Í ódnarveðrinum tann 14. desember bleiv Mjølnirkappingin fyri tey yngru leikt í Klaksvík.

Norðoya Portalurin var og hugdi at eina løtu og tá gekk tað gott hjá dreinginum hjá TB, men minni gott hjá gentunum. Tær tapti sín dysti ímóti Fleyr.

Fleyr og SÍ vunnu nakrar dystir, tá ið vit vitjaðu og eisini gekk hampuligt hjá Mjølnir.

Her nakrar myndir frá kappingini, sjá myndir niðanfyri:

SáH

Sera flott klára av okkara Pál Joensen at vinna silvur í EM og størsta blaðið í Danmark Ekstra Blaðið rósar Pál Joensen fyri hansara avrik og hava hug at gera hann til danskara, men tað vil Pál ikki hoyra talan um og ognaði hann silvurmerkið til Føroyar. Hetta skrivar Ekstra Blaðið um Pál Joensen:

"Der måtte hjælp til fra Færøerne, før de danske svømmeherrer med lidt god vilje også kunne bryste sig af en medalje ved EM i Herning.  Sølv blev det til i 1500 meter fri for den færøske svømmer, mens Mads Glæsner førte indtil 400 meter, hvorefter han gik kold og sluttede som nummer ni"....... Les greinina her:http://ekstrabladet.dk/sport/anden_sport/svoemning/article2174173.ece

Stórt tillukku frá okkum í Norðoya Portalinum.

SáH

Klaksvíksmeistaraheitið 2013 í Dart, var í nýggju hølunum hjá Klaksvíkar Dartfelag ígjár. 20 Dart spælara luttóku og gjørdist Fróði Baldvinsson tann stóri vinnarin. Hann vann allar sínar dystir. Í finaluni, sum gjørdist spennandi, vann Fróði 6-4 á Una Heðinsson. Nr. 3 gjørdist Bogi Isaksen og Sólarn Isaksen. Fægst pílar fekk Kristian Joensen (18) og hægsta útgangin fekk Bogi Iskasen við 93.

Kvinnurnar dartaðust eisini ígjár og hetta var fyrstu ferð nakrantíð, at tær hava luttikið í Klaksvíkarmeistaraheitinum í Dart. Kappingin hjá kvinnum var sera jøvn og vunnu allar ímóti hvørjaði aðari, men tað samanum kom, endaðu Durita Joensen og Liljan Jacobsen í finaluni, ið gjørdist rættiliga spennandi. Durita vann harða dystin 3-2 og gjørdist sostatt meistari í Dart í Klaksvík. Nr. 3 blivu Terja Ósa og Hanna Nielsen. Durita Joensen fekk eisini fægst pílar (31) og hægsta útgangin fekk hin finalisturin Liljan Jacobsen (42)

Í kappingini í tvímansleiki vunnu Fróði Baldvinsson og Kristian Joensen allar dystirnar og eisini kappingina, í finaluni vunnu teir 4-2 á Torbirni Hjelm og Anker Hansen. Nr 3 gjørdust Bogi Isaksen – Kjartan á Stongunum og Allan Larsen – Ólavur Jacobsen. Hægsta útgangin áttu Torbjørn og Anker við 62, meðan Fróði og Kristian høvdu fægst pílar við 22.

Frá Klaksvíkar Dartfelag frættist at nógv fólk datt inn á gólvið og vóru tey stak væl nøgd við kappingina.  Nú hølini eru opnaði, verður byrja regluliga at venja. Venjingartíðirnar eru Týskvøld og Hóskvøld frá kl 19

Kelda: Klaksvíkar Dartfelag

SáH