1. februar byrjið eg í nýggjum starvi, har eg farið at stjórna Handilsvirkið Niclasen í Sørvági.

Tað verður ein spennandi uppgáva.  Havi verið har Vesturi og heilsa uppá arbeiðsfólkini og vóru øll stak fitt og fyrikomandi.

Ímorgin tann 1. feburar verður so mín fyrsti arbeiðsdagur og hava tit hug til ein kaffimunn og eitt prát, so eru tit øll vælkomin til tess, sjá niðanfyri

Handilsvirkið Niclasen er ein gamal handil, við royndum arbeiðsfólkum,  so tað er at byggja uppá teirra royndir og so taka mína vitan innan byggivinnuna og handilslívið, sum hava nøkur ár á baki og so royna í felag , at fáa Handilsvirkið Niclasen uppá eitt enn hægri støðið, har tænastan og kappingarførir prísir vera sett í hásætið. 

Arbeiðsvikan hjá mær verður hendan: Mánadag - týsdag 08.00 - 16.00 í Sørvági. Mikudag 10.00 - 17.30 í Klaksvík. Hósdag og fríggjadag 08.00 - 16.00 í Sørvági. Annars fáa tit altíð fatur á mær á telefon 273200 frá kl. 05.00 á morgni til kl. 19.00 á kvøldið.

SáH

Faroe Agency, ið frammanundan eigur og rekur sleipibátin Maria, hevur fingið ein sleipibát afturat í flotan. Fríggjadagin 29. januar kl. 15 skipar felagið fyri móttøku á Bursatanga. Á móttøkuni verður nýggi sleipibáturin navngivin..

 
Á móttøkuni verður høvi at fara umborð á bátin at síggja hann. Eisini eru talur og okkurt gott til góman á skránni.

Nýggi báturin er, eins og Maria, smíðaður í Turkalandi. 
Móttøkan verður samstundis eitt hátíðarhald fyri, at Faroe Agency nú flytir í egin høli Yviri við Strond 23, tað eru húsini har Samskip frammanundan hava havt skrivstovu.

Móttøkan er á Bursatanga fríggjadagin 29. januar frá klokkan 15-17. Øll eru hjartaliga vælkomin.

SáH

Tað koyrir bara hjá Facebook - tí ífjør høvdu Facebook góðar 18 milliardir í umsetningi og samanlíkna vit tað so við árið 2014 - so hevði Facebook góðar 10 milliardir í umsetningi tá.

So har gongur bara upp eftir hjá Facebook og seinastu tølini hjá Twitter vísa, at har gongur einans niður eftir.

Eigari av Facebook, Mark Zuckerberg segði annars herfyri, at hann fór at geva 316 milliardir krónir til vælgerandi endamál, so at dóttir hansara kann upplivað eitt betri stað at liva í.

Les eisini: 316 milliardir til vælgerandi endamál!

JáH (y) 28.01.2016

Bilframleiðarin Toyota kann enn reypa sær av, at teir selja mest bilar í heiminum. Teir hava júst kunngjørt at ífjør seldu teir 10,15 milliónir.

Í hølunum á teimum er so Volkswagen og General Motors.

JáH (y) 27.01.2016

BNP gjaldoyra fall í Russlandi ífjør við 3,7 prosentum og er tað grunda av oljuprísirnir kring knøttin follu sera nógv ífjør.

Hetta hevur stóra ávirkan á Russland, tí roknast kann við, at túsundvís av øðrum menniskjum fara har um leiðir at missa arbeiðið - orsaka av hesum.

JáH (y) 25.01.2016

Fyritøkan Google fer at gjalda eina eykarokning, sum tey hava fingið í skatt frá bretum og fer at gjalda heili 1,27 milliardir í skatt, sum Bretland hevur rokna út, at teir skylda har.

Google hevur nú lagt kortini á borði og betalur uttan hóvastak tí risastóru rokningina.

JáH (y) 23.01.2016

Tað er ikki á hvørjum degi, at man sær allar kajirnar í Klaksvík eru tómar fyri skipum.

Ongin skip við kósabrúnna, ongin við Klaksvíkar Sleipistøð og Bedingina, ongin við Stangabrúnna, ongin við stóru kaj og á Vestari bryggju liggur eitt.

