Nýmótans og snotiligt handilshøli í hjartanum í miðbýnum, við tilhoyrandi goymsluhøli í undirhæddini, er tøkt at leiga. Saman við Kaffihúsið Fríða, Visit Norðoy, 2U, URBANE og Madame Vælvera kanst tú gerast partur av fjølbroytta handilslívinum í miðbýnum í Klaksvík.

Stutt um miðbýin
Fyrsta byggingin í miðbýnum er stóri bygningurin við Biskupstorg við 30 íbúðum, veghædd til kommunalt virksemi, umframt handils- og matstovuvirksemi og eina undirhædd til tøkni og goymsluendamál, bæði hjá íbúðunum, kommununi og virkseminum í veghæddini.

Ein annar partur er sjálvt Biskupstorg, sum er uttanumøkið. Í vetrarhálvuni er Biskupstorg karmur um væl vitjaðu skoytubreytina, umframt onnur tiltøk, sum gjøgnum alt árið skapa lív, trivnað og hugna fyri borgararnar.
 
Byggingin og menningin av miðbýnum fer við tíðini at fevna um fleiri spennandi bygningar, torg, bryggjukantar v.m.

Hølisviðurskifti
Leigumálið er 54,7 m2. Harumframt eru 11,33 av goymsluhøli í undirhæddini
Leiguprísurin verður ásettur eftir galdandi marknaðarprísi, sum í løtuni er 6.895,83 kr. um mðr. + mvg og gjald fyri ljós og hita. Hølið er í norðara enda av veghæddini; ímillum URBANE og Madame.

Virksemi
Umsøkjarin, ið fær hølini í boði, fær nýggj, stásilig høli í hjartanum av miðbýnum, og fær hann somuleiðis ágóðan av fjølbroytta vinnuvirkseminum, sum longu er í økinum. Saman við núverandi handils- og matstovuvirksemi verður góður møguleika fyri at gerast partur av miðbýarmenningini í Klaksvík.

Støðutakan
Støða verður tikin til innkomnar leiguumsóknir út frá eini heildarmeting, sum tekur støði í endamálinum við veghæddini við Biskupstorg. Kommunan tilskilar sær rætt frítt at velja ella at havna øllum umsóknum.

Umsóknir skulu latast: Klaksvíkar kommunu, Nólsoyar Pálsgøta 32, 700 Klaksvík, John Syderbø, vinnu og mentanarstjóra, ella sendast til johns@klaksvik.fo. 

Umsóknir skulu vera kommununi í hendi í seinasta lagifríggjadagin 6. januar 2023.

Klaksvíkar kommuna

ísindaligi hátturin Havstovan brúkar, kann við rímuligar vissu sigast, at verða skeivur. Tað sæst, tá tey av og á mótsiga sær sjálvum. Hetta tí at tey ofta viga og meta, men gloyma aðrar frágreiðingar, tey sjálv hava gjørt. Onkuntíð broyta tey tølini, fyri at fáa alt at ganga upp.

Tá eg søki stuðul til at granska siga tey, at eg havi ikki førleika at granska. Hvørt tey duga at meta um tað, ella tað er nakað tey hava hoyrt, veit eg ikki.

Seinasta dømi stó á heimasíðuni hjá Havstovuni 6 desember. Tað er um vísindaliga grein úr altjóða tíðarriti.

Vísindaliga greinin er um toskalarvur, við yvirskriftini “Føði til toskalarvur ávirkar tilgongdina”

Síðan citera vit heimasíðuna hjá Havstovuni:
“Í seinnu greinini, sum júst er útgivin, verður víst á, at tal av toskalarvum beint eftir gýting er nær tengt at støddini av gýtingarstovninum. Tískil er tað av stórum týdningi at hava ein burðardyggan gýtingarstovn. Ein stórur gýtingarstovnur er tó ikki nøkur trygd fyri, at tilgongdin verður stór.” Citat enda.

Her stendur, stórur toskastovnur gevur stórt tal av toskalarvum. Tí skal gýtingarstovnurin verða stórur. Og yvirskriftin sigur harumframt at tað ávirkar tilgongdina til toskastovnin.

Síðan stendur tað mótsætta í næsta setningi. Stóru gýtingarstovnur ikki trygd fyri stórari tilgongd.

Seinasti setningurin er mótsætt av hinum.
Hvat er so rætt

Upplýst verður, at tá gýtingarstovnurin er stórur, so er eisini nógv yngul. So far so good.

Tá nógv og góð føði er hjá toskayngli, so er nógv til og tað veksur skjótt. So far so good.

Men tað hevur onga ávirkan á tilgongdina hjá toskastovninum. Tað vita vit, tí Eilif Gaard og Petur Steingrund í 2005 gjørdu eina vísindaliga grein sum vísti, at tá gýtingarstovnurin er stórur, so er tilgongdin lítil.

Kann skoyta uppí, at tað ikki bara er galdandi í Føroyum.

​​Tí er rættast at siga, at tá toskastovnurin er stórur og nógv yngul er, er tilgongdin samstundis lítil. Tað er sambært vísindaligu greinini hjá Petur og Eilif umvent lutfall.

Pástandurin um at toskastovnurin skal verða stórur kann tí afturvísast við kanningum og vísindaligum greinum sum Havstovan sjálv hevur gjørt og skrivað.

At vísindaligu hátturin Havstovan og Ices brúka ikki er góður er púra greitt. Tað er enntá orsøk at halda at vísindaligi hátturin er beinleiðis skeivur.

Eivind Jacobsen
“Granskari”

Ferðavinnufelagið heitir á landsins komandi stjórn um at strika innkeypsmonopolið í rúsdrekkalógini.

Tað hevur stóran týdning, at føroyskar matstovur hava møguleika at keypa inn á vanligum handilsligum grundarlagi.

Vinnuhúsið
​