Steypafinalur: Eisini næsti sigurin til Klaksvíkar 

G14 b: Mjølnir – B 71, 2 – 0 (25-18 og 25 - 19)

B 71 var í dag í síni fyrstu steypafinalu í flogbólti, men hóast tær vóru á odda eitt skifti í 2. setti, so megnaðu tær ikki at vinna sett í dag, men taptu 2-0 móti Mjølni

​Mynd: Mjølnir

Aftast frá vinstru: Berit Norðoy Vilhelmsen, venjari, Rebekka Eysturskarð, Karla Sjóstein, Osla Johannesen, Maria Teresa Vitalis, Ranja Joensen, Jensa Mortansdóttir Samson, Lena í Buð, venjari.

Fremst frá vinstru: Lisa T. Venned, Eva Kallsberg Jacobsen, Nomi Idarsdóttir Beck, Margreta Elisdóttir í Buð, Elisabet Norðoy Vilhