Sera nógv skip landa til Kósini ídag og var tað ein vøkur sjón. Fýra gulllaksaskip landa, tey eru Vestmenningur og Skoraberg, Polarhav og Stjørnan. Eisini landar Kvikk, sum er komin fullfermdur úr Íslandi. Kvikk hevði yvir 200.000 pund, so lagi er bara heilt gott á Kósini í løtuni.

SáH

Tíðindaskriv;

Danska vinnulívsblaðið Børsen hevur í dag kunngjørt árliga yvirlitið yvir tryggastu bankarnar í danska kongaríkinum. Úrslitið av váðametingini hjá blaðnum og óhefta granskingarstovninum Bankresearch vísir, at Betri Banki er tryggasti bankin í kongaríkinum.

“Hårdt og ærligt bankarbejde har løftet færøske Betri Banki – tidligere Eik Bank – op som landets mest solide bank” skrivar Børsen í dag. Betri Banki deilir fyrsta plássið við Borbjerg Sparekasse.

Súni Schwartz Jacobsen, forstjóri í Betri Banka, fegnast um góða úrslitið og sigur: “Úrslitið vísir, at tað hevur verið rætt hjá okkum at hugsavna okkum um kjarnuvirksemið í bankanum og miðvíst seta kundan í miðdepilin. Vit hava í dag ein sera tryggan og góðan banka, sum allir føroyingar kunnu vera ernir av og sum kundin kann kenna seg tryggan í.” Betri Banki P/F

Tórshavn, 24. apríl 2017

​Kl. 09.00 í morgun legði Klakkur at bryggju niðanfyri N.F.C.S. og sunnanfyri liggur  Ågot og riggar til at fara aftur til fiskiskap í Grønlandi seinni ídag.

Ågot var móðurskip hjá Grønlendskum svartkalvafiskarum í Umanakfjørðinum í fjør og er ætlanin tann sama í ár og væntandi verður Ågot aftur í Føroyum til jólar.

Vit ynskja Klakk vælkomin aftur og ynskja skipara og manning á Ågot góðan túr til Grønlands.

SáH 

​Kl. 19.00 í gjárskvøldið fór Sjúraberg aftur til fiskiskap, eftir ein roktúr seinast. Tá bleiv roynt í norskum sjógvi.

Hesaferð verður farið í russiskan sjógv at royna, men einki føroyskt skip er í russiskum sjógvi júst nú, so teir vita ikki, hvussu fiskiskapurin er har í løtuni.

Tað eru 18 mans við Sjúraberg hendan túrin og skiparin er hin sami sum síðsta túr, nevnliga Ásmundur Olsen.

Norðoya Portalurin ynskir skipara og manning skjótan og góðan túr.

SáH

Seinast løgtingsval var, fingu manningarnar hjá Gadus og Sjúrabergi ikki stemma, tí teir vóru til fiskskap í Barentshavinum.

Nú einki skil er á hesari samgonguni, so er tað kanska uppá sítt pláss, at tit taka stemmuseðlar við til flotan, sum roynir í Barentshavinum, nú tit fara avstað í kvøld, so tit kunnu gera tykkara ávirkan galdandi, um val verður útskrivað í nærmastu framtíð

Hvør stemma telur og eftirsum at hendan samgongan, vil taka tykkara livibreyð frá tykkum og geva tað til onnur, so er tað av stórum týdningini, at tit stemma røttu fólkini inn, tí tað kann fáa óbøtaligan skaða fyri tykkum, sum fiska eystanfyri.

Norðoya Portalurin ynskir skipara og manning góðan túr.

SáH

Kl. 15.30  ídag fór Kvikk til fiskiskap. Leiðin gekk til Ísland og væntandi vera teir á Klaksvík aftur um góðar tvær vikur.

​Tykkum umborð verður ynskt gott fiskarí og Gleðiligar páskir.

SáH