Amerika hóttir nú Kina við at seta enn meiri toll á teirra handilsvørir.

Amerika meinar - at Kina førir ein vandamiklan handilspolitikk og tí vilja teir koyra meiri toll á vørir úr Kina.

Mynduleikarnir úr Kina meina hinvegin, at Amerika ikki dugir, at føra ein handilspolitikk - og tí verður hetta sikkurt ein dystur, sum øll verðin fer at tapa í seinasta enda - har allar handilsvørir einans verða dýrari og dýrari - og ja, dýrari ..!

JáH (y) 29.11.2018

​Fyri lítlari løtu síðan skrivaðu partarnir undir semju. Landsstýriskvinnan í fíggjarmálum bjóðaði Ljósmøðrafelag Føroya til fundar í morgun at viðgera ymiskar loysnir, og endaði hetta við, at partarnir fyri løtu síðan undirskrivaðu 3 ára lønarsáttmála.

Talan er um ein 3 ára sáttmála, galdandi frá 1. okt. 2017 til 1. okt. 2020.

1.okt. 2017 hækkar mánaðarlønin 0,6%
1.okt. 2018 hækkar mánaðarlønin 1,2%.
1.okt. 2019 hækkar mánaðarlønin 1,8%.

Hartil eru broytingar í sokallaðari skalagongd, ið gera, at endalønin hjá ljósmøðrum hækkar øll 3 árini.
Samlaða lønarhækkingin er mett at kosta 8,475% samanlagt yvir 3 ár. Harav triðja árið liggur áleið tað sama sum privati arbeiðsmarknaðurin hevur samtykt í undanfarnum sáttmálum.

Eisini fevnir semjan um, at møguligar tímaløntar ljósmøður framyvir fáa eftirløn av løn síni.

Hartil eru aðrar broytingar í sáttmálanum. Eitt nú er ásetingin um ferðaendurgjald til avloysarar strikað. Eisini eru tvey protokollat løgd afturat sáttmálanum, ið viðvíkja komandi samráðingum og dagføring av sáttmála.
​
Fíggjarmálaráðið

Klokkan 11:30 bleiv nógv umtalaða hegni hjá Bakkafrost sett upp á vesturi kaj í Klaksvík og nú er ikki longur møguligt at koyra á kajøkinum.

Bakkafrost sleppur at brúka økið í upp til 22 mánaðar og samgongan í Klaksvíkar Býráð, saman við Kristian Eli Zachariasen, sum arbeiðir hjá Bakkarfrost fingu kroyst sáttmálan við Bakkafrost ígjøgnum fyri afturlætnum hurðum fyrst í november.

Nú er hegni komi upp. Eg havi sagt tað fyrr og eg siga tað aftur nú, “tað ruggar ikki rætt í Klaksvíkar Kommunu”.

Her myndir har hegnið verður sett upp.

SáH
​

​Níggju teir fyrstu mánaðirnar í ár vóru bæði innflutningur og útflutningur umleið 5,6 mia. kr. Samanborið við sama tíðarskeið í fjør er innflutningurin vaksin við 270 mió. kr. ella 5%, meðan útflutningurin hinvegin minkaði við 764 mió. kr. ella 12%.

Árini frammanundan hevur verið stórur árligur vøkstur í útflutninginum, frá 2014 til 2015 við 8%, frá 2015 til 2016 við 17% og frá 2016 til 2017 við stívliga 7%.

Í innflutninginum er vøkstur í øllum høvuðsvørubólkum uttan akførum, har tað er ein lítil minking við 2%. Størsti vøksturin bæði í krónum og í prosentum er í brennievni, har vøksturin var 268 mió. kr. ella 38%. Síðani í maskinum og amboðum við 206 mió. kr. ella 34% og í tilfari til byggivinnu við 153 mió. kr. ella 31%, samanborið við sama tíðarskeið í fjør.

Les meira HER

JáH (y) 16.11.2018
Kelda: Hagstovan

Var á gátt hjá Reyni Service í dag og enn einaferð fekk man eina góða móttøku og tænastu.

Fekk eitt prát við stjóran Hans Berg Hammer og sjálvandi var tað um bilar. Legði til merkis eitt stórt skeltið, har Reyni Service stuðlar Krabbameinsfelagið og helt hetta vera stak positivt, at ein bilasøla stuðlar einari so góðari søk.

Hetta skrivar Reyni Service um tiltakið á teirra heimasíðu:

Reyni Service stuðlar Krabbameinsfelagnum
– Øll kunnu vera við til at hjálpa, og hetta er okkara íkast til stríðið ímóti krabba. Tað er orsøkin til, at vit eru fariní gongd við hetta Movember-átakið saman við Krabbameinsfelagnum, sigur Sámal av Reyni, stjóri á Reyni Service. Eyðkennið hjá Movember rørsluni er yvirskeggið, sum menn lata vaksa við endamálinum at varpa ljós á prostata-krabba.

– Kvinnur duga ofta væl at savna seg um og sjónliggera krabbasjúkuna, til dømis við ljósareyða ljósunum, sum hevur verið at sæð á fleiri bygningum í oktober, og eisini hevur ljósareyða sloyfan verið nógv nýtt.

– Vit virka í einum umhvørvi, har tað er stórur meiriluti av monnum, bæði tá tað kemur til tey mest biláhugaðu og egin starvsfólk.Og tá okkara virksemi umfatar bilar, mettu vit tað nærliggjandi at geva fleiri bilum yvirskegg. Tað kann tí meiri enn so henda seg, at fólk møta einum av okkara bilum við yvirskeggi í november. Hóast yvirskeggið á bilunum er hugsað sum eitt skemtiligt innslag, so er boðskapurin sera álvarsamur. Endamálið við hesum átakinum er bæði at sjónliggera Movember, men eisini at geva fólki, sum ynskja at keypa ein nýggjan bil, møguleika at stuðla Krabbameinsfelagnum fíggjarliga, sigur Sámal av Reyni.

– Átakið snýr seg í stuttum um, at tey, ið keypa ein nýggjan bil frá Reyni Service í november, eru við til at stuðla Krabbameinsfelagnum við 5.000 krónum. Hendan upphæddin verður beinleiðis stílað til Krabbameinsfelagið vegna keyparan, ella dulnevnt um keyparin ynskir tað. Hvussu væl eydnað átakið verður, er sostatt upp til møguligar keyparar, men vit vóna, at átakið verður væl móttikið.

Hvat peningurin verður nýttur til, lata vit Krabbameinsfelagið gera av. Tey eru betur før fyri at meta um, hvar tørvurin er størstur, tað veri seg til gransking, fyribyrging ella stuðul til onkran, sum er raktur av krabba, sigur Sámal av Reyni.

Lýsingarátakið er galdandi allan november mánað og umfatar allar nýggjar bilar, sum Reyni Service selur í november – eisini um bilurin ikki er á goymslu, og tí verður handaður eftir Movember.

​Tølini fyri lønargjaldingarnar fyri oktober eru nú tøk í Hagtalsgrunninum, útgreinaði á kyn, vinnugrein og bústaðarøki hjá løntakarum.

Í oktober vóru 818 milliónir útgoldnar í løn. 

Les meira HER

JáH (y) 08.11.2018
Kelda: Hagstovan