Tíðindaskriv:

Entreprenørfelagið Kreton í Norðragøtu víðkar um sítt virksemi og fer inn á asfalt-marknaðin. Umframt Landsverk eru fáir aktørar á hesum arbeiðsøkinum í Føroyum, og tí hevur fyritøkan júst gjørt stórar íløgur í nýggja útgerð til asfalt-arbeiði.

- Av tí at vit longu hava lastbilar, flutningsamboð og fleiri fólk í starvi, var tað upplagt hjá okkum eisini at bjóða okkum fram til asfalt-arbeiði, sigur Eyðun Magnussen, stjóri í Kreton.

Nýggja útgerðin kom til landið í gjár, so nú er klárt hjá fyritøkuni í Norðragøtu at fara í gongd við asfalt-arbeiði. Talan er um útleggjarar, trumlir og onnur amboð, sum skulu til fyri at asfaltera vegir, parkeringspláss, tún o.a.

Fyri Kreton er hetta ein týðandi broyting, tí nú fer felagið frá at vera undirveitari til at vera heildarveitari til kommunur, fyritøkur og stovnar kring landið.

Berlingske Business hevur eina grein um Laksakongin og milliardingin Regin Jacobsen í blaðnum mánadagin tann 14. apríl, les grein her "Laksakonge og milliardær: "det er gået meget godt"

SáH

Hetta skrivar KSS á Facebook:
​Vit á Klaksvíkar Sleipistøð merkja stóran áhuga fyri hvussu
IBERCISA el-spølini, ið vit hava levera til Ruth HG 264, roynast
nú skipi verðuligani er fari til fiskarí... 
Vit kunnu fegnast um at afturmeldingarnar eru sera góðar - 
her er ein grein úr Norska Kystmagasinet, klikk her:  "Ruth - Danmarks nyeste flaggskip"

​SáH

Aftur í fyrsta ársfjórðingi í ár tóku lønargjaldingarnar seg upp um 2 milliardir. Hetta er bert hent eina ferð áður, nevnliga í fjórða ársfjórðingi í fjør. Tilsamans vóru árstíðarjavnaðu lønirnar 2.124 milliónir kr. fyrsta ársfjórðingin í ár, tað eru 29 mió. kr. ella 1,4% meira enn undanfarna ársfjórðingin. Samanborið við fyrsta ársfjórðing í fjør eru lønargjaldingarnar nú 176 mió. kr. ella 9% hægri.  

Les meira HER

JáH (y) 12.04.2016
Kelda: Hagstovan

​​ Ågot er farin at sigla heim.

Ågot hevur uml. 155 tons av avhøvdanum,  frystari Longu og Brosmu.

Ågot hevur roynt síðani 5 mars. Teir eru 11 mans. Mest ungir menn, tann elsti er 44 og tann yngsti 16 ár.

Norðoya Portalurin ynskir teimum eina góða heimreisu.

​SáH

Kristina Háfoss, landsstýriskvinna, leggur í dag uppskot um játtanarkarmar fyri árini 2017-2021 fyri Løgtingið. Karmarnir leggja fíggjarpolitisku kósina hjá samgonguni fyri næstu 5 árini.

Landsstýrið ætlar komandi árini at reka ein fíggjar- og búskaparpolitikk, ið stimbrar virðisøking, vinnumenning, fólkavøkstur umframt vaksandi sjálvbjargni og vælferð í Føroyum. Tað er greitt, nú landsstýriskvinnan í fíggjarmálum hevur lagt játtanarkarmarnar fyri árini 2017-2021 fram á tíðindafundi fyrrapartin.

Landið hevur havt hall síðani 2008, men í ár verður væntandi eitt lítið avlop. Landsstýrið ætlar at hava vaksandi avlop fram til 2021. Í játtanarkørmunum fyri 2017 verður eftir ætlan eitt avlop á 50 mió. kr., íroknað løguútreiðslur á 280 mió. kr. Sostatt væntast rakstrarúrslitið uttan løgur at gerast 330 mió. kr. í 2017. Rakstrarútreiðslurnar verða mettar til 4.462 mió. kr., ið er ein varligur vøkstur á 1,8% (íroknað sáttmálabundnan lønarvøkstur) í mun til fíggjarlógina fyri 2016. Inntøkurnar verða mettar til 4.792 mió. kr. Árini 2018-2021 væntast avlop á landsins fíggjarlóg millum 109 og 239 mió. kr.

Tað gongur væl í føroyska búskapinum í løtuni. Kortini eru fíggjarpolitisku avbjóðingarnar hjá landinum stórar. Undanfarnu átta árini hevur landið samanlagt havt hall á omanfyri 3 mia. kr., hóast stórur vøkstur hevur verið í búskapinum seinastu árini og arbeiðsloysið er lágt. Men í ár kann roknast við avlopi hjá landinum. Metingar hjá Búskaparráðnum og Fíggjarmálaráðnum vísa tó, at roknast kann við, at almenni búskapurin í framtíðini verður undir trýsti, millum annað tí fólkasamansetingin broytist. Nýskipanir og átøk, ið tryggja varandi fólkavøkstur og størri virðisøking eru tí av avgerandi týdningi fyri at tryggja fíggjarliga haldføri landsins.

Kristina Háfoss, landsstýriskvinna, sigur: “Fíggjar- og búskaparpolitikkurin komandi árini setur kós móti einum sjálvbjargnum búskapi við vøkstri, vælferð og varsemi. Vit kunnu fegnast um, at vit eru í búskaparligum góðum tíðum, hava lágt arbeiðsloysi og tilflyting er aftur til landið. Men vit vita, at okkara búskapur er viðbrekin, og at tað er neyðugt í góðum tíðum at leggja upp fyri verri tíðum. Vit reka tí ein varligan fíggjarpolitikk, samstundis sum vit fremja fleiri átøk, ið fara at skapa størri virðisøking, vælferðarmenning og stimbra varandi fólkavøkstur. Við hesari kós tryggja vit einar sjálvbjargnar, samhaldsfastar og tíðarhóskandi Føroyar.”

Játtanarkarmar
Uppskot til samtyktar
Framløga

Kelda: Løgtingið