 Klokkan 04.15 legði Gadus at í Klaksvík eftir eina heldur langari heimreisu, enn teir høvdu væntað. Gadus bleiv tikin av norsku sjóvejuni fríggadagin og fingu boð at sigla til Tromsø, tí norska sjóverjan helt uppá at skiparin ikki hevði givð rættar upplýsingar upp. Gadus fekk eitt sektaruppskot, men tað bleiv ikki góðtikið. Mánadagin bleiv trygd stillað fyri sektaruppskotinum og so kundi Gadus endiliga seta kósina ímóti Klaksvík og legði at bryggju nú klokkan 04.15. Gadus hevur 780 tons og skipari hendan túrin var Brandur Joensen. Vit ynskja skipara og manning vælkomin heim. SáH  Fíggjarmálaráðharrin í Kina, Xiao Gang gevst í dag og fer í annað starv. Spurning-urin er eisini, um hann er givin ella um hann vinarliga er biðin um at siga upp - tí sera nógv órógv hevur verið í partabrøvunum í Kina í seinastuni.
Gang hevur annars verið í hesum starvi síðan 2013. JáH (y) 20.02.2016  Árstíðarjavnaðu lønirnar í januar vóru 689 milliónir kr, og tað eru 20 milliónir minni enn í desember. Afturgongdin er 2,9%. Bæði í november og desember vóru lønirnar góðar 700 milliónir.
Men afturgongdin í januar vikar ikki ta undirliggjandi gongdina, sum trendurin vísir. Trendurin vísir framvegis ein trivaligan mánaðarligan vøkstur, eins og hann hevur gjørt seinastu tvey árini. Les meira HER JáH (y) 10.02.2016 Kelda: Hagstovan  Stóra Byggimessan "Byggeri '16" í Danmark verður í døgunum frá 1. til 4. mars í Fredericia Messecenter. Hendan messan verður hildin annaðhvørt ár og til hesa messuna eru altíð nógvir Føroyingar. Byggimessan er tann størsta av sínum slag í Danmark, har 300 útstillarar vísa fram á teimum 28.000 fermetrinum í Messusentrinum. Her myndir frá messuni í 2010, sjá niðanfyri. Onkur av luttarnum, sum var á Tun Byg 2010 er ikki ímillum okkum longur. SáH  Áttinda ár á rað, skipaði fiskivinnugransking fyri framløgu fundi fástalávintsmánadag, har fleiri verkætlanar leiðarar, sum hava móttikið stuðul, greiddu frá teirra ætlanum og úrslitum.
Dagurin bleiv settur av Høgna Hoydal, landsstýrismanni í fiskivinnumálum, sum legði dent á, at týdningarmesta visiónin hjá honum fyri fiskivinnuna var virðisøking. Landstýrismaðurin vísti á, at fyri 14 árum síðani var vóru 23 milliónir settar av til gransking, ímeðan játtanin er lækka heilt niður til 2,208 milliónir í 2015. Her ynskir landsstýrismaðurin at gera broytingar, og segði at gransking er lykilin fyri menning av fiskivinnuni, og síggja vit longu í 2016, at játtanin er hækka við 1,3 millión, uppá 3,508 mill. Og skulu vit taka hann uppá orðið, so kunna granskarar gleðast um, at hettar bert er byrjanin og at vit vónandi skjótt koma uppá sama stuðuls støði sum vit høvdu fyri 14 árum síðani, sum er svarandi til 30 milliónir um ári. Hann avsluttaði við, at um vit bert megna at fáa eitt sindur meira av peningi burturúr hvørjum kilo av fiski, ja so kundi hendan virðisøking úr fiskivinnuni, verða við til at fíggja ein sjálvstøðugan føroyskan búðskap Á framløgudegnum vóru sjálvsagt nógvar framløgum, harav nógvar vóru sera áhugaverdar. Millum annað var Ólavur Gregersen og hevði eina sera áhugaverda framløgu um eitt projekt sum æt, WhiteFishMaLL (North Atlantic whitefish Marine Living Lab), sum er ein brandingplatformur fyri hvítan fisk úr Norðuratlandshavinum. Endamálið við hesi verkætlan var at menna brandingina av hvítfiski í norðuratlantshavinum, sum eina vøru, sum skilur seg úr, tá tosa verður um kvalitet. Eisini á nógvum øðrum økjum, eru ymisk ting, sum kunna brúkast til at selja vøruna við. T.d. er veiðan burðardygg, sunnur kostur, og veiðan er umhvørvisvinarligari enn nógv onnur veiða (t.d. lítil olju-brenning í fragt). Eisini blivu fokus gruppur gjørdar, har spurt bleiv inn til, hvørjar upplýsingar keyparin saknaði. Her kom m.a. fram at kundin er áhugaður í at vita um vøran er burðardygg, hvussu maturin skuldi hagreiðast, kunning um hvussu heilsu gagnligur maturin var, uppskriftir o.s.v. Flestu upplýsingarnir sum tey saknaðu, vóru upplýsingar sum vit hava tøkar í Føroyum, og 1/3 av fólkinum váttaði, at tey vóru villig til at gjalda eyka fyri mat, har hesir upplýsingar vóru givnir. Tey hava so framleitt eina prototypo av eini app, har ein kann fara inn og lesa um produkti. Eitt sera áhugavert projekt, við eini app, sum eg so hvørt fall fari at taka niður og brúka nógv. Sí allan fyrilesturin inni á heimasíðuni hjá www.fvg.fo Eisini vóru nógvir aðrir áhugaverdir fyrilestrar at hoyra, t.d. helt Lise Helen Ofstad frá Havstovuni fyrilestur um útbreiðslu, lívfrøði og fiskiskapur av longu og brosmu undir Føroyum, og um útbreiðslu, lívfrøði og fiskiskapur av blálongu undir Føroyum (2016-18). Kristian Zachariassen gav eina framløgu um gransking sum er gjørd saman við Gullaki Gullaksen og Bjarna Kass, um optimering av makreltroli til 4T trolbátar og um Hvat kom burturúr? Og um optimering av sergjørdum makreltroli til trolbátar í bólki 4T og hvat ætlanin er man at gera víðari í 2016. Ámundur Nolsøe tosaði um árinskanningar av taraskering á Gøtuvík og Funningsfirði , hettar er ein 3-ára verkætlan sum gongur fram til 2016. Hann tosaði m.a. um avbjóð¬ing¬ar við metodumenning av árinskanningum av taraskurði. Unn Laksá og Magna Laksafoss, www.Syntesa.fo, góðu ein tema Íblástrarfyrilestur, sum æt, “Alt í land” har hugleitt varð um økta gagnnýtslu av fiskatilfeinginum og møguleikar og avbjóðingar tí viðvíkjandi. Framløgan snúði seg eisini um fyribils niðurstøður frá áhuga¬parta¬fundunum, sum hava verið í norðurlendsku londunum, umframt tær búskaparligu útrokningarnar, sum eru gjørdar fyri føroysku fiskivinnuna. Verkætlanin ‘Alt í land’ er partur av norðurlendska flagskipsprojektinum ‘Vøkstur í bláa tilfeingis¬bú¬skap¬inum í Norðuratlantshavi og Arktis ’, sum er sett í verk í sambandi við føroyska formansskapin í norðurlendska samstarvinum undir heitinum “Vøkstur í bláa tilfeingisbúskapinum” Eftir døgverða gav m.a. Ásmund Guðjónsson, NORA (fyrr Fiskimálaráðið) ein fyrilestur um Virðisvøkstur í Fiskivinnuni, har (22 tilmæli vóru gjørd til fiskivinnuna.) Vit fingu tó ikki tey 22 tilmælini at vita, tí kanningin var júst liðug, og úrslitini vóru enn ikki handa landsstýrismanninum í fiskivinnumálum, Høgna Hoydal, ið verður tann fyrsti at síggja tilmælini. Tó fingu vit tveir brell-bitar, tilmæli 3 snúði seg um, at broyta tíðarskeiðini vit fiska flatfisk. Í løtuni fiska vit í rakastu tíð, við lægst prísi, og hettar verður tilmælt at broyta, og tilmæli 18 gleðir allar granskarar og yvaleyst nógv í vinnuni, tí tað snýr seg um, at økja um stuðul til at menna fiskivinnuna. Frá 3,5 milliónum til 30 milliónir. Hinar báar framløðurnar eftir døgverða snúðu seg um nýggir marknaðir fyri fiskivinnuma - Norðurafrika og Arabiska Hálvoyggin, útvaldir marknaðir og roynd av prototypu 2 av livraanleggi (2016) um hvat fer fram?, hesar vóru givnar av ávikavist Johan Jacobsen og Helgi Nolsøe, Sp/f Livur. Dagurin endaði við, at frágreiðing um stuðulsmøguleikar har Annika Sølvará greiddi stutt frá Granskingarráðnum og møguleikunum innan NORDFORSK og segði nakað um HORIZON2020 og møguleikarnar her eisini. Jákup Sørensen greiddi stutt frá stuðulsmøguleikum frá NORA og NP og Brynhild Absalonsen avsluttaði við at greiða frá stuðulsmøguleikum frá Vinnuframa, www.vinnuframi.fo Allar framløgurnar verða tøkar inni á heimasíðuni hjá fiskivinnugransking: www.fvg.fo  Í nógvan regninum ímorgun kom Sjúrðarberg á Klaksvík og legði at bryggju klokkan seks. Sjúrðarberg hevur roynt í norskum sjógvi og var túrurin stuttur hesaferð, teir fóru avstað tann 2. januar og hava teir fullað last, umleið 730 tons. Skiparin hendan túrin var Rólvur í Norðnástovu. Norðoyar Portalurin ynskir skipara og manning vælkomin heim. SáH  Í fjør varð tikið stig til tann fyrsta marknaðarføringsdagin og nú verður hann endurtikin. M-dagurin hevur sum endamál at savna marknaðarfólk í Føroyum til netverkan, kveikjan, og at geva viðkomandi amboð at náa og røkka nýggjum málum. Seinast lutaðu Thomas Bigum, Eiler Fagraklett, Regin W. Dalsgaard og Jákup Justinussen sína vitan og serfrøði til áleið 80 luttakarar frá bæði smærri og satørri fyritøkum og stovnum kring landið. Skráin í ár er samansett av áhugaverdum serfrøðingum og viðkomandi fyrilestrum. Røðarar eru David Lorentzen, Niclas Heri Jákupsson, Allan Dalsgarð og Bárður Eklund. Niclas Heri Jákupsson er kendur fyri fyrilesturin "Út við strongd og inn við lívsgleði". Hann er eigari av fyritøkuni Fegin og arbeiðir dagliga við ráðgeving, sølu og tænastu. Niclas Heri er fyriskipari av Ársins søludegi saman við Navitas og kemur á M-degnum at tosa um virðiligt samskifti millum marknaðarfólk og sølufólk. Allan Dalsgarð kemur at greiða frá, um hvussu hagtøl kunnu geva størri innlit og hjálpa at skapa betri marknaðarføring. Allan hevur seinastu 11 árini arbeitt sum ráðgevi innan strategi og marknaðarføring, harav 5 ár sum stjóri á Sendistovuni. Hann er útbúgvin cand.mag. í miðlafrøði og starvaðist eitt tíðarskeið sum miðlaleiðari í Kringvarpinum. Eisini er hann eigari av Spyr.fo og SAVNA. Við útgangsstøði í grindadrápi og umtalu av Føroyum á alnetinum, kemur Bárður Eklund at tosa nærri um hvat SEO er, og hvussu tú íverksetur eina SEO strategi. Hann er útbúgvin fotojournalist og hevur starvast á m.a. BT, Urban, Berlingske Media og Kringvarpinum. Bárður starvast í dag sum talgildur marknaðarleiðari á VisitFaroeIslands. Danin David Lorentzen kemur at greiða frá í 3 pørtum um Instagram, Facebook og sosialar miðlar annars. Hugt verður at, hvussu ein málrættar samskifti, brúkar innlit til betri úrslit og kemur frá teori til praksis. Seinastu 3 árini er David blivin viðurkendur fyrilestrahaldari innan sosialar miðlar. Dagliga ráðgevur hann smærri og stórum fyritøkum, hvussu tey kunna brúka sosialar miðlar til at skapa málrættað úrslit. Eisini arbeiðir hann sum ráðgevi fyri samskiftisfyritøkuna Kindly. Í ár verður M-dagurin hildin á panorama á Hotel Hafnia tann 8. mars. Nærri kunning er tøk á m-dagurin.fo Vegna M-dagin Jógvan Andersen Tel: 50 98 11 Teldupost: jogvana@faroemedia.com   Yvir 30.000 menniskjur hava mist arbeiðið innan olju- og gassvinnuna í Noregi, veit DNB Markets at siga frá.
Statoil hevur mist sera nógv av oljukrisuni og áleið 2.800 fólk hava mist starvi hjá sær har. JáH (y) 04.02.2016 |
|
RSS-feed