Veðrið er av tí allerbesta og streymurin er sera góðir, so øll skipini eru úti og fiska. Spennandi verður at vita, hvussu nógv okkara skip hava fingið, nú tey fara at koma inn at landa teir komandi dagarnar og kajirnar runt Klaksvíkingina byrja at fyllast aftur við skipum.

Tit eru vælkomin at koma við nýggjheitinum fyrst til okkum á Norðoya Portalinum, meyla tíðindini inn á klips.fo@live.dk ella smsá á tlf. 273200.

Gott fiskarí allir samlir.

​Myndirnar tiknar tann 20.01.2016 kl. 05.15
SáH

​

Tað hevur gingið gott hjá Gadus higartil og ídag hava teir fingið 200 tons í lastina.

Hetta skrivar Markus í Norðnástovu á sínum Facebook vanga ímorgun:

Ís Ís, vit gloymdu 100 tons ísin og ótu hann 2 dagar ov seint, men nu eru 200 tons innanborða og ísur 2 verðuleiki 😊😊 Eg vil bara takka Harranum fyri góðan fong og varveislu a hesum túri, og ynskja øllum Føroya folki, á sjogvi sum á landi ein vælsignaðan sunnudag.

Onnur skip, sum hava hug at lata frættað frá sær, eru vælkomin at senda mær ein meyl á klips.fo@live.dk Vit øll heima er sera áhugaði at vita, hvussu gongst hjá tykkum øllum runt verðina og sjálvandi eisini á heimaleiðum. Gott fiskarí til tykkum allar.

SáH

​​Vistfrøði í Á

Innkeypið hjá nógvum kundum hevur broytt seg tey seinastu árini. Hægri krøv verða sett til einstøku vøruna, og man vil gjarna vita hvat tað veruliga er fyri ein vøra man keypir, og samstundis hava fleiri fólk eina meining viðvíkjandi umhvørvinum rundan um okkum. 

Tí hava Á handlarnir gjørt av at hava vørur frá Grøn Balance í vøruskránni.
Grøn Balance vørurnar hava høga góðsku, og úrvalið er umhvørvisvinarligt og vistfrøðiligt.
Fólkini handan Grøn Balance seriuna arbeiða miðvíst við at menna nýggjar vørur á ein skynsaman hátt, alt frá mati til reingerð.

Vøruúrvalið økist alsamt, og taka Á handlarnir fleiri nýggjar vørur inn, sum tíðin gongur og eftirspurningurin økist.

Vælkomin í tín Á handil

Á reklamublaðnum í vika 2 hjá Á handlunum, eru fleiri vistfrøðiligar vørur uppá tilboð. Klikk her "Vika 2"

Ynskja aðrir handlar á Norðoya Portalin við teirra vørum og møguliga einari lýsing, send meyl til Símun á Høvdanum, klips.fo@live.dk

​​SáH

Símun á Høvdanum, sum er bróðir til undirritaða boðar á sínari Facebook síðu, at hann fer aftur at vera stjóri á einum Timburhandli.

Símun á Høvdanum hevur drúgvar royndir innan timbursølu og hevur eisini verið ein sølumaður alt sítt lív. Umframt at hann hevur rikið Klaksvíkar Timburhandil, so hevur Símun á Høvdanum eisini rikið Norðoya Portal tað seinasta árið, har hann eisini hevur tikið myndir og skrivað eitt ótal av greinum fyri. Símun skrivar soleiðis á sínum Facebook:

Frá 1. februar fara eg at reka ein av elstu handlunum í Føroyum og kann enn einaferð kallað meg stjóra á einum Timburhandli og Byggibúð. Tað verður sera spennandi og síggið eg fram til at menna hesa søguligu fyritøku til at klára seg í hørðu kappingini, við góðari tænastu og kappingarførum prísum. Meira um hetta seinni, havi ein góðan dag øll somul.

Norðoya Portalurin ynskir Símun á Høvdanum hjartaliga tillukku við nýggja starvinum og ongin ivi er um, at her er ein spennandi tíð fyri viðkomandi timburhandil, sum er so heppin at fáa henda megnarmann at dríva hesa virksamheit.

JáH (y) 13.01.2016