Yvirskriftin í Sosialinum mikudagin tann 27. august varð: "Fiskað fyri eina milliard: Null krónur í skatti" har skrivarin Marjun Dalsgaard samanber skipið Næraberg við skipini Finnur Fríða, Tróndur í Gøtu og Norðborg.

Greinin skrivar um partafelagsskattin hjá Næraberg, sum er null krónur og ikki um hvussu nógv tey 32 - 34 fólkini umborð hava goldið í skatti um árið.

Greinin hevur bert eitt endamál, eftir mínum tykki og tað er at skaða Hanus Hansen. Eisini haldi eg at greinin luktar av tí, sum mangir føroyingar lýða av: nevniliga øvundsjúku.

Greinin nevnir lítið og onki um, at undir Hanus Hansen arbeiða áleið 700 føroyingar og skal undirritað taka seg sjálvan sum dømið, so tjendi eg áleið 600 - 700.000,00 umborð á Næraberg í 2010/2011 og betalti eg allan skattin í Føroyum. Og tekur tú eina miðal ársinntøku uppá 250.000,00 kr og faldar hetta við 700, so gevur tað eitt úrslit uppá góðar 175.000.000,00 kr og í skattapeningi (35%) gevur hetta Landskassanum góðar 61 milliónir krónir um árið. 

Tað eru mong fólk í Norðoyggjum, sum eru sera takksom fyri tað arbeiðið, sum Hanus Hansen hevur gjørt fyri Norðoyggjar - inkl. eg sjálvur. Uttan Hanus Hansen, so hevði eg ongantíð havt møguleikan, at silgt við heimsins besta skipið, saman við heimsins bestu manning, nemliga Næraberg. Kanska sær skipið ikki so væl út uttan, men tað skipið hevur so sanniliga eisini eina sál - sum eg mangan leingist eftir.

Hanus Hansen stendur eisini aftanfyri Kósuni, har mong arbeiða - sum kanska høvdu verið í ALS, um tað ikki varð fyri hann. At bert at fara eftir einum manni við einum endamálið fyri at skaða hann - gevur onga meining. Fyri at málað eina mynd, so mást tú brúka alskyns farvur ikki bert tí svørtu. 15 skip hoyra til JFK Trol og áleið 700 fólk hava arbeiðið, grunda av Hanus Hansen og mær vitandi, so gjalda øll hesu fólkini skatt í Føroyum, so kanska tað hevði verið uppá sítt pláss - at Sosialurin eisini roknaði út, hvussu nógvan skattapening Hanus Hansen hevur forvunnið føroyingum og Føroya landi.

Eg vil persónliga takka JFK Trol og Hanus Hansen fyri tíðina umborð á Næraberg í 2010/2011 og eisini vil eg nýta høvið, at biðja fjølmiðlar kring Føroya land, at fara væl um okkara sjófólk, sum vit hava eftir. Uttan okkara sjómenn og reiðarar, sum dagliga stríðast fyri okkara land, so høvdu vit ikki megna stríðið ímóti fátækadøminum.

JáH (y) 29.08.2014

Havi altíð sagt tað. Skáltafrensarnir eru nakað serligt.

Skiparin á hesum risa bingjuskipinum Mary Mærsk, sum fyri stuttari tíð síðani, hevur sligið verðinsrekord, er nevnliga Klaksvíkingurin Thorvald Hansen. Onki annað skip hevur havt so nógvar bingjur við ímillum Europa og Asien, heili 17.603 bingjur.

A new world record was set recently when one of our Triple-E vessels carried the
highest ever number of containers between Europe and Asia:

Les alla greinina her og síggj filmsklippi, klikk link her: http://maersklinesocial.com/mary-maersk-sails-from-algericas-with-17603-teus-sets-a-world-record/?sf30040519=1 Vit ynskja Thorvaldi við manning, stórt tillukku.

SáH

Í gjárskvøldið beint fyri kl. 18.00 fór Klakkur nýggjan túr.

Klakkur hevur gjørt nakrar umvælingar tað seinasta tíðina, eftir at teir komu við fullari last til Klaksvíkar tann 23. juli úr Eystur Grønlandi. Sostatt hava teir næstan ligið ein mánað við bryggju.

Ætlanin er at royna undir Føroyum hendan túrin.

SáH

Nógv fólk vóru og søgdu Gadus farvæl ímorgun, mest familja og vinir. Her nógvar myndir av fráferðingini hjá Gadus.

SáH

Ein stoltir skipari við lítla Ólavur í føvninginum á kajuni ímorgun.
 
Vit lata myndirnar tala fyri seg og ynskja gamla Ólavi við manning ein skjótan og góðan túr.

SáH

Trolarin Gadus hevur ikki ligið leingi við kaj hesuferð. Teir komu til Klaksvíkar tann 13. august og eri nú longu áveg aftur til Barentshavið.

Skiparin hendan túrin er Ólavur Biskopstø og hann var ein stoltir skipari, nú abbasonurin Ólavur segði honum farvæl á kajuni, les meira arðrastaðni á Portalinum.

Vit ynskja manning og skipara ein góðan og skjótan túr.

SáH

Klokkan 12.45 kom Gadus spakuliga siglandi inneftir Vánna, eftir at teir hava verið eystanfyri og fiska, tað mesta í norskum sjógvi.

Gadus hevur fulla last, góð 770 tons.

Nógv fólk tóku ímóti Gadus, nú teir hava verið burtur síðani 7. juni.

Skipari á hesum túrinum var Brandur Joensen.

Væntandi ferð Gadus aftur túr um góða viku ella kanska teir fáa Sjómannadagin við, sum verður næsta vikuskiftið.

 Vælkomnir heim.


SáH