Hóast hækkandi játtan til rakstur av heilsuverkinum, var boðskapurin í útvarpstíðindunum í Kringvarpi Føroya sunnudagin, 29. mars kl. 14., at játtanin í 2015 og 2016 er lægri enn undanfarin ár.

Sum prógv fyri hesum, vísir Kringvarpið á uppgerð frá Hagstovu Føroya, sum verður samanborin við játtanarkarmarnar fyri 2016.

Fíggjarmálaráðið vil gera vart við, at henda samanbering er skeiv og villleiðandi.

Uppgerðin hjá Hagstovuni fevnir um samlaðu almennu heilsuútreiðslurnar, meðan játtanarkarmarnir einans fevna um landsins útreiðslur, tað vil siga, at kommunalu heilsuútreiðslurnar ikki eru við.

Les meira HER

JáH (y) 31.03.2015
Kelda: Fíggjarmálaráðið

Ársins Íverkseti í 2015 hevur gjørt eina nýskapandi vøru.“Dropbucket” er eitt frálíkt dømi um, hvussu eitt einfalt hugskot við dirvi og áræði kann setast í verk og geva íblástur til onnur at seta nýtt virksemi í gongd.

Les meira HER

JáH (y) 30.03.2015

Kelda: Løgmansskrivstovan

Nú Elding hevur 20 ára føðingardag, so eru tilboðini nógv hjá teimum - og kl. 10.00 í morgun byrjaði so tilboðini (sjá meira tilboð frá Elding HER) og vóru tað sera nógv fólk uttanfyri Elding, sum vildu nýta høvið at keypa sær okkurt gott.

Tað er avmarkað nøgd av teim flestu vørunum, so tað er at skunda sær, um tær manglar eitt t.d. bíligt sjónvarp.

JáH (y) 26.03.2015

Tiltakið verður í Norðurlandahúsinum tann 9. apríl frá kl. 09:00 - 16:00.

Aftur í ár fer megnar tiltakið Ársins Søludagur av bakkastokki í framúr góðum karmum við lekrum mati og dugnaligum og undirhaldandi fyrilestrahaldarum.

Tiltakið er egna til øll, ið arbeiða ella hava áhuga innan sølu-, tænastu- og marknaðarførings faki. So óansæð, um tú arbeiður við kundum face-to-face, tlf. ella telduposti, so fært tú íblástur og konkret amboð til at nýta, júst til tín tørv. Import, export, business ella consumer kundar - ja, tiltakið er eins væl egna til krambakvinnuna, frisørin, sølustjóran, virtuella marknaðarleiðaran osv.

So ynskir tú at gerast enn betur til sølu og fáa nøgdar og afturvendandi kundar? So er hetta tiltakið júst nakað fyri teg.

Kostnaður (við frokost): 1.695,-  

Sí meira og skráset teg her: Søludagur 2015