Í alrafagrasta veðrið kom Sjúrðaberg sigldandi inn eftir vágni.

Nakað av fólki vóru og tóku ímóti, tá ið Sjúrðaberg kom aftur av roktúri í morgun kl. 07.30 og legði at við bryggjuna hjá N.F.C.S., har veiðan eisini skal leggjast upp.

Túrurin tók akkurát ein mánað, Sjúrðaberg fór avstað tann 28. mai og kom aftur 28. juni. Teir hava skít fult skip 750 tons og hava teir roynt í russiskum sjógvi.

Skiparin hendan túrin var Ásmundur Olsen.

Vælkomin heim og vónandi sleppa til at fiska eisini næsta ár, sjálvt um Tjóðveldi vil nakað annað.

SáH

Kl. 15.15 ídag legði Kvikk frá landi og er leiðin sett til Eystur-Grønland

Kvikk kom aftur av túrið hósdagin tann 15. juni, har teir høvdu 140.000 pund og nú eru teir longu farnir avstað aftur.

Vit ynskja skipara og manning góðan túr.

SáH

Samandráttur:
Línuskip:  Tað eru tvey ísfiskalínuskip, sum fiska við Grønland. Tey fiska mest tosk. Vit vantað at bæði koma at landa fyrst ella miðskeiðis í vikuni. Eitt ísfiskalínuskip er við Ísland, men landar neyvan í vikuni. Eitt frystilínuskip er eisini við Ísland. Undir Føroyum eru bara tvey línuskip til fiskarí. Eitt er á svartkalvaveiðu og landar helst miðskeiðis í vikuni. Hitt fiskar longu, men landar neyvan í vikuni. Nøkur línuskip fara helst út í næstum. 

Útróður: Streymurin er góður, men harðnar út á vikuna. Veðri verður  gott, so umstøðurnar skuldi verði rímuligar til útróður. Men tað er ring fiskitíð hjá útróðrabátunum, so tí eru ikki so nógvir bátar, sum rógva út fyri tíðina. 

Djúpvatnstrolarar: Allir liggja við bryggju, men fara helst út í næstum. 

Partrolarar: Teir flestu eru til fiskarí. Fiskiskapurin er brúkiligur. Fáa lítið og einki av hjáveiðu.  Partrolarnir koma inn sum vikan líður. Trý pør fiska gulllaks. 

Trolbátar:  Tríggjir eru á landleiðini og koma allir at landa mánadagin. Teir hava ein blanding av toski, hýsu, havtasku, tungu og reyðsprøku. Hinir trolbátarnir fara helst út um vikuskiftið. 

Garnaskip: Eitt fiskar svartkalva, og kemur helst at landa síðst í vikuni, brúkiligt fiskarí. Eitt fiskar havtasku. Eitt er farið á beding.

Kelda: www.fmf.fo

​SáH

Samandráttur: Línuskip:  Tað eru fimm ísfiskalínuskip, sum fiska við Grønland. Tey fiska mest tosk. Vit vantað trý koma at landa miðskeiðis ella síðst í vikuni, meðan hini bæði neyvan landa í vikuni. Tvey ísfiskalínuskip eru við Ísland. Tey koma at landa miðskeiðis í vikuni. Tey hava ein blanding av toski, longu, brosmu og hýsu. Tvey frystilínuskip eru eisini við Ísland. Undir Føroum er bara eitt línuskip til fiskarí. Tað er á svartkalvaveiðu og landar helst síðst í vikuni. Okkurt av línuskipunum, sum liggja við bryggju, fara út í næstum. 

Útróður: Streymurin verður góður og veðri verður eisini gott, so umstøðurnar skuldi verði tilvildar fyri útróðri. Men tað er ring fiskitíð hjá útróðrabátunum, so tí eru ikki so nógvir bátar, sum rógva út fyri tíðina. 

Djúpvatnstrolarar: Tríggjir fiska upsa og koma møguliga at landa síðst í vikuni.  Ein fiskar blálongu og stinglaks og ein frystitrolari er farin til Eysturgrønlands at fiska svartkalva. 

Partrolarar: Teir flestu eru til fiskarí.Fiskiskapurin hevur verði góður eftir upsa, men er minkaður nakað nú. Fáa lítið av hjáveiðu.  Partrolarnir koma inn sum vikan líður. Trý pør fiska gulllaks. 

Trolbátar:  Tríggjir eru norðanfyri og fiska tosk og hýsu og nakað av upsa. Eisini fáa teir nakað av flatfiski. Landað miðskeiðis ella síðst í vikuni. Tveir eru á landleiðini. Annar landar mánadagin, meðan hin landar síðst í vikuni. Tveir trolbárafara helst út um vikuskiftið, antin á landleiðini ella norðum at fiska tosk og hýsu. 

Garnaskip: Tvey fiska svartkalva, og koma helst bæði at landa síðst í vikuni, brúkiligt fiskarí. Eitt fiskar havtasku. 

Kelda: www.fmf.fo

SáH

Jákup B fór at sigla heim mánadagin og kl. 10.30 legði hann at bryggjuni niðanfyri fyri N.F.C.S., har hann leggur veiðuna upp.

Jákup B hevur roynt í Eystur Grønlandi og var fiskiskapurin góður og hava teir mestsum fulla last, umleið 200.000 pund, har næstan alt er toskur. Samanlagt 1661 kassar og har besti dagurin var 342 kassar. 

61.170 blivu seld via uppboðssøluna hjá FMF og var miðalprísurin 14.89 og samlaða sølan var 925.586,50 kr.

Annbjørg S. á Høvdanum var við á hesum túrinum og gjørdi hon kanningar, ísamband við hennara granskingarprojekt, men eisini hjálpi hon til, tá ið teir rokaðust og tá var hon í Galluni og gjørdi mat til manningina. Hon lat væl at túrinum og tá ið eg tosaði við manningina í morgun, vóru teir stak væl nøgdir við Annbjørg og hava teir longu bjóða henni kjans í summarferiu, har hon kann vera kokkur umborð.

SáH