Norðoya Portalurin hevur fylgt væl við málinum, har Bakkafrost kemur at lána vatn frá Kunoyar Kommuna.

Vit ringdu til Regin á Bakka sjálvan ígjár og lovaði hann, at koma við skjølum, har ymiskir uppástandir vera settir uppá pláss.

Eisini helt Regin, at tað varð sera løgið, at KVF ikki eisini hevði ringt til hann um málið og tað kundi tykjast sum um, at KVF einans vildi skapa ein splid ímillum kunoyingar og Bakkafrost.

Eitt nú sigur Bakkafrost soleiðis um Vatnveiting til Smoltstøðina á Strond (til ber eisini at taka fílin niður niðast, so at meira kann lesast um málið):

Vatnveiting til smoltstøðina á Strond:

1980 - 500 m3 /t av nýggjum vatni.
1995 – Byrja var at endurnýta vatnið við serligari reinsing, nú kundi sama støðin minka vatn tørvin niður á 100 m3/t 
2000 – Skipanirnar til endurnýtslu av vatni gjørdar betri og nú kundi vatn tørvurin minkast niður á 10 m3/t
2010 – Við enn betri tøkni til reinsing av vatnið, so kann tørvurin minkað niður á 3 m3/t

Vatntørvur:

- Støðin verður meiri enn 20 ferðir størri enn smoltstøðin við Gjógv men nýggj reinsitøkni ger at vatn tørvurin verður minnið enn til støðina við Gjógv
- Kósin brúkar meiri vatn enn smoltstøðin kann koyra við
- Vatnturbinan hjá Sev í Strandadali brúkar 2.800 m3/t. Tá tað regnar illa rennur yvir í byrgingini
- Tá tað regnar, renna 1.000 tals m3 av vatni í havið
- Út frá vatn mátingum og frárenningarøki, so kemur Bakkafrost bara at brúka ein lítlan part av vatn nøgdini ið rennur gjøgnum Hjarðardal, Hellisdal og Haraldsund.

​Vilt tú lesa meira um málið, so er at taka fílin niður niðanfyri, sum er ein .pdf fílur.

JáH (y) 27.05.2016

Norðoya Portalurin hevur fingið at vita, at upplýsingarnir, sum KVF kom við, har sagt verður frá, at Bakkafrost Smoltstøðin yvir við Strond kemur at brúka 200 tons um tíman - eru ikki rættir.

99,7 % av vatninum verður endurnýtt og hetta merkir at tørvurin er 87 tons um tíman, ið er minni enn t.d. Kósavirkið. Spurningurin er so - um tað fer at gera nakran mun á vøtnunum í Kunoy, at Smoltstøðin hjá Bakkafrost kemur yvirum vánna, at "læna" vatn frá okkum kunoyingum.

Tað hevur verið sera spent ímillum fólkini í Kunoy og ein torir nærum ikki hava somu meining, sum eg sjálvur havi um málið - har eg persónliga onki havi ímóti, at Bakkafrost kemur at fremja sítt virksemi yvir við Strond, sum hoyrir undir Klaksvíkar Kommunu. Men serliga spennandi hevði eisini verið, at fingið at vita - hvat Kunoyar Kommuna fær fyri ómakin, at læna vatn yvirum - tí tá ið alt kemur til alt, so dragar tað seg næstan altíð um pengar og júst tað, burdi bert verið ein avgreiðsluspurningur. Og so burdi tað eisini verið tryggja soleiðis - at vøtnini í Kunoynni ikki vera tømd.

Meira um Watergate seinni, folkens ..!

JáH (y) 26.05.2016

Fyri góðum 6 tímum síðani vóru teir á kontrolpunktinum og hava nú sett beina kós á Klaksvík. 

Gadus hevur fulla last, umleið 750 tóns. Teir hava fiska í russiskum sjógvi.

Gadus fór úr Klaksvík tann 3. mars og fiskiskapurin hevur verið rímiligur.

Havi lænt nakrar myndir frá manningini, sjá niðanfyri.

Norðoya Portalurin ynskir tykkum øllum umborð eina góða heimreisu og góða hvítusunnu.

SáH