 Í desember var árstíðarjavnaða fulltíðararbeiðsloysið 2,2%, samanborið við 2,0% mánaðin frammanundan og 2,6% fyri einum ári síðani.
Hesar 12 mánaðirnar hevur arbeiðsloysið sveiggjað millum tvey og hálvtriðja prosent. Munurin millum kynini er tann sami, har tað nú er 1,7% hjá monnum og 2,7 hjá kvinnum. Les meira HER JáH (y) 01.02.2018 Kelda: Hagstovan  Føroyar og Ísland hava í dag gjørt semju um fiskirættindini fyri tað, sum eftir er av 2018.
Føroyar og Ísland eru harumframt samd um beinanvegin at fara undir samráðingar um ein nýggjan rammusáttmála landanna millum, har áralanga samstarvið um sínámillum fiskirættindi verður tikið upp til nýggja viðgerð. Hesar samráðingar skulu vera lidnar 1. september 2018. Sambært semjuni fyri 2018 varðveita Føroyar sína kvotu av botnfiski á 5.600 tons í íslendskum sjógvi og Ísland sína kvotu av makreli á 1.300 tons í føroyskum sjógvi. Hinvegin missir Ísland sína kvotu á 2.000 tons av heystgýtandi sild í føroyskum sjógvi. Bæði Føroyar og Ísland varðveita síni rættindi til atgongd at veiða sínar kvotur fyri svartkjaft og norðhavssild hvør hjá øðrum, har talið av íslendskum skipum tó kann vera í mesta lagi fimtan í senn. Føroyska lodnukvotan í íslendskum sjógvi verður 5% av heildarkvotuni, tó í mesta lagi 25.000 tons. Verður heildarkvotan størri enn 500.000 tons, eru londini tilreiðar at viðgera møguligar tillagingar í fiskiveiðiskipanini landanna millum. Avmarkingarnar á føroyskum lodnulandingum og virking umborð til matna vera linkaðar við tveimum døgum frá 15. februar til 17. februar. JáH (y) 31.01.2018 Kelda: Løgtingið  © Hagstovan Avreiðingarnøgdin og avreiðingarvirðið hevur verið støðugt lágt seinastu nógvu árini.
Betri fiskiár vóru frá aldarskiftinum fram til 2007. Í miðal var nøgdin tilsamans góð 125 túsund tons tey árini. Síðan 2007 hevur veiðan av feskfiski, ið er farin um avreiðingarskipanina, í miðal verið um 75 túsund tons. Í fjør vórðu avreidd smá 73 túsund tons, sum er eitt vet verri enn í 2016, tá góð 75 túsund tons vórðu avreidd. Les meira HER JáH (y) 30.01.2018 Kelda: Hagstovan  Norðborg fór avstað frá Klaksvík kl. 15.30 ídag og gekk leiðin hjá teimum út í lodnufelti eftir lodnu. Sambært Kringvarp Føroya, so eru Føroyar og Ísland vorðin samd um lodnuna í ár og tískil kunnu lodnuskipini fara avstað. Gott fiskarí. SáH  Í stórari samkomu fríggjadagin bleiv Frimodt Rasmussen kósin ársins privati leiðarin í Føroyum.
Dómsnenvdin brúkti m.a. hesi orð um Ársins Privata leiðara 2018 * Fridmodt Rasmussen hevur síðani 2011 verið undangongumaður og dungalig leiðarin á Klaksvíkar Sleipipstøð. * Stendur á odda fyri ein vælvrikandi skipasmiðju, har alt frá smábátum til stór skip fáa nútímans og dygdargóða tænastu. * Við sínum nærlagna, virkisfýsna og framskygda lyndi er hann ein fyrimynd og kveikjari fyri starvsfólki síni, sum trivast fakliga og sosialt. * Við honum sum leiðara tekur Klaksvíkar Sleipistøð seg alsamnt fram og veksur við teim mongu spennandi uppgávum, teimum verða litnar upp í hendur. * Klaksvíkar Sleipistøð hevur harumframt havt góð úrslit. Stórt tillukku Fridmodt Rasmussen til tín og starvsfólkini í KKS. SáH  Fiskimálaráðið hevur gjørt av at játta pening til 19 nýggjar verkætlanir av játtanini til Fiskivinnuroyndir 2018, í alt kr 5.587.856. Harumframt er framhaldandi játtan latin 7 verkætlanum, í alt kr. 1.847.317
Tilsamans eru latnar kr. 7.435.173 í stuðli. Tað vóru 41 umsóknir til stuðulin í hesum umfarinum, stuðul varð játtaður til 63% av umsóknunum. Les meira HER JáH (y) 23.01.2018 Kelda: Gransking.fo  Smáar innari rivur í legunum hava kostað vindmylluframleiðarum milliardir av krónum. Danski grunnurin Innovationsfonden ger nú íløgur í eina nýggja granskingarverkætlan, sum skal royna at finna eina loysn uppá trupulleikan.
Hilmar Kjartansson Danielsen, ph.d. í tilfarsverkfrøði, er seniorgranskari á DTU Vindenergi. Hann skal standa á odda fyri stóru verkætlanini, sum júst hevur fingið játtað 18,3 mill. kr. í stuðli frá Innovationsfonden. Verkætlanin kallast “WhiteWind: White Etching Crack Bearing Failures in Wind Turbines”. Samlaði verkætlanarkostnaðurin er 25 mill. kr. og skeiðið 4 ár. Les meira HER JáH (y) 23.01.2018 Kelda: Gransking.fo  Netflix hevur eitt virði uppá góðar 606 milliardir krónir og tað fer bert at vaksa í virði.
Netflix sum bleiv stovnað í 1997 og byrjaði í smáum við at vísa eitt antal av góðum gomlum kult filmum, men er nú vaksi sera nógv og ger Netflix sínu egnu røðir og filmar. JáH (y) 23.01.2018  Statoil leingir sáttmála við Amenas í Algeria - har fimm starvsfólk hjá Statoil blivu dripin fyri 5 árum síðani.
Aftenposten veit at siga frá, at Statoil hevur longt sáttmálan í 5 ár og sett 1,85 milliardir í samtakið. JáH (y) 21.01.2018 Kelda: NTB  Sami fólkavøkstur sum fyri einum ári síðani, tó minni í høvuðsstaðnum og størri uttanfyri
Fólkatalið var 50.437 tann 1. desember. Tað vaks við 685 fólkum ella 1,4% í 12-mánaðarskeiðinum 1. des. 2016 – 1. des. 2017. Tað kemur av nettotilflyting á 459 og burðaravlopi á 226. Fólkavøkstur er í øllum høvuðsøkjum, men mynstrið er tað sama sum undanfarnu 4-5 mánaðirnar, at fólkavøksturin er lutfalsliga størstur í Vága sýslu og Streymoy uttan fyri Tórshavnarøkið og minsti vøksturin er í Sandoyar og Suðuroyar sýslum. Les meira HER JáH (y) 18.01.2018 Kelda: Hagstovan |
|
RSS-feed
