Sum tað seinasta skipi í føroyska flotanum siglir Gadus heim, eftir at teir hava fiska kvotuna upp eystanfyri. Gadus fór til fiskiskap tann 17. november og hava teir umleið 510 tons í lastini. Teir fóru at sigla á miðnátt.

Nú er at vóna, at teir klára at koma heim til nýttárið, tí væntandi vera teir á Klaksvík Nýttarsaftan. Tað tekur góðar 4 dagar at sigla og sum tit vita, so eru tað 4 dagar til 2015.

Skipari hendan túrin er Brandur Joensen.

Norðoya Portalurin ynskir skipara og manning eina góða og skjóta heimreisu.

SáH 

Lítla jólaaftan tann 23. desember fór Sjúrðaberg at sigla heim.

Teir fóru eystureftir tann 28. november, eftir at teir vendi við aftur, vegna teldubrek, men brekið bleiv rættað beinanvegin og dagin eftir loysti teir frá landi aftur.

Sjúrðaberg hevur 500 tons inni og væntandi fara teir túr aftur beint eftir nýttár.

Norðoya Portalurin ynskir skipara og manning vælkomin heim aftur á klettarnar.

SáH

Øllum okkara kæru heima og reiðaríi, ynskja vit eini gleðilig jól og eydnuberandi nýggjar.

Ein serlig heilsan til Sjómanskvinnuringin, við tøkk fyri jólapakkarnar. 

Heilsan manningin á Sjúrðarbergi. 

Nærkast til Gadus ferð at sigla heim, væntandi verður tað í hesari vikuni, so teir kunnu vera heima á nýttárinum.

Her hava teir lagt filmar út av framleiðsluni og eisini vakrar myndir frá Grønlandi, sjá film herundir:

SáH

Á jólum verður nógv lisið og hetta datt eg á ímorgun. Eitt sera snotulig blað við vøkrum myndum frá Norðoyggjum, klikk á myndina ella á hetta linkið:

Færøernes Turistblad Norðoyggjar

SáH

Tann nýggji 2. nd Hand handilin í Klaksvík blómar veruliga og hevur mangt & hvat at selja til fólk, sum ikki vilja gjalda ov nógv fyri eina vøru.

Inni í handlinum er sera stásiligt og har stendur Helen Waag og tekur ímóti kundum. Nógv vøra er har at fáa, sosum Skenkar, reolir, sofur, borð, stólar, stell, nissur, lampur, stás, vásar, Jóladekoratiónir og mangt mangt annað.

Nógv hava longu vitja tann nýggja handilin, sum liggur á Kósabrekku 1 í Klaksvík og vit á Norðoya Portali kunna bert ávara um, at fer tú inn har - so fer tú so í hvørtfall ikki tómhentur útaftur aftur.

JáH (y) 19.12.2014

Gadus hevur góðan fiskiskap í Barentshavinum í løtuni og eru longu komnir uppá 200 tons. Gadus fór avstað 17. november og hetta skrivar Markus í Norðnastovu á sínum veggi á Facebook ímorgun:

ÌS - ÌS   
"Ja so vóru 200 tons innanborða, og ísur á skránni í morgin, tað er ikki so kált í morgun, sum tá vit fingu 100 tons ísin. Vil bara takka Harranum fyri fong og varveislu á hesum túri, tí vit fáa onki uttan tað er okkum av Himli givið  ella sum Jákup sigur: Øll góð gáva og øll fullkomin gáva, er omanífrá, og kemur niður frá Faðir Ljósana, sum ikki er broyting ella skiftandi skuggi hjá.  


Vil til seinast ynskja øllum Føroya fólki, á sjógvi, sum á landi ein góðan mánadag av og at Harrin skal signa tykkum øll í ríkum máli"

Norðoya Portalurin ynskir skipara og manning framvegis góðan og skjótan túr. 

SáH