 30 tús. kr.
Tróndarstova, orku- og aquaponics vakstrarhús í Svínoy – framhald 25 tús. kr.
Sláturhølið í Svínoy – framhald 25 tús. kr.
Umvæling av svimjihylinum í Svínoy 45 tús. kr.
Neystagrundirnar yviri við Eiðið í Svínoy – framhald 45 tús. kr.
Flettingarrúm – Hoyskorgarður 25 tús. kr.
Ístandsetan av bygdarhúsinum á Húsum – framhald 25 tús. kr.
Fjósið á Blankskálagarði á Syðradali K, framhald 50 tús. kr.
Kaffihús í Mikladali – framhald 25 tús. kr.
Móttøka, slátur og virðisøking av slátri, Mikladali – framhald 25 tús. kr.
Broyta gamalt neytafjós til nýmótans seyða- og sláturhús á Trøllanesi – framhald 25 tús. kr.
Endurreisa gróthús á Syðradali K. 10 tús. kr.
Fjós og sláturhús í Mykinesi, Eyðansstovugarður – framhald 30 tús. kr.
Liðugtgerð av tveimum úthúsum til yvirnátting í Mykinesi 25 tús. kr.
Úthús til matgerð/sláturhús í Mykinesi 25 tús. kr.
Verja og umvæling av minnisvarðanum í Mykinesi 25 tús. kr.
Fríðkan av og storytelling í kaféini/matstovuni The Local í Mykinesi 25 tús. kr.
Menning av grønmetisframleiðslu í Mykinesi 10 tús. kr.
Ábøtur og fríðkan av fjósi í Skúvoy 30 tús. kr.
Krana at landa fisk o.a. í Hesti framhald 25 tús. kr.
Broyta neytafjós í Hesti til slátur- og seyðahús – framhald 25 tús. kr.
Hitaviðgerð (pasteurisering) av rótadjúsi til brygging í Dímun 50 tús. kr.
Um útoyggjastuðul

Endamálið við játtanini er at stuðla tiltøkum, sum eru mennandi fyri útoyggjar. Stuðulin kann veitast einstaklingum, virkjum, feløgum og kommunum.

Ávísar treytir eru fyri at veitast kann stuðul. Útoyggjar, sum koma undir hesa skipan, eru: Fugloy, Svínoy, Kalsoy, Mykines, Hestur, Koltur, Skúvoy og Stóra Dímun. Harumframt skal m.a. greiðast frá hvat endamálið er við einstøku verkætlanini, hvussu hon verður framd í verki, og skal fíggjarætlan eisini fyriliggja.

Umhvørvis- og Vinnumálaráðið

Leygardagin 24. juli verður útsetta rennikappingin, sum skuldi vera á norðoyastevnu, á skránni. Í hesum sambandi verður ferðslan tarnað nakað.

Kappingin byrjar kl. 11.00 og verður Biskupstøðgøta tá stongd frá rundkoyringin til Norðoya Sparikassa frá kl. 11.00 til áleið kl. 12.30.

Tilmelding á www.treysti.fo 

Klaksvíkar Kommuna

Í gjár vórðu níggju nýggir smittutilburðir staðfestir. Tað vísa nýggjastu tølini hjá landslæknanum.

Ein persónur fekk staðfest smittuna við komu til Føroyar, og ein við endurkanning dagin eftir komu. Tvey eru staðfest smittað tveir dagar eftir komu og ein fjórða dagin eftir komu. Seinastu fýra eru smittað í Føroyum av kendum smittukeldum.

Í løtuni eru 80 persónar smittaðir við COVID-19.

Hagtøl um corona í Føroyum eru at finna her.

Heilsumálaráðið

Í gjár vórðu átta nýggir smittutilburðir staðfestir. Tað vísa nýggjastu tølini hjá landslæknanum.

Ein persónur fekk staðfest smittuna við komu til Føroyar, og tveir eftir endurkanning dagin eftir komu. Fýra eru smittað í Føroyum av kendum smittukeldum, ein persónur er smittaður av ókendari smittukeldu.

Í løtuni eru 91 persónar smittaðir við COVID-19.

Hagtøl um corona í Føroyum eru at finna her.

Heilsumálaráðið

Stakkavík kom aftur tíðliga í morgun. Teir høvdu roynt við línu á Føroya Banka.

Hetta gjørdist ein sera góðir túrur, teir vóru fullur undir lúkurnar. Tað mesta var hýsa og longa, 8.000 pund hýsa, 3.500 pund longa og restin annað fiskaslag, sjá søluna herundir.

Skipari var Andru Poulsen.

Landa bleiv til Snarfrost klokkan 09:15 í morgun.

SáH

STAKKAVÍK – ( KG 748 )-(SNARFROST)-21-07-2021   6.740

​Búgvin kom aftur tíðliga í morgun. Teir hava trola á landleiðini og eystanfyri Føroyar.

Veiðan bleiv boðin út til Fiskamarknaðin Føroyar og høvdu teir 37.860 pund, tað mesta var havtaska,toskur og tunga, 13.720 pund havtaska, 7.600 pund toskur, 4.400 pund tunga og restin annað fiskaslag, sjá søluna herundir.

Landa blívur til NFCS í morgun.

Teir byrjaði túr tann 14. juli.
SáH

BÚGVIN – ( KG 119 )NFCS-21-07-2021   18.930

​Gudrun kom tíðliga aftur í morgun. Teir hava roynt við gørnum á Føroyar Banka.

Veiðan bleiv boðin út til Fiskamarknaðin Føroyar og høvdu teir 13.670 pund, tað mesta var havtaska, 14.000 pund og restin annað fiskaslag, sjá søluna herundir.

Gudrun byrjaði túr tann 18. juli.

Teir byrjaðu at landa Gudrun nú klokkan 08:00 og landa verður til NFCS.

SáH

GUDRUN – ( KG 243 )NFCS-21-07-2021   6.836