18 ára gamli Silas Ólavsson Gaard hevur undirskrivað sín fyrsta sáttmála við KÍ.

Silas er uppvaksin í KÍ og spældi á 1. deildar liðnum á fyrsta sinni í fjør. Í ár hevur hann verið fastur maður í 1. deild, samstundis sum hann hevur vant undir Mikkjali í Betri hópinum.

Tá KÍ tók ímóti ÍF í fjórðingsfinaluni í kappingini um løgmanssteypið, fekk Silas sín fyrsta dyst fyri besta liðið, tá hann kom inn í 93′ min.

Silas gerst nú fastur partur av Betri hópinum restina av kappingarárinum.

Vit ynskja Silasi bestu eydnu.

KÍ – Klaksvíkar Ítróttarfelag

Landsliðsmiðverjin, Heini Vatnsdal, hevur skrivað undir tvey ára sáttmála við KÍ.

Heini hevur, saman við Odmari, myndað KÍ miðverjuna seinastu árini og er avgerðandi fyri sterka verjuspæli, sum KÍ vísir á vøllinum.

30 ára gamli landsliðsleikarin hevur 51 dystir og 6 mál á baki í kongabláa búnanum.

Sáttmálin er galdandi til og við 2024.

Vit ynskja Heina framhaldandi bestu eydnu í KÍ.

KÍ - Klaksvíkar Ítróttarfelag

FM í amboðsfimleiki var í gjár. Úrslitini frá kappingini síggjast her: https://www.fimleikur.fo/urslit-og-myndir-fra-fm-2022-i-ambodsfimleiki/

Her myndir av øllum FM vinnarunum, sjá herundir. Fleiri myndir kunnu eisini síggjast á Facebooksíðuni hjá sambandinum: https://www.facebook.com/media/set/?set=a.10160059350309721&type=3

Føroya Fimleikasamband

​Klaksvíkar kommuna fer fyri fyrstu ferð undir at skipa nýtt heilsufremjandi tilboð til menn og kvinnur 60 ár og eldri. Talan er um heilsufótbólt, sum er ein øðrvísi háttur at spæla fótbólt, og har øll kunnu vera við. Roynd, sum óroynd. Heilsufótbóltur er ikki eitt nýtt fyribrigdi, men hevur áður ikki verið málrættað til hendan aldursbólkin. Tað sum eyðkennir heilsufótbólt er at spælt verður á smærri økjum og í minni bólkum.

Talan er um eina tíðaravmarkaða verkætlan, sum vónandi kann gerast eitt varandi tilboð.  

Tað er Fróðskaparsetur Føroya, Deildin fyri Heilsu- og Sjúkrarøktarvísindi, Fótbóltssaband Føroya og Klaksvíkar kommuna, sum eru farin undir hesa verkætlan, sum fer av bakkstokki í august 2022.

Endamálið við verkætlanini er at kanna, um hesin háttur av venjing, eitt avmarkað tíðarskeið, kann menna almennu heilsustøðuna og lívfrøðiligan aldur hjá hesum málbólkinum.

Kanningar verða gjørdar áðrenn farið verður í gongd og aftur 12 vikur seinni. Tær kanningar, sum eru umfataðar í hesi verkætlan eru m.a. máting av blóðtrýsti og hvílipulsi, test av vøddastyrki og BMI. Harumframt ein spurnarkanning í mun til sálarliga heilsu. Tað eru May-Britt Skoradal, PhD í heilsuvísindum og Magni Mohr, professari í arbejdsfysiologi, sum koma at hava ábyrgd av hesum partinum.

Borgarstjórin er fúsur
Karl Johansen, borgarstjóri, hevur møguleika at luttaka, og sigur, at hann er ómetaliga spentur.
- Eg ætli mær avgjørt at melda meg til heilsufótbólt. Seinastu tvey árini hava verið nógv merkt av fundarvirksemi og eg merki kropsliga, at kroppurin broytist. Hóast eg javnan spæli innandura, so eri eg sannførdur um, at eitt tílíkt tilboð kann verða eitt gott íkast til mína heilsustøðu.

- Vit hava fleiri 60+ í starvi í Klaksvíkar kommunu og Norðoya Bú- og Heimatænastu, og tí arbeiða vit við at fáa lagt venjingarnar soleiðis, at so nógv sum møguligt fáa luttikið. Tí er tað eisini mín vón, at vinnufyritøkurnar í umhvørvinum fara at eggja sínum starvsfólkum 60+ at taka lut i hesi verkætlanini. 

- Klaksvíkar kommuna er samstarvsfelagið hjá ABC, har endamálið er at eggja til at vera virkin, saman og hugbundin. Eg meti, at vit við hesi verkætlanini røkka tí endamáli, men mest av øllum síggi eg fyri mær, at hetta verða 12 sera stuttligar og undirhaldandi vikur, sigur Karl Johansen, sum vónar stóra undirtøku fyri verkætlanini.

Venja á Másheyggi og í Djúpmýru
Verkætlanin fer av bakkastokki hálvan august. Tá verður vøllurin á Másheyggi liðugur og fer ein partur av venjingini at vera á nýggja vøllinum. Venjing verður tvær ferð um vikuna í 12 vikur, men kunnað verður seinni um tíðspunktini.

Bæði kommunan og KÍ fegnast um hetta tilboðið. Frá KÍ verður sagt, at skipaðar venjingar til hendan málbólkin ikki hevur verið roynt áður og tí er hetta ein verkætlan, sum øll eru spent at fara undir. Kunnað verður nærri um verkætlanina seinni í summar.

Klaksvíkar Kommuna

Nevndin í HB hevur gjørt av at enda samstarvið við høvuðsvenjaran hjá Betri monnum, Kim Engstrøm. Gongdin seinastu dystirnar hevur ikki verið nøktandi, og tí metir nevndin, at tørvur er á nýggjum íblástri og at skifta høvuðsvenjara.

Kim hevur víst ídni og eldhuga allan vegin, meðan úrslitini ikki hava verið nøktandi, í mun til tey mál vit sum felag seta okkum.

Vit takka Kim fyri tíðina í HB, og ynskja honum blíðan byr í framtíðini.

Nýggjur venjari verður kunngjørdur innan stutta tíð.

Nevndin
Havnar Bóltfelag

Ægir fólkini vóru sera glað at síggja okkara borgmeistara Karl Johansen til stóru svimjikappingina hjá okkara heilt ungu svimjarum í dag og vit báðir, formaðurin í Ægir og nevndarfólk fingu tosað við Karl Johansen um trupuleikarnir hjá Ægir og víst honum vánaligu umstøðurnar hjá Ægir.

Loysn sæst nú á málinum við felagshølir til Ægir. Ægir fær norðurendan í Svimjihøllini har Almannaráðið heldur til í løtuni og tá ið tey fara út í HF bygningin í summar, so fær Ægir øll hølini. Á tann hátt er trupuleikin loystir, Ægir fær felagshølir, venjingarhølir og eina skrivstovu í svimjihøllini og tað kundi ikki verið betri og meira rættvíst fyri okkara stolta svimjifelag, tí tað er Ægir sum uppfostrar og lærir okkara svimjarar í býnum at svimja og sum vera kundar hjá svimjuhøllini í framtíðini.

Bánatogini eru í Danmark og eru klár at senda upp, so nú manglar bara ryggstartarnir og at man umvælur flisarnar sum eru brotnir við og í kappingarhylinum.

So skjótt tann tað loysast. Takki Karl Johansen borgmeistari fyri at tú komst at hyggja eftir svimjikapping í dag og at Klaksvíkar Kommuna endiliga raðfestur Ægir og at tú væntandi fer at klára at loysa hølistrupuleikan og venjingarhølini hjá Ægir, tað seta Ægir og allir okkara svimjarar, venjarar og nevndarfólk sera stóra prís uppá.

Lat okkum vera viðspælarar og ikki mótspælarar.

SáH

Stóra svimjikappingin ABMS verður hildin í Klaksvíkar Svimjihøll hetta vikuskiftið.

1 partur av innleiðandi riðlunum eru longu svomnir í morgun og finalurnar vera nú klokkan 17:00.

Hetta er skráin fyri ABMS:
1. partur: Leygarmorgun 14. mai fráklokkan 09:30 - innleiðandi riðlar.
2. partur: Leygardag 14. mai frá klokkan 17:00 - Beinleiðis finalur.
3. partur: Sunnumorgun 15. mai frá klokkan 09:00 - innleiðandi riðlar.
4. partur: Sunnudag 15. mai frá klokkan 15:30 - Beinleiðis finalur.

SáH

Sterki landsliðsmiðverjin, Odmar Færø hevur skrivað undir trý ára sáttmála við KÍ.

Odmar Færø, sum við kønari hond hevur stýrt verjuni hjá KÍ síðani 2020, tekur trý ár afturat á liðnum.

Hann kom til Klaksvíkar undan kappingarárinum 2020 og hevur spælt 65 dystir í kongabláa búnanum.

Eg vildi ikki, at tíðin í KÍ skuldi fáa ein enda. – Odmar Færø

Odmar hevur skorað tilsamans átta mál fyri KÍ – sjey í Betrideildini og eitt í søguliga Conference League dystinum móti Rigas FS við Djúpumýru í 2021.

Odmar er í sínum besta formi og hevur ongantíð verið so góður sum nú. – Mikkjal Thomassen

Sáttmálin er galdandi til og við 2025.

Vit ynskja Odmari framhaldandi bestu eydnu í KÍ.

KÍ Klaksvíkar Ítróttarfelag