Norðoya Portalurin - NP

Norðoya Portalurin

Signhild Joensen úr Ægir bleiv heiðra í Íslandi ídag

29/1/2017

Signhild Joensen úr Ægir bleiv heiðra við gávu í stóru svimjikappingini RIG 2017 íReykjavík ídag.

Fimm teir fremstu svimjarnir við flest FINA stigum blivu heiðraði og hetta vóru ikki bara hvør sum helst. Signhild gjørdist nummar fimm, Magnus Jákupson bleiv nummar fýra og hinar sum vóru frammanfyri tey, vóru allar sum høvdu svomu í finalum á OL, so tað var eitt einastandandi avrit hjá Signhild Joensen.

Kappingin er nú liðug og svimjarnir hjá Ægir koma heim til Føroyar ímorgin við nógvum heiðursmerkjum, eitt føroyskt met og so stóra heiðurin hjá Signhild Joensen ídag.

Stórt tillukku øll somul og stóra takk til venjaran Jaime Arro.

SáH

Signhild Joensen vann enn eitt silvurmerkið í Íslandi, hesaferð í 200 metur ryggsvimjing.

29/1/2017

Signhild Joensen koyrir á í Íslandi og hevur ídag vunnið tvey silvur heiðursmerkir, eitt í 50 metur rygg og eitt í 200 metur rygg júst nú.

Signhild Joensen hevur eisini sett føroyskt met á RIG 2017 og tað var í 100 metur rygg.

Fyrrverandi Big Boss er stoltir av tær og tykkum har yviri.

SáH

Rebekka Trygvadóttir gull í 100 metur bringu í Íslandi

29/1/2017

Tað koyrir bara fyri Rebekku Trygvadóttir úr Ægir í Íslandi. Hon vann eisini 100 metur bringu við tíðini 1.21.67.

SáH

Rebekka Trygvadóttir gull í 400 blanda í Íslandi

29/1/2017

Rebekka Trygvadóttir hevur ídag vunnið gull í 400 metur blanda í RIG 2017 í Íslandi við tíðini 5.37.96 og svimur Rebekka í bólkinum 2003 og yngri.

Flott, flott Rebekka.

SáH

Signhild Joensen úr Ægir silvur í RIG 2017 í Íslandi í 50 metur rygg

29/1/2017

Signhild Joensen úr Ægir hevur júst svomi 50 metur rygg og vann hon eitt flott silvur heiðursmerkið við tíðini 30.21. Hon eigur sjálv føroyska metið og tað er 30.07.

SáH

Hesir frá Ægir komu í finalurnar seinnapartin í Íslandi.

29/1/2017

Tað gongur avbera gott hjá okkara svimjarum í Íslandi. Hesi eru komin í finaluna seinnapartin.

50 metur bringa Rókur Trygvason
50 metur rygg Signhild Joensen í A finaluni, Barbara Debes í B finaluni
50 metur firvald Jana Thomsen
200 metur rygg Signhild Joensen
100 metur bringa Rebekka Trygvadóttir og Ásbjørg Hjelm
200 metur bringa Rókur Trygvason
200 metur firvald Jana Thomsen
100 metur frí Signhild Joensen og Jana Tomsen í A og Barbara Debes í B finaluni.

Norðoya Portalurin ynskir Ægir góða eydnu.

SáH

Ægir svimjarnir í nógvum finalum í Íslandi seinnapartin

28/1/2017

Tað gongur gott hjá Ægir í stóru svimjikappingini í Reykavík.

Svomi var innleiðandi ímorgun og hesi hava svomi seg í finalurnar seinnapartin:

50 metur bringa: Rebekka Trygvadóttir og Ásbjørg Hjelm.
50 metur frí: Signhild Joensen og Jana Thomsen í A finaluni og Barbara Debes í B finaluni.
200 metur blanda: Rebekka Trygvadóttir.
100 metur rygg: Signhild Joensen í A finaluni og Barbara í B finaluni.
100 metur bringa: Rókur Trygvason.
200 metur bringa: Ásbjørg Hjelm og Rebekka Trygvadóttir.
100 metur firvald: Jana Thomsen
200 metur frí: Jana Thomsen

Leikirnir kunnu síggjast beinleiðis á sjónvarpkanlaini RUV og byrjar svimjikappingin umleið kl. 16.00.

Vit ynskja Ægir svimjarnum góða eydnu.

SáH

Rebekka Trygvadóttir úr Ægir gerð bart í Íslandi

28/1/2017

Norðoya Portalurin hevur fingið myndir frá stóru svimjikappingini RIG í Reykjavík og her hevur Rebekka Trygvadóttir klára seg avbera
væl. Hon svimur í bólkinum 2003 og yngri og hevur vunnið tvey gull, eitt sivlur og eina bronsu, eisini hevur hon svomi seg til silvurnál, sum er sera gott klára.
sjá myndir og tíðir herundir: