Seinastu vikuna eru 1000 tons av asfalti flutt út á Sandoynna í samband við at fleiri vegir eru asfalteraðir í Skopun. Entreprenørfelagið Kreton hevur staðið fyri arbeiðinum fyri Skopunar kommunu, og eftir bert eina viku er arbeiðið liðugt.
 
Fraktskipið Tinganes varð leigað til at sigla stóru mongdina av asfalti út til Sandoynna, tí tað hevði verið trupult við verandi farleið at koyrt so nógv asfalt út til oynna.
 
- Hetta var ein stór og spennandi uppgáva við stórum fíggjarligum vága, tí so nógv asfalt skuldi keypast í einum, sigur Eyðun Magnussen, stjóri í Kreton. Men vit hava arbeitt dag og nátt, og arbeiðið hevur gingið stak væl.
 
Nýasfalteraðu vegirnir eru ikki asfalteraðir í 20 ár, so tørvurin á nýgerð var stórur.
 
- Arbeiðið hevur gingið bæði skjótt og væl, sigur Gerhard Lognberg, borgarstjóri í Skopun. Tað tók ikki meira enn eina viku at gera fleiri vegir í bygdini, so vit eru væl nøgd við samstarvið við Kreton.
 
Eftir summarferiuna skal Kreton aftur til Skopunar at asfaltera vegin oman til ellisheimið og innkoyringina til bygdina.

​Norðoya Portalurin tók ímóti Gadus ímorgun klokkan 07.00.

Kl. 06.45 sæst ikki yvir um víkingina, men beint fyri kl. 07.00 lætti mjørkin og Gadus legði at bryggju í aller fagrasta veðrið.

Nakað av fólki var á kajuni, men ikki so nógv sum tað plagar, kanska tí, at tað var so árla á morgni.

Gott lag á monnum, nú teir koma aftur við fullfermdur skipi og hildu teir orð, tá ið teir søgdu, tá teir fóru eystureftir beint fyri Norðoyastevnu  "at vit vera aftur áðrenn Ólavsøku" og so var.

Væntandi ferð Gadus aftur til fiskiskap mikudagin. Skipari hendan túrin var Brandur Joensen og mikudagin verður tað Ólavur Biskopstø.

Vit ynskja skipara og manning vælkomin heim.

SáH

Fólkatalið var 49.445 tann 1. juni í ár og er vaksið við 616 fólkum síðani juni í fjør. Tað svarar til 1,3%. So stórur fólkavøkstur hevur ikki verið síðani 2002.

Vøksturin í fólkatalinum kemur í fyrsta lagi av eini nettotilflyting á 362, ið er munurin millum tilflyting og fráflyting, og í øðrum lagi av einum burðaravlopi á 254, ið er munurin millum fødd og deyð, so sum myndin niðanfyri vísir. Meðan burðaravlopið er sum í miðal síðstu tíggju árini, er nettotilflytingin tann størsta síðstu fjúrtan árini.

Aftast í greinini er yvirlit við broytingini í fólkatalinum frá 2010 til 2016 í øllum teim 116 bygdunum og býunum í teim 30 kommunnuum í laninum, og hagtalsmynd við broytingini í bygdum og býum frá 2000 til 2016.

Les meira HER

Kelda: Hagstovan

Fiskamarknaðurin seldi í dag 3.500 tons av makrelkvotu fyri ein miðalprís á 3,82 kr/kg og 2.000 tons av sildakvotu fyri ein miðalprís á 3,58 kr/kg.
Fyri makrelin vóru tað fimm skrásettir boðsgevarir, ið luttøku á uppboðssøluni og tríggir av hesum vunnu boð. Fyri norðhavssild vóru tað fýra skrásettir boðsgevarir, ið luttóku á uppboðssøluni og tveir av hesum vunnu boð.

Les meira HER

JáH (y) 21.07.2016
Kelda: Løgtingið

Beint nú kl. 08.10 eru teir á kontroll punktinum og so verður sett beina kós á Klaksvík. Gadus fór at sigla heim ígjár og hevur Gadus fult skip, umleið 770 tons. Teir hava fiksa í russiskum sjógvi. Skiparar hava verið John Fuglø og Brandur Joensen, John teir fyrsti dagarnar og so tók Brandur yvir. 

​Gadus fór av Klaksvík tann 28. mai og væntandi vera teir á Klaksvík seint leygarkvøldið ella tíðliga sunnumorgunin.

Góðan heimreisu verður ynskt skipara og manning.

SáH

Frá øðrum ársfjórðingi í fjør til annan ársfjórðing í ár er brúkaraprístalið lækkað 1 prosent.

Tað eru príslækkingar á brennievni, sum hava ávirkað brúkaraprístalið mest seinasta árið. Í nýtslubólkinum býli er prísurin á brenniolju til húsarhald farin 22,9 prosent niður. Eisini rentan á íbúðalánum er lækkað, og samanlagt er býliskostnaðurin farin 7,1 prosent niður.

Í nýtslubólkinum flutningur eru prísirnir á brennievni til akfør lækkaðir 9,1 prosent, og samanlagt er flutningskostnaðurin farin 1,9 prosent niður.
​
Prísirnir eru eisini lækkaðir í nýtslubólkinum ymiskar vørur og tænastur, m.a. tí barnagarðspláss eru vorðin bíligari.

Les meira HER

Kelda: Hagstovan

Fimm teir fyrstu mánaðirnar í ár er virðið av innflutninginum, uttan skip, vaksin 9%. Størsti vøksturin er í maskinum og amboðum. Sama tíðarskeið vaks virðið av útflutninginum, uttan skip, 14%. Her var størsti vøksturin í alifiski.
Í nøgd minkaði útflutningurin av fiskavørum tó við 13%. Størsta minkingin var í uppsjóvarfiski við 36 mió. kr. ella 34%.

Les meira HER

Kelda: Hagstovan

Norðingur við bryggju í Klaksvík.

Filmsklipp tikið við Dronu í góðveðrinum tann 17.07.2016, sjá niðanfyri:

​SáH

​Á Facebook síðuni hjá Klaksvíkar Sleipistøð hava teir koyrt myndir frá roynartúrinum hjá Beinur HG 62- ið hevur Ibercisa el-spøl frá KSS.

​Eftirsum vit eru sera lokalir, so haldi eg eisini, at okkara lesara kunnu gleðast um hesa myndirnar. Sjá myndirnar herundir.

SáH