Blog Archives - NP

1.100 løntakarar fleiri seinasta hálvtannað árið

11/1/2016

Í oktober vóru 24.988 løntakarar, árstíðarjavnað. Sostatt hevur gongdin við jøvnum vøkstri staðið við í hálvtannað ár. Í mai 2014 vóru 23.943 løntakarar, og nú hálvtannað ár seinni eru eini 1.100 løntakarar fleiri.

Tað táttaði í 26.000 løntakarar, tá teir vóru flestir. Hetta var fyrst í 2008, men so kom fíggjarkreppan, og tað var afturgongd í trý ár, og var botnurin náddur fyrst í 2011. Heilt fram til summarið 2014 var at kalla ongin broyting, men seinasta hálvtannað árið hevur vøksturin verið javnt stórur, og eru tað eini 1.100 løntakarar lagstir afturat síðani tá, kortini er tað framvegis 1.000 færri enn í 2008.

Les meira HER

Kelda: Hagstovan 11.01.2016

Nógv fólk vitja á Norðoya Portalinum hvønn dag og tað er sera gleðiligt, so lýsarar runt landi, her fáa tit mest fyri pengarnar!!!

11/1/2016

Seinasta vika var ein av teimum góðu hjá Norðoya Portalinum. 41.738 vóru inni á síðuni og tað eru miðal 5.963 um dagin og tað halda vit vera gott.

Hósdagin 7. januar vóru 7.116 á síðuni, Fríggjadagin 8. januar vitjaðu 8837 síðuna og ígjár vóru 6761. Best vitjaða greinin var hendan:

Nr. 1 Lat vera við at mussa tín hund, Klikk her: "Lat vera at mussa tín hund"
Nr. 2 Hetta filmsklippi gjørdi meg sera rørdan ímorgun. Klikk her: "Hetta filmsklippi gjørdi meg sera rørdan ímorgun"

Arbeitt verður hvønn dag við at fáa fleiri lýsarar og sum tit síggja, so fáa tit nógv mest fyri pengarnar, við at lýsa á Norðoya Portalinum. Hava tit hug at lýsa, send lýsingina til [email protected] ella ring til Símun á Høvdanum á tlf. 273200. Vit skulu nokk geva tykkum ein sera bíðligan lýsingarprís.

SáH

Ågot hampuligan fiskiskap á Flemich Cap

10/1/2016

Hesa myndina havi eg júst fingið frá Ågot, tikin ídag tann 10.01.2016

Norðoya Portalurin samskiftið við skiparan á Ågot "Hjalta Poulsen" í morgun og segði hann, at fiskarríið var OK, teir hava runda 40 tons og væntandi landa teir í SaintPierre um góðar 10 dagar.

Hava onnur skip hug at lata frættað frá sær, so eru til vælkomin at senda meyl til mín á [email protected] ella á Facbook https://web.facebook.com/simun.eu. Hetta hevur sera stóran týdning fyri familju og vinir, at vita hvussu gongur hjá tykkum á sjónum.

Norðoya Portalurin ynskir skipara og manning gott fiskarí.

Takk fyri Hjaltur Poulsen.

SáH

Ågot leggur at bryggju í Klaksvík.

Oljuprísurin er á veg uppaftur !!!

8/1/2016

Oljuprísurin er spakuliga á veg uppaftur - eftir at ein ordans oljukreppa hevur verið kring allan knøttin.

Úr Asia fór oljuprísurin eitt lítið vet upp og úr Amerika fór oljuprísurin upp við góðum 2 prosentum.

Tað skal viðmerkjast, at seinast oljuprísurin varð so lágur, sum hann er í dag - varð fyri góðum 12 árum síðani.

At oljan fer upp aftur - kann merkjast, at fleiri arbeiðir vera aftur at fáa í Offshore vinnuni, sum eisini fleiri føroyingar kunna fáa ágóðan av. Sum nú er - eru fleiri føroyingar uppsagdir av norskum Offshore vinnum - simpulten tí, at skipini har um leiðir - eru løgd.

JáH (y) 08.01.2016

Bygningsstyrelsen keypir húsagøtu 3 til politistøð

8/1/2016

Tórshavnar kommuna og Bygningsstyrelsen hava í dag gjørt treytaða avtalu um sølu av ognini í Húsagøtu 3, har BankNordik til fyri stuttum hevði sítt høvuðsæti, umframt grannaognina.

Bygningsstyrelsen keypir ognina og grannaognina til løgreglustøð og tilhoyrandi virksemi, herundir m.a. eisini til ákærumyndugleikan.

Danska fíggjarnevndin skal góðkenna avtaluna.

Heðin Mortensen
borgarstjóri

Kelda: Tórshavnar Kommuna 08.01.2016

Stórar broytingar í arbeiðsloysinum millum kyn, aldursbólkar og sýslur

8/1/2016

Í november minkaði árstíðarjavnaða fulltíðararbeiðsloysið niður í 2,4%. Frá várinum til út á heystið lá tað javnt um 3% og minkaði so niður 2,7% í september og er aftur minkað bæði í oktober og november. Størsta minkingin er hjá kvinnum, frá 3,4% í september til 2,9% í november, meðan tað hjá monnum er minkað frá 2,1% til 2,0% í sama tíðarskeiði.

Í tali er árstíðarjavnaða arbeiðsloysið hjá kvinnum minkað úr 557 frá november í fjør til 368, t.v.s. við 189 kvinnum. Hjá monnum er talið í sama tíðarskeiðið minkað við 52, úr 340 monnum í november í fjør til 288 í november í ár.

Les meira HER

JáH (y) 08.01.2016
Kelda: Hagstovan

P/F Næraberg hevur keypt Ruth og nýggja navni verður Norðingur

8/1/2016

Í vikuni keypti P/F Næraberg Ruth HG 264 frá Gullak Madsen.

Ruth var heimahoyrandi í Hirtshals og bleiv sáttmálin undirsskrivaður seinasta mánadag.

Ruth er 13 ára gomul og skal hon avloysa Slættaberg, sum mikudagin landandi 900 tons til Havsbrún.

Ruth er til makrel fiskiskap norðanfyri Skotland og verður væntandi í Føroyum ein av fyrstu døgunum, tá skal hon á beding fyri at kannast og tá tað er gjørt, ferð hon væntandi til fiskiskap aftur við gomlu manningini hjá Slættarbergi.

Vit ynskja Hanus Hansen og reiðarí hjartaliga tillukku.

SáH

Keypskálin í Kina farin dundrandi niður

5/1/2016

Tilvildarlig mynd frá filminum Wolf of Wall Street

Ikki øll byrja árið hjá sær so gott - og er Kina eitt gott dømið uppá tað ...

Bæði marknaðurin á partabrøvum og gjaldoyranum á teim mest umráðandi asiatisku londunum hava upplivað eina størri niðurgongd í morgun. Í Shanghai er SSE-indeksi falli við næstan sjey prosentum.

Ongantíð fyrr hava høvuðsindeksini upplivað eitt samsvarandi fall av gjaldoyranum á tí fyrsta handilsdegnum á árinum, skrivar Bloomberg.

JáH (y) 04.01.2015