 Føroyskt akvavitt og føroyskt vodka kom fríggjadagin tann 16. desember á hillarnar í Rúsdrekksølu Landsins. Tað er Einar’s Distillery, ið er framleiðari og er fyrsta góðkenda føroyska distillarí, og vørunar eru føroysk framleiðsla. Einar’s Akvavitt: Er kryddað við kumman, föroyskum urtum og distillerað við föroyskum vatni. Smakkurin er mildur og frískur. Hóskar væl til föroyskan mat og sum durasnapsur. Einar’s Vodka: Er framleitt úr natúrligum rávörum og distillerað við föroyskum vatni. Smakkurin er mildur og frískur. Vit hava síðani 2011 arbeitt við hesari verkætlanini, og eru fegin um at kunna bjóða føroyingum føroyskt akvavitt og vodka, meðan vit bíða eftir whisky, ið liggur og lagrar, sigur Einar Waag stjóri. Tosaði við Rúsuna í Klaksvík leygardagin og lótu tey væl at søluni av Einar's Akvavitt og Einar's vodka.. Maverick Barr selur sjálvandi eisini Einar's Akvavitt og Einar's vodka og lata kundarnir sera væl at Einar's Akvavitt, sum tey siga, so hevur Einar's Akvavitt ein mildan smakk. Vit ynskja Føroya Bjór tillukku. SáH   Tølini fyri lønargjaldingarnar fyri november mánaða eru nú tøk í Hagtalsgrunninum.
Í november vóru lønargjaldingarnar, árstíðarjavnað, 753 milliónir, ein 4% øking í mun til sama mánaða í fjør. Í oktober mánaða vóru lønargjaldingarnar 764 milliónir, sum er tað mesta útgoldið er, ein einstaka mánaða, í ár. Gongdin í trendinum í mánaðurligu lønargjaldingunum er tó framvegis fyri uppgangandi. Les meira HER Kelda: Hagstovan  Ein lítil hækking í føroysku kvotuni av toski og hýsu í norskum sjógvi
Føroyar og Noreg hava skrivað undir avtalu um sínámillum fiskirættindi fyri 2018 eftir samráðingar í Tórshavn, 4. desember. Føroysk skip hava komandi ár loyvi at fiska 4.610 tons av toski og 1.075 tons av hýsu. Talan er um eina hækking á 250 tons í mun til kvoturnar fyri 2017. Aðrar kvotur til føroysk skip í norskum sjógvi verða óbroyttar, 500 tons av upsa og 200 tons av øðrum fiskasløgum. Umframt kvotabýti fáa føroysk skip atgongd at fiska 3.755 tons av toski og 325 tons av hýsu, sum eru fingin til vega í sínámillum avtaluni millum Russland og Føroyar, í norskum sjógvi. Norsk skip fáa í 2018 loyvi at fiska 2.200 tons av longu og blálongu og 1.801 tons av brosmu í føroyskum sjógvi. Talan er um eina lítla hækking í mun til kvoturnar fyri í ár. Upsakvotan hjá norskum skipum lækkar hinvegin niður í 150 tons. Kvotan av øðrum botnfiskasløgum, sum kunnu fáast sum hjáveiða, verður óbroytt 800 tons. Eisini fáa norsk skip eina kvotu av makreli í føroyskum sjógvi upp á 5.979 tons, umframt at norsk skip hava atgongd at fiska 32.640 tons av svartkjafti í føroyskum sjógvi í 2018. Føroyska toskakvotan við Svalbard er eitt fast lutfall av heildarkvotuni av toski, sum Noreg og Russland áseta fyri Barentshavið. Í 2018 verður føroyska toskakvotan við Svalbard 1.576 tons, og er talan um eina lækking í mun til kvotuna fyri 2017. Tað vóru Ingrid Vikanes, samráðingarleiðari hjá Noregi, og Andras Kristiansen, samráðingarleiðari hjá Føroyum, sum skrivaðu undir semju um sínámillum fiskiveiðirættindi fyri 2018. JáH (y) 06.12.2017 Kelda: Løgtingið 05.12.2017  Lækkið skattatrýstið á arbeiðsinntøku, og fíggið hetta við at breiðka skattagrundarlagið. Hetta er eitt av tilmælunum, sum óhefta skattanevndin legði fram í dag.
Høvuðsboðskapurin hjá nevndini er, at føroyska skattaskipanin virkar væl á flestu økjum. Hvørki markskatturin (marginal) ella miðalskatturin eru serliga høgir í Føroyum, sammett við onnur framkomin lond. Heitið á frágreiðingini er: Lættari, rættari og grønari – uppskot til broytingar í skattaskipanini. Frágreiðingin kann heintast her: Framløgan kann heintast her: Fyrst í komandi ári fer frágreiðingin frá skattanevndini til víðari politiska viðgerð, har landsstýrið og samgongan fara at meta um, hvørji tilmæli í frágreiðingini politisk undirtøka er fyri at arbeiða víðari við og seta í verk. Landsstýrið og samgongan hava annars higartil í samgonguskeiðnum framt eina røð av skattapolitiskum átøkum. Millum hesi kunnu nevnast:
Skattapolitisk lógaruppskot, sum í løtuni eru til hoyringar ella løgd fyri Løgtingið eru hesi:
Seinast Føroyar hevði eina skattanevnd var í 1973. Hon var mannað við Jóannes Thomsen, Carl Wilhelm Weihe, Paula Ellefsen, Árna Olafsson, Árna K. Olsen og Eyðun á Rógvi. Álitið frá 1974 kann heintast her: JáH (y) 06.12.2017 Kelda: Løgtingið 05.12.2017  Hetta kann fáa negativar ávirkan á okkara búskap, at kvotirnar minka. Avtalan við Rusland bleiv undirskrivað í Tórshavn fríggjadagin 1. desember og har var aftur ein minking í kvotinum til Føroyar.
Her tíðindaskriv frá Fiskimálaráðnum: Føroyar og Russland skrivaðu fríggjadagin 1. desember undir fiskiveiðiavtalu fyri 2018, eftir at samráðingar hava verið í Tórshavn 30. november og 1. desember. Hetta var 41. fundurin í felags russisku-føroysku fiskivinnunevndini, og 27. november í ár vóru 40 ár liðin, síðani fyrsta sínámillum fiskiveiðiavtalan varð undirskrivað millum londini. Mynstrið hevur vanliga verið, at Føroyar hava latið Russlandi uppsjóvarfisk í føroyskum sjógvi afturfyri botnfisk í russiskum sjógvi, og avtalan fyri 2018 er einki undantak. Botnfiskastovnarnir í Barentshavinum eru í minking, og merkti hetta eisini avtaluna millum Føroyar og Russland fyri 2018. Føroyska toskakvotan í russiskum sjógvi verður 16.800 tons og hýsukvotan 1.680 tons í 2018. Talan er um eina lækking á 12,5 % í mun til í ár. Kvoturnar av flatfiski og rækjum verða óbroyttar, og verða tær ávikavist 900 tons og 5.000 tons. Russiska kvotan av svartkjafti í føroyskum sjógvi í 2018 verður óbroytt 81.000 tons, ímeðan ein niðurskurður er í russisku kvotunum av makreli og norðhavssild. Russiska makrelkvotan í føroyskum sjógvi verður 13.600 tons, umframt hjáveiðu av í mesta lagi 9.100 tons av sild. Russland fær eisini atgongd at fiska part av svartkjaftakvotuni í føroyskum sjógvi, sum Russlandi verður tillutað at fiska í altjóða sjógvi í 2018. Endalig semja er ikki gjørd hesum viðvíkjandi enn, og ítøkiliga nøgdin verður tí avgjørd umvegis samskifti seinni. Spurningurin um at loyva føroyskum skipum at fiska rækjur á norðaru leiðunum í russiskum sjógvi hevur verið nógv umrøddur seinastu tvey árini. Í 2017 hevur nógv samskifti verið á ráðharrastigi um málið, og glið tykist nú vera komið á. Russland tekur nú undir við, at eitt føroyskt rækjuskip kann fiska á norðaru leiðunum, eftir at londini hava havt formligt brævasamskifti hesum viðvíkjandi. Eisini er lagt upp fyri, at skipini kunnu fáa stytt sær um teinin millum tjekpunkt og fiskileið, við at heimilað verður skipunum at sigla gjøgnum altjóða sjógv. Hóast talan ikki er um loysnir, sum ganga øllum føroyskum ynskjum á møti, er talan um eitt stig rætta vegin, og er hetta at fegnast um. |
|
RSS-feed
