Fyrr varð sagt, at eitt gólv í vátrúmi skuldi hava eitt hall, alt sum tað var, yvir ímóti ristini. Soleiðis verður ikki arbeitt longur. Nú er tað nóg mikið, at tey støð á gólvinum í vátrúminum, har vatn kemur at javnan - t.d. brúsirúminum - skulu hava hall. Og væl at merkja rætt hall. Tað vil siga eitt hall upp á millum 1 og 2 % yvir ímóti ristini. Verður vatnið liggjandi í hyljum, er vandi fyri fukt-skaða á gólv og veggir, eins og tað er vandi fyri at fólk glíða og bróta seg sundur.

Tann lættasti mátin at byggja eitt gólv við halli, er at stoypa tað. Tá verður alt gólvið, uttan brúsirúmið, stoypt vatnrætt. Í brúsirúminum verður so stoypt eitt hall yvir ímóti ristini. Tað er gott at hava eina rist afturat inni á flata stóra gólvinum, men tá er ikki neyðugt at hava hall yvir til hana.

Tað hevur stóran týdning at gera eitt vátrúmsgólv rætt frá byrjan, tí tað er bæði strævið og kostnarðarmikið at fara afturumaftur. Er talan um eitt rúm við vinyli á træplátu, sum hevur skeivt hall, mugu gólvpláturnar upp frá aftur og leggjast av nýggjum. Er talan um flísar omaná á plátu, er mannagongdin tann sama sum omanfyri. Og eru tað flísar omaná stoypt gólv, mugu flísarnar av – kanska er nóg mikið at taka flísarnar á tí økinum, har vatnið stendur, upp frá, men sum oftast er ein vátrúms-membran undir, og tá hon verður brotin, skal hon smyrjast av nýggjum, øll sum hon er.

Tað er ikki so lætt at leggja gólv í vátrúmi sjálv/ur, men tað ber til, og tað er eisini í lov. Nógv fólk hava goðar royndir av at arbeiða við einum kjallaragólvi, har ein rist skal leggjast í gólvið við vaskið ella varkimaskinuna, áðrenn tey fara í holt við baðirúmini inni í húsinum.

Fyri at finna rætta halli, mugu fleiri vaterpass brúkast, men ein stálkúla, ca. 2 sentmetrar í tvørmáti, kann eisini brúkast. Hon skal, áðrenn flísar verða lagdar, kunna trilla ímóti ristini, tá hon verður løgd á gólvplátu ella turrt betongi.


Kelda: www.balslev.fo

Tónleika síðan er farin sín veg - sjálvt um tú enn kanst lesa eitt sindur um tónleik niðanfyri, og í framtíðini so verður tað møguligt, at lesa um tónleik á spaltini OMG.

Á hesari síðuni fara vit, at hava ymiskt um Vinnuna í Føroyum og fara handlar kring Føroya land koma við ymiskum spennandi tingum, at vísa framm á hesari síðuni - alt frá DVD fløgum til Black & Decker borimaskinum.

JáH (y) 09/01-13

Føddur tann 8. januar 1935, so hevði Elvis Aaron Presley verið 78 ára gamal í dag. Hann varð ein amerikanskur sangari og sjónleikari. Hann varð eisini kult ikon og bleiv vanliga nevndur Elvis. Hann er tann kendasti tónleikarin í 20. øld og bleiv oftað kallaður "King of Rock and Roll" ella bara "The King"

Til stuttleika, so kann nevnast at fyrrverandi svigersonurin Michael Jackson varð ein Elvis fjeppari og Michael (sáli) bleiv kallaður "The King Of Pop". Báðir tveir Elvis og Michael doyðu av tablett misbrúki.

Í Útvarp Føroya í morgun verður spælt ein rúgva av Elvis songum - og tað vilja vit á Norðoya Portali eisini feira, og tískil so hava vit valt ein Elvis sang niðanfyri ... Enjoy!

JáH (y) 08/01-12