​Hósdagin í farnu viku varð nýtt navn og búmerki fyri Mentanarhøllina á Eiði kunngjørt. Nú eitur høllin Kolshøll.

Forkvinnan í trivnaðarnevndini Fríða Jóinsdóttir Joensen kunngjørdi vinnaran fyri fullsettari høll. Nevndin metti, at navnið var sera hóskandi, tá ið hugsað verður um nærumhvørvið. Hetta var ein av orsøkunum til, at tey valdu júst hetta navnið og búmerkið.

Vinnandi uppskotið átti Johan M. Thorsteinsson. Hann var sera errin, tá ið hann trein fram fyri fjøldini og nýtti høvið at takka fyri álitið og siga nøkur orð um búmerkið.

Búmerkið hevur fýra eyðkenni. Ovari trýhyrningurin ímyndar ein koll. Umhvarvið av rútskapaða rætthyrninginum ímyndar ein glugga. Ljósu linjurnar ímynda vesturskinið og kastljós (spotlight) . Eisini eru áskoðarapallur og trin ímyndaði.

​Fundarfólkið tyktist taka væl ímóti nýggja navninum og búmerkinum.

Eiðis Kommuna

Hjá KSS hava vit útgerð til at taka pelatrekk á skipum. Vit hava eitt sonevnt Dynamometur, ið klárar heili 200 tons! Norðhavnin er sera væl egnað til hetta, og pullartarnir har eru ivaleysa stórir til hesa uppgávu. 

Tá pelatrekk verður tikið, skal skipið liggja beint uttan at brúka róðrið, so sleipibáturin ”Tjørnunes” er altíð við í hesi uppgávu.

Um tú vilt hava meir at vita um hetta, ert tú altíð vælkomin at seta teg í samband við okkum.

At KSS we have the equipment to conduct bollard pulls on ships. We have a Dynamometer that can go as high as 200 tonnes! The quayside at Norðhavnin is a good location for this, equipped with large bollards. 

When the bollard pull is carried out, the vessel needs to lay straight without using the rudder, so the tugboat “Tjørnunes” is always a part of the task.

If you would like to know more about this, please do not hesitate to contact us.

Fleiri myndir, klikk á link KSS

KSS - Klaksvíkar Sleipistøð

Magnus Rasmussen, landsstýrismaður, og Annika Sølvará, stjóri í Granskingarráðnum, skrivaðu í gjár undir avtalu um at umsita stuðul til gransking í arbeiðsmarknaðarviðurskiftum.

Við broytingini í frítíðarlógini í vár er gjørt av at avtaka Frítíðargrunnin, og fæ grunsins, ið er 10 milliónir kr. verður, saman við møguligum rakstraravlopi, flutt Granskingarráðnum at umsita.

Peningurin skal brúkast til gransking í arbeiðsmarknaðarviðurskiftum sambært reglugerð, sum landsstýrismaðurin hevur gjørt.

Stuðulin er ætlaður verkætlanum, sum fara at gagna arbeiðsmarknaðinum frameftir. Tað kann bæði vera gransking, sum fevnir um allan arbeiðsmarknaðin, og um gransking sum hevur serligan týdning fyri starvsfólk í ávísum vinnum ella á ávísum starvsøkjum.

Granskingarráðið fegnast um, at umstøðurnar at granska í arbeiðsmarknaðarviðurskiftum við hesum verða munandi betri. Higartil hevur ikki verið granskað nógv á hesum øki í Føroyum, men tað verður nú broytt.

Granskingarráðið fer nú undir tosa við partarnar á arbeiðsmarknaðinum og síðani at fyrireika lýsing eftir umsóknum.

Avtalan kann takast niður her og reglugerðin um stuðulin her

Umhvørvis- og vinnumálaráðið

Landsstýrismaðurin í fiskivinnumálum hevur lýst kunngerð, sum broytir skipanina í fiskiskapi eftir hummara soleiðis, at nú kunnu bátar, ið ikki hava hummaraloyvi, aftur fiska hummara til húsbrúks.

Frammanundan var treyt fyri at fiska hummara, at tú hevði hummaraloyvi – eisini um bert varð fiskað til húsbrúks. Henda treyt kom í regluverkið fyri góðum tveimum árum síðani, eftir at vinnuligu hummarabátarnir høvdu gjørt vart við, at teir kendu seg darvaðar av vaksandi og óskipaðari veiðu til húsbrúks.

Men henda broyting rakti tey, sum av og á settu nakrar rúsir fyri at fáa sær eitt kók av hummara, og sum ikki høvdu hummaraloyvi.

Við kunngerðini, sum nú er lýst, er serlig skipan gjørd, so tað aftur ber til at fiska hummara til húsbrúks uttan at hava hummaraloyvi ella annað fiskiloyvi frá Vørn. Loyvt er tó ikki at avreiða ella á annan hátt selja fongin.

Í veiðu til húsbrúks er loyvt at hava í mesta lagi 15 rúsur standandi í sjónum í senn. Annars galda somu teknisku reglur um reiðskap, merking av reiðskapi, minstamát á hummara o.a., sum eru í vinnuliga fiskiskapinum.

Gerast skal vart við, at broytingin fevnir ikki um økini sunnan fyri Streymin í Sundalagnum, á Kollafirði, á Skálafirði, á Kaldbaksfirði, á Tangafirði og á Funningsfirði. Á hesum økjum er  framvegis bert loyvi at fiska hummara, um tú hevur vinnuligt hummaraloyvi sambært kunngerðini um vinnuligan fiskiskap eftir hummara. Hetta eru tey økini, har mesta vinnuliga hummaraveiðan er.

Landsstýrismaðurin fer at fylgja væl við, hvussu nýggja skipanin við hummaraveiðu til húsbrúks fer at roynast, og um tørvur verður á, at reglurnar verða endurmettar.

Kunngerðin um fiskiskap eftir hummara til húsbrúks kann lesast her.

Fiskimálaráðið