 Hvussu er, Erik - hvat kunna vit rokna við til komandi Summarfestival, nú hann fyllir heili 10 ár ..?
- SF hevur vaksið seg til at vera Føroya størsta tónleikatiltak, men tað er so nógv meira enn bert tónleikur. Hvørt ár hava vit roynt at ment konseptið og betra um ymiskt og annars at skaffa nøvn, sum rigga til konseptið, og vit fara at gera okkara allarbesta til at komandi festivalur verður ein super jubleumsfestivalur Kunna vit rokna við einum stórum navnið ..? - Tað er ikki altíð lætt at fáa nøvn, men vit liggja alla tíðina framvið eftir spennandi nøvnum. Ofta eru bólkar, sum vit ynskja at fáa ikki tøkir í august, ella tournera tey ikki osv. Og so er tað sjálvandi eisini ein spurningur um pengar! Vit ætla ikki at koyra festivalin á heysin. At hava hildið við at hava festival nr 10 er eitt bragd í sær sjálvum, tí slík bransja er sera skilalig - ikki minst í Føroyum. Eisini eru nógvir festivalar farnar á heysin í útlandinum. Men tit á Summarfestivalinum hava veruliga fingið fatur í nøkrum góðum - og tað skula tit hava rós fyri, Erik. Til endans, Erik - kann eg spyrja teg: Hvussu er - er tað ikki ein møguleiki fyri, at tit aftanfyri SF fara at geva eina DVD fløgu út ..? - Fløgan er ein doyggjandi miðil, tí fólk lurta og hyggja meira á netinum. Tí hava vit ment okkara Youtube-rás, sum fólk úr øllum heiminum kunnu fáa gleði av, so tað verður neyvan satsa upp á DVD útgávu. Í løtuni liggja 57 klipp á youtube, og tað legst til alla tíðina. http://www.youtube.com/summarfestivalur |
|
RSS-feed
