​Tey, sum selja fisk til USA, skulu prógva, at onnur djór ikki eru fyribeind í sambandi við fiskiskapin ella alingina.

Føroyar selja fyrst og fremst aldan laks til USA.

Okkurt um ein fjórðingur av laksinum fer tann vegin. Men alarar í Føroyum skjóta viðhvørt kóp, sum amast upp á alibrúkini.

Og tað vilja amerikanarar ikki.

Hoyr samrøðu við Niels Winther HER

JáH (y) 30.03.2018
Kelda: KVF

​Meðan Suðuroyar sýsla skilir seg burturúr við tí størsta arbeiðsloysinum, er ikki so stórur munur millum allar hinar sýslurnar:

- Minst er tað í Vágum við 1,4%, í Norðoya sýslu við 1,7% og Norðstreymi og Sandoyar sýslu við 1,8%.

- So er eitt lop upp til Suðurstreym við 2,4% og Eysturoyar sýslu við 2,3%.

- Nógv størst er arbeiðsloysið í Suðuroy við 4,0%, men tað er kortini ein munandi lækking frá undanfarnu mánaðum, frá tí tað var hægst síðsta summar við 6%.  

Í flestu sýslum er arbeiðsloysið munandi hægri hjá kvinnum enn hjá monnum, uttan í Vága og Sandoyar sýslum, har tað er eitt vet hægri hjá monnum. Í hesum báðum sýslum er eisini minsti munur millum kynini.

Lægsta arbeiðsloysið yvirhøvur er hjá monnum í Norðoyggjum, har tað bert er 1,2%, og hinvegin er tað hægsta hjá kvinnum í Suðuroy við 5,0%.

JáH (y) 29.03.2018
Kelda: Hagstovan

Síðan tí nógv umtalaðu data skandaluna, so er virði á Facebook fallið munandi og rokna er við, at Facebook hevur mist góðar 480 milliardir uppá skandaluna, veit CNN at siga frá.

Sjálvur hevur eigarin av Mark Zuckerbert mist góðar 84 milliardir uppá skandaluna - har fleiri og fleiri stórar fyritøkur hava trekt seg úr Facebook.

Cambridge Analytica verður nú kannað av løgregluni - har teir fingið atgongd til data frá 50 milliónir óvitandi amerikonskum brúkararum - sum síðan varð brúkt til at vinna valið í 2016.

JáH (y) 28.032.018

Norðoya Portalurin var og vitjaði Summardáina fyri løtu síðani og var gott lag á Signy.

Summardáin hevur spíla seg ordiliga út til Páskir og nógv áhugavert var at keypa.

Sjálvandi vóru eisini páskalinjurnar at fáa og tað bleiv nógv selt av teimum segði Signy.

Her nakrar páskaligar myndir frá stóra úrvalinum hjá Summardáini, sjá niðanfyri.

​SáH

Fyri løtu síðani legði Ågot at við vesturbryggjuni niðanfyri N.F.C.S.

Teir hava roynt í føroyskum sjógvi og hava umleið 150 tons.

Tað eru 12 mans við Ågot.

Nú Páskir eru fyri framman, verður Ågot væntandi liggjandi og ferð túr aftur  beint eftir eftir Páskir.

SáH

IRF boðar frá á síni heimasíðu, at í vikuni verða nýggj rull við gráum ruskposum frá IRF borin út til øll húsarhald. Men vegna feilir á prentstaðnum stendur “grái virkisposin” á øllum hesum posum, umframt at einans 10 posar eru í rullinum.

Vanlig húsarhald verða biðin um at nýta hesar posar, til nýggir posar við rættari áskrift verða bornir út.

Les kunningina, klikk her "Hevur tú fingið øðrvísi gráar posar hesaferð".

Kelda: www.klaksvik.fo

SáH

Í løtuni eru fleiri stór skip á Klaksvík.

Við vestur bryggjuna liggja Gadus, Slættaberg og Norðborg og hinmegin vánna liggur Tummas T, sum gerð nakrar umvælingar á Klaksvíkar Sleipistøð.

Húgaligt at síggja og nú fleiri Strandferðsluskip liggja still vegna veður, so fór Sam til Kalsoynna við og eftir ferðafólkum.

​SáH

Í dag, hósdagin 15. mars kl. 14, letur Føroya Grótvirki upp sum partur av altjóða netverkinum ECONOMUSÉE. Hetta er úrslit av tilgongd seinastu trý árini í verkætlanini Economusée Craft Reach. 

Undir heitinum Economusée - Føroya Grótvirki, hevur virkið fingið eitt eyka bein at standa á, ið er ferðavinnan. Sum virkin partur av altjóða Economusée netverkinum fær virkið eisini leiklutin at styrkja og stuðla undir, at siðbundið handverk ikki hvørvur og harvið tann kunnleikin, ið er borin úr hond í hond í øldir. 

Les meira HER

JáH (y) 15.03.2018
Kelda: Fróðskaparsetur Føroya

​Høgni Hoydal, landsstýrismaður, hevur gjørt av at seta Eilif Gaard sum stjóra á Havstovuni. Starvið er tíðaravmarkað í 5 ár fram til 1. apríl 2023 við møguligari leingjan í upp til 3 ár.

Eilif Gaard hevur seinastu 8 árini røkt starvið sum stjóri á Havstovuni. Eilif er 60 ára gamal og hevur verið í starvi á Havstovuni, síðani hann í 1986 tók prógv í lívfrøði (Cand. Scient.) frá lærdum háskúla.  Í 2001 varð hann tilnevndur doktari (Dr. Philos.) innan somu yrkisgrein á universitetinum í Tromsø.

Starvið sum stjóri á Havstovuni  varð lýst leyst í januar í 2018. Tríggjar umsóknir vóru til starvið.

JáH (y) 15.03.2018
Kelda: Løgtingið

Klokkan 7.50 rundaði Gadus Klakkin og sigldu spakuliga inn eftir Vágni.

Teir koma fullfermdur frá Barentshavinum og hava umleið 750 tons av flaki.

Veiðan verður løgd upp í Klaksvík.

Skiparin hendan túrin var John Fugloy.

Vit ynskja skipara og manning vælkomin heim.

​SáH