Stýrið í Noregi hevur júst avgjørt, at land teirra skal til at æla enn meira laks, tí mangul er uppá laksin, veit NTB at siga frá.

Hetta kann so eisini gera sítt til, at laksaprísurin í framtíðini fer eitt vet niður - tí sum øllum kunnugt, so fer Bakkafrost eisini í holt við at økja um laksaframleiðsuna, har bygt verður (kanska) størst smoltstøð yviri við Strond í nærmastu framtíð.

Ongin ivi er um, at laksaframleiðsla er ein vinna, sum gevur nógv av sær - og tí kann gott vera, at enn fleiri føroyingar og norrmenn fara at gera sær dælt av hesum í framtíðini ...

JáH (y) 30.06.2016

Tíðindaskriv:

​Talan er um 7 útbúnir skipsatstøðarar. Harumframt tóku 5 teirra dugnaskaparprógv í sigling.
 
Nøvnini frá vinstru eru fylgjandi:
 
1.       Torkil Thomsen
2.       Boas Ó. Sørensen
3.       Sveinur J. Carlsson
4.       Bartal E. Andreassen
5.       Áki Højgaard
6.       Oddbjørn Jacobsen
7.       Ólavur G. Dølum
 
Ólavur G. Dølum fekk gávu frá Norðoya Sparikassa fyri besta avrik. Oddbjørn Jacobsen fekk gávu frá Norðoya Sparikassa fyri stóra hjálpsemi sítt í flokkinum.

Mikudagin 15. juni kl. 15 bjóðar Íverksetarahúsið aftur inn til netverksfund har íverksetarar, vinnulívsfólk og áhugaði hava møguleika at hittast til fyrilestur, kaffi og prát.

Evnið verður marknaðarføring á netinum og Hergeir P. Vang ráðgevi í sosialum miðlum og talgildari marknaðarføring undirvísir.

Fyrilesturin fer at snúgva seg um hvussu tú sum íverkseti ella fyritøka á bestan hátt marknaðarførir teg á netinum:

Hví og hvussu skal eg brúka sosialu miðlarnar?

• Ger fyrst og fremst tað tú brennir fyri
• Hav altíð MINST eitt mál
• Lurta og ver til staðar
• …og minst til at selja!

Tiltakið verður mikudagin 15. juni frá kl. 15-16 í Íverksetarahúsinum, Garðavegur 57, og er ókeypis.
Øll eru hjartaliga vælkomin.

Tilmelding fer fram við at senda teldupost til [email protected]

Avmarkað pláss.

Skrivað hevur Sóley Heradóttir Hammer

Línubáturin Kvikk søkir manning, at byrja sum skjótast.

Kvikk hevur havt nakrar góðar túrar í seinastuni og hevur sjólívið tín áhuga, so er hetta absalutt ein góður bátur at fara við.

Bláu bók og trygdarskeið krevst.

Vinarliga ring Tlf 570575, um hetta hevur tín áhuga.

​Kvikk

Kristina Háfoss, landsstýriskvinna í fíggjarmálum, hevur í dag kunngjørt skattanevndina og arbeiðssetningin.
​
Skattanevndin skal koma við tilmælum til eina einfalda og gjøgnumskygda skatta- og avgjaldsskipan, ið skal tryggja fíggjarliga haldført inntøkugrundarlag hjá landi og kommunum. Skattanýskipanin skal fremja eitt javnari býti av landsins virðum millum borgarar landsins, og eggja fólki og vinnu at “velja” Føroyar. Hartil skal skattanýskipanin styrkja kappingarførið hjá vinnulívinum, og stuðla undir til umhvørvisvinarliga og burðardygga atferð hjá vinnu og borgarum.

Dentur er serliga lagdur á búskaparligu ávirkanina av skatti- og avgjøldum. Nevndin hevur tí servitan innan tjóðarbúskap, skatt, avgjøld og føroyska samfelagið. Fylgibólkar skulu tryggja, at aðrir viðkomandi partar og fakøki verða inndrigin leypandi í skattanevndararbeiðið.

Skattanevndin er mannað við hesum fólkum:

• Kári Petersen, cand.polit og MBA, formaður 
• Herit Albinus, MSc Econometrics and Mathematical Economics
• Jóannes Jacobsen, cand. oecon , Ph.d. og adjunktur í búskapi
• Erika Anne Hayfield, Ph.d. og adjunktur í samfelagsvísund
• Sigurd Poulsen, cand.polit
• Mirjam Haraldsen, cand.merc. aud, statsaut. Grannskoðari
• Petur Alberg Lamhauge, cand.merc.aud

Fíggjarmálaráðið hevur ábyrgdina av og røkir skrivarauppgávuna hjá skattanevndini.

Arbeiðssetningur hjá skattanevndini
Skattanevndin skal greina og viðgera føroysku skatta- og avgjaldsskipanina, og koma við tilmælum til endurnýggjan. Nevndin leggur sjálv sítt arbeiði til rættis og kann í sínari greining raðfesta hvørji evni nevndin heldur tað verða mest neyðugt og áhugavert at viðgera og koma við tilmælum um broytingum til.

Tó skal nevndin í minsta lagi viðgera og gera tilmæli í sambandi við hesi evni, og tilmælini skulu taka atlit til hesar fortreytir:

• Nevndin skal koma við tilmælum til umleggingar í skattaskipanini, ið kunnu styrkja kappingarførið hjá Føroyum. Her verður hugsað um kappingarføri:
  • um fólkið, so fleiri velja at búseta seg her,
  • um arbeiðsmegina, so fleiri velja at arbeiða her,
  • um fyritøkurnar, so fleiri fyritøkur velja at virka her og gera íløgur her.
• Nevndin skal viðgera og greina undantøk, frádráttir og serskipanir, sum í dag eru í skattaskipanini, og gera uppskot til broytingar ið tryggja, at skattur í størri mun verður rindaður eftir førimuni, og í minni mun eftir slag av inntøku ella hvaðan inntøkan stavar 
• Nevndin skal kanna hvørjar avbjóðingar vaksandi flytføri hjá kapitali, arbeiðsmegi og nýtslu hevur fyri almennu inntøkurnar, og koma við tilmælum til, hvørjar umleggingar kunnu gerast fyri at tryggja almennu inntøkurnar frameftir.
• Nevndin skal viðgera og greina, hvussu skattaskipanin hjá landi og kommunum, umframt fíggjarlig afturbering millum land og kommunur, kunnu skipast best møguligt fyri at tryggja fíggjarliga haldførið og búskaparstýring framyvir.
• Nevndin skal koma við tilmælum til, hvussu avgjaldsskipanin kann skunda undir verandi gongd ímóti einum grønari Føroyum, har orkuframleiðslan í vaksandi mun kemur frá varandi orkukeldum og í minkandi mun frá lívrunnum brennievni.
• Nevndin skal viðgera og greina samlaðu ávirkanina frá skatti og mótrokning fyri tey, ið fáa inntøkutreytaðar almannaveitingar. Nevndin skal koma við tilmælum til broytingar, ið hava við sær, at almannaveitingarnar ikki taka burtur fíggjarliga fyrimunin hjá hesum bólkum at arbeiða.
• Eisini skal nevndin koma við tilmælum til, hvussu skatta- og avgjaldsskipanin kann umskipast soleiðis, at hon verður meira gjøgnumskygd og einføld fyri skattgjaldaran.
• Tilmælini mugu samanlagt ikki økja um inntøkuójavnan í Føroyum, heldur hinvegin.
• Tilmælini skulu samanlagt verða fult fíggjað.
• Tilmælini skulu verða so ítøkilig, at tey eru búgvin til politiska viðgerð. Har tað verður mett neyðugt, skal nevndin koma við uppskoti til skiftisskipan í sambandi við íverksetan av tilmælinum.

 
Tíðarætlan
Skattanevndin verður liðug við sítt arbeiði 1. juni 2017.

JáH (y) 02.06.2016
Kelda: Fíggjarmálaráðið

Heilt nógv fólk vóru møtt upp til fundin í Haraldssundi, har Borgarstjórin úr Kunoy, Meiken S. Michaelsen, Borgarstjórin úr Klaksvík, Jógvan Skorheim og stjórin hjá Bakkafrost, Regin á Bakka - greiddu frá framtíðarplanirnar hjá Smoltstøðini hjá Bakkafrost, sum kemur at liggja Yviri við Strond - har Bakkafrost ivaleyst kemur at lána vatn úr Kunoynni.

Meiken S. Michaelsen byrjaði fundin og bjóðaði øllum vælkomnum - og síðan fekk Regin á Bakka orðið, har hann so greiddi frá um Smoltstøðini og hvussu nógv vatn hon fór at brúka. Og so gekk ikki long tíð, har ymisk fólk spurdu hann - um eitt hví hann ikki bara brúkti ein "vatn-gerara" og til tað svaraði Regin, at hesin mátin sum nú liggur uppá tal - nevniliga at lána vatn úr Kunoynni - varð ein sikrari máti, at gera tað uppá. Eisini bleiv spurt um at taka vatn av Strond, har SEV fær vatn frá og tað varð eisini gjørligt, men so mátti vatni pumpast, svaraði Regin.