Í dag skal Fólkatingi kjakast um Huawei. Fleiri danskir politikkara eru skeptiskir við Huawei og eru bangir fyri at Huawei er í holt við at njósnast fyri Kina.

TV2 hevur innlegg um hetta stór mál í morgun, klikk her “Politikere frygter spionage ved kinesisk hjælp med telenet”.

Huawei er samstarvspartnari við Føroya Tele og TDC í Danmark og er tað Huawei, sum skal byggja 5G netið í Føroyum og Danmark.

Hygg eisini, “Norge overvejer at boykotte Huawei – frygter spionage”

SáH

​Uppboðssøla Av Fiskirættindum Á Flemish Cap 2019

Kunngerðin, um at bjóða rættindi út á uppboðssølu í 2019, er nú lýst.

Nøgdin fevnir um 1.276 tons av toski, sum verða boðin út sum eitt ára rættindi. Persónur ella felag, sum í 2019 hevur rætt til fiskiloyvi í bólki 3 sambært løgtingslógini, kann lata boð inn. Veiðast skal við línu.

Uppboðssølan verður skipað sum opin uppboðssøla. Avgerðin er grundað á viðmerkingarnar frá Fiskivinnuráðnum, ið mælti til, at uppboðssølan skal vera opin.

Avgjørt er, at uppboðssølan verður hildin hósdagin 31. januar 2019, kl. 13.00.

Nærri treytir eru lýstar í kunngerðini, sí www.kunngerdaportalur.fo

Fiskamarknaður Føroya stendur fyri uppboðssøluni. Nærri upplýsingar ella vegleiðing fáast við at venda sær til Fiskamarknaðin www.fmf.fo.

SáH

USA kannar nú risa fyritøkuna Huawai, har tey hava illgruna um, at Huawei hevur stjolið handilsloynidómar frá USA.

Sambært blaðnum Wall Street Journal, so er Løgmálaráðið í USA í holt við kannað, um tað er hald í ákærunum um, at Huawei hevur stjolið handilsloynidómar frá samstarvspartanum hjá USA og ein robottænasta, sum er gjørdur av T-Mobile og sum skuldi brúkast til at kannað smarttelefonir.

Løgmálaráðið í USA og Kina vilja ikki gera viðmerkingar til hesar søgur sigur blaðið.

SáH  

​Ábyrgdaravalið verður 25. februar - 8. mars 2019.
Evstamark at tekna ella hækka ábyrgdarpeningin til valið er 25. januar 2019.

Valt verður á øllum deildum okkara frá mánadegnum 25. februar til og við fríggjadagin 8. mars 2019.

Les meira her: https://ns.fo/abyrgdaravalid+2019.html

– At hava eitt trygt og heilsugott arbeiðsumhvørvi er áhugamál hjá øllum, og tað er at gleðast yvir, at arbeiðsgevarar sjálvir í stóran mun gera ein innsats fyri at lúka krøvini í arbeiðsumhvørvislógini.

Hetta sigur Heðin Mortensen, landsstýrismaður, sum varðar av Arbeiðs- og brunaeftirlitinum. Heðin Mortensen tók við landstýrissessinum í samferðslumálum síðst í november í fjør.

Øll føroysk arbeiðspláss skulu lúka treytirnar í løgtingslóg um arbeiðsumhvørvi. Lógin hevur til endamáls at virka fyri einum tryggum og heilsugóðum arbeiðsumhvørvi og skapa grundarlag fyri, at virkini sjálvi kunnu loysa sínar trygdar- og heilsuspurningar við vegleiðing frá og undir eftirliti av Arbeiðs- og brunaeftirlitinum.

– Eitt trygt og heilsugott arbeiðsumhvørvi er gagnligt fyri tann einstaka løntakaran, samband hansara við arbeiðsmarknaðin og fyri samfelagið sum heild, sigur Heðin Mortensen

Landsstýrismaðurin staðfestir, at talið av fráboðanum um arbeiðsvanlukkur hevur verið støðugt síðani 2015 og heldur, at ein frágreiðing er, at arbeiðsplássini hava tikið væl í móti teimum vegleiðingunum, sum Arbeiðs- og brunaeftirlitið hevur gjørt og arbeiðsgevararnir hava gjørt eftir boðunum.

Landsstýrismaðurin heldur ikki, at revsing fyri brot á arbeiðsumhvørvislógina hevur størsta týdningin.

– Tað, sum er týdningarmiklari, er at upplýsa og vegleiða, soleiðis at sleppast kann undan, at arbeiðsóhapp henda, sigur Heðin Mortensen.

Av avbjóðingum, sum liggja fyri framman nevnir landsstýrismaðurin trygdina í alivinnuni.

– Alivinnan hevur rættuliga tikið dik á seg, og har er ikki nóg nógv gjørt fyri tryggja arbeiðsumhvørvið, sigur Heðin Mortensen, sum væntar, at fokus verður sett á alivinnuna. Landsstýrismaðurin vísir eisini á, at hetta økið er ein samanrenning millum myndugleikar á landi og sjógvi – millum Arbeiðs- og brunaeftirlitið og Sjóvinnustýrið.

Landsstýrismaðurin frøist yvir, at Arbeiðs- og brunaeftirlitið fyri nøkrum árum síðani fekk játtan til at seta ein sálarfrøðing.

– Sálarliga arbeiðsumhvørvið eigur at vera ein integreraður partur av arbeiðsumhvørvinum. Tað sálarliga arbeiðsumhvørvið eigur at verða avmystifiserað og tikið í álvara, sigur Heðin Mortensen.

Fyri tveimum árum síðani var táverandi Brunaeftirlitið lagt saman við Arbeiðseftirlitinum.

Landsstýrismaðurin ætlar at gera lógarverkið um brunaeftirlit greiðari. Í tilbúgvingarlógini er ein kapittul um fyribyrging og annað, sum eitt nú snýr seg um brunaviðurskifti. Kapittulin um fyribyrging og annað hoyrir til samferðslumálaráðið, meðan tilbúgvingarlógin annars hoyrir til fiskimálaráðið.

– Rættast er tí at skilja tingini at, soleiðis at tað verður heilt greitt, hvør hevur ábyrgd av hvørjum. Nýggja brunalógin verður ein rammulóg, sum skal fyllast út við kunngerðum. Tað verða ikki heilt stórar broytingar í mun til innihaldið í verandi lóg, sigur Heðin Mortensen, landsstýrismaður.

Eirikur í Jákupsstovu tók formliga við stavinum 1. januar og Jógvan Skorheim, borgarstjóri, bjóðaði honum vælkomnum og ynskti honum bestu eydnu í starvinum.

- Eg havi glett meg nógv at byrja, og tí er frálíkt at vera komin í gongd. Arbeiðsøkið er stórt og uppgávurnar nógvar, tí vil eg sjálvsagt nýta fyrstu tíðina at møta nýggju starvsfeløgum og vitja stovnar og fyritøkur í kommununi, og við tíðini menna eitt gott samstarv á vinnu- og mentarnarøkinum, sigur Eirikur í Jákupsstovu.

Eirikur í Jákupsstovu er 31 ára gamal, útbúgvin løgfrøðingur og er búsitandi í Klaksvík. Eirikur hevur millum annað starvast hjá Betri Trygging, sum ráðgevi á Fólkatingi, umframt royndir sum journalistur hjá Kringvarpinum og Miðlahúsinum.