​Leygardagin var Búnaðarstevnan 2022 sett á Skúlatrøð í Klaksvík Klokkan 09:50. Tað var borgmeistarin Karl Johansen sum settið stevnuna.

Nógv fólk høvdu leita sær til Klaksvíkar og gott lag var á monnum og konum.

Tosaði eg við nakrar bøndur á Búnarstevnuni og vóru teir stak væl nøgdir við Búnaðarstevnuna og hildu teir at fyrilestrarar vóru áhugaverdir og okkurt nýtt kom fram eisini og sum ein segði “tað hevur eisini sera stóran týdning at møta aðrar bøndur í Føroyum, har man kann fáa eitt gott prát um seyðahald, tað gevur samanhald ímillum okkum bøndir”.

Búnaðarstevnan endaði leygardagin við borðhaldi klokkan 18:00.

Hetta var skráin fyri Búnarstevnuna:

Fundarstjóri: Jacob Vestergaard

​09:30:   Skráseting
09:50:   Karl Johansen, borgarstjóri í Klaksvík, setur ráðstevnuna
10:00:   Magnus Rasmussen, landsstýrismaður í landbúnaðarmálum
10:25:   Tróndur G. Leivsson, stjóri – Búnaðarstovan
10:45:   Jens Ivan í Gerðinum, landbúnaðarráðgevi – Búnaðarstovan – Vit kundu fingið nógv meira burturúr seyðinum
11:20    Dorthea Joensen, Búnaðarstovan – Ull er Føroya Gull
11:40    Lis E. Moretnesen, geografur – Jarðfeingi – Kunning um fyribils úrslit av jørðkanningum í 2021
12:00     Miðmálið
13:00     Gunnar Bjarnason landbúnaðarfrøðingur – Dagføring av seyðahaldinum í Føroyum
13:20     Magnus Gaard lívfrøðingur – Náttúruvernd og seyðahald í samljóði
13:40     Landsdjóralæknin – djóravælferð og ridluskriði
14:00     Hvussu sær ein burðardygg matskipan í Føroyum út?
Elisabeth Skarðhamar Olsen um hennara phd verkætlan, ið kannar staðbundna matbúskapin í Føroyum við denti á umstøðurnar og framtíðarvisiónirnar hjá bøndum og øðrum smá-skala matveitarum kring landið.
(Verkætlanin  er gjørd í samstarvi við Sunnivu G. Mortensen úr Slow Food Føroyar og Selmu Dahl Erol úr FNU)
14:20     Fróði Mortensen –  Førka køstar, taðing við avgassaðum tøðum
14:40     Súni Justinussen – JT Electric / automatisk fóðurskipan til seyð
15:00     Framløgur liðnar / kaffi vm.

16:00: Konstruktivur kjakfundur við pallborðið.

Evni er:  Hvussu kunnu vit menna seyðahald og fáa meiri burturúr seyðinum í Føroyum.

Fundarstjóri og orðstýrari:

Jón Brian Hvidtfeldt

​Pallborðsluttakarar:
Magnus Rasmussen, landsstýrismaður í landbúnaðarmálum
Jens Ivan í Gerðinum, landbúnaðarráðgevi á Búnaðarstovuni
Jóannes Patursson, bóndi
Bjørt Samuelsen, løgtingskvinna
Eyðun Eliasen, bóndi
Klokkan 18:00 Borðhald

Her myndir frá Búðnarstevnuni:

SáH

KBI í Klaksvík hevur keypt Solberg heilsølu í Kollafirði, sum Henrik Solberg hevur átt og rikið síðan 1993.

Solberg heilsøla er í millum handilsfólk ein væl kend fyritøka, sum veitir vøru til flestu dagligvøruhandlarnar í Føroyum. Í millum størstu vørumerkini hjá Solberg heilsølu eru heimskend merkir sum Duracell battaríir, Osram perur, Gillette rakiútgerð og Elworks EL-útgerð til húsarhald.

Karl Birgir Isaksen, sum eigur KBI, sigur í stuttari viðmerking, at “tað er við størstu virðing og stoltleika, at KBI nú yvirtekur vælumtøktu heilsøluna frá Henrik Solberg. Vit eru glað fyri hendan møguleikan at vaksa um KBI samtakið. Solberg heilsøla er í millum sínar vinnukundar kend fyri at veita eina góða tænastu, og soleiðis verður eisini framyvir.”

Solberg heilsøla fer at halda fram sum áður við somu staðseting og starvsfólkum, tó við tí broyting at vøruúrvalið verður víðka.

Henrik Solberg, sum nú hevur selt sítt lívsverk, er sera fegin um, at Solberg fer at halda fram sum áður, og er samstundis eisini glaður fyri, at starvsfólkini nú kunnu halda fram í KBI samtakinum, har tey er kend fyri at hava ein góðan starvsfólkaanda.

Tað er Janus Rein frá LEKS Advokatfirma, sum hevur staðið fyri søluarbeiðinum fyri eigaran. “Vit halda, at tey hjá LEKS hava verið sera dugnalig og professionel í sínum arbeiði.” Hetta eru vit báðir sera væl nøgdir við, siga Henrik og Karl Birgir.

Árliga umsóknarfreistin til stuðul til gransking var úti á middegi í gjár. 32 umsóknir komu inn. Til samans verður søkt um slakar 25 mió. kr. Umsóknirnar spenna víða fakliga og eru frá stovnum og fyritøkum í Føroyum og uttanlands.

Játtanin til gransking tann sama í fleiri ár
Á løgtingsfíggjarlógini fyri 2022 eru 7,5 mió. kr. játtaðar til stuðul til gransking. Hetta er 1 mió. kr. minni, enn samgongan ætlaði í fíggjarlógaruppskotinum frá í heyst. Meirilutin í fíggjarnevndini hjá Løgtinginum mælti í sínum áliti til 2. viðgerð til at strika hækkingina, sum Landsstýrið hevði skotið upp.

Játtanin fyri 2022 er tann sama í krónum sum í 2021 og fleiri ár undan. Realvirðið er tí minkað munandi hesi seinnu árini.

Les meira á:
https://www.gransking.fo/fo/tilfeingi/tidindi/32-umsoknir-kappast-um-7-5-millionir-kronur/

Granskingarraðið

Talvan vísur forholdið ímillum hummarafiskaríið við trol/rúsum og aliframleiðslinafrá frá ár 1947-2021, sjá talvuna niðast í greinini.

Gongdin vísur tíguligt at so hvørt alingin veksur so minkar hummarafiskaríið ( um onkur undrast á bráðliga falli í aliframleiðslini ár 2005-2007 so er tað vegna ILA sjúku í laksinum) Hummarafelagið vil hervið fordøma allari aling av laksi og sílum, og ynskir alingina har pipari grør.

Tað er heilt óskiljandi at alingin sleppur at dálka okkara firðir púra ótarna, avleiðingarnar er øgiligar fyri okkum sum fiska hummara, fiskaríið er nú komi niður á einans 25% av tí tað eigur at vera.

Helst ávirkar dálkingin eisuni tilgongdina av seiði og toski.

Um vit føroyingar skulu velja ímillum aling sum útlendingar eiga, ella at eta grind og springarar hjá okkum sjálvum, vit sum fiska hummara er okkara væl sera einkult, grind og spik.

Hummarafelagið Føroyar

Nú stundar Torratíðin til, og Torradagar í Klaksvík eru aftur á skrá aftaná ein longri korona-steðg. Dagarnir verða hildnir í Klaksvík frá mánadegnum 21. februar til 26. februar.

Í torravikuni verður skipað fyri ymiskum tiltøkum í Klaksvík. Fyrilestrar um torra, torrafisk og torrahald. Um fiskivinnu og siðir á sjónum. Eisini verður skipa fyri fyrilestrum um fiskivinnuna í dag, har serfrøðingar greiða frá fiskivinnuni, sæð frá teirra eygum.

Nærri kunning um skránna kemur seinni.

Klaksvíkar Kommuna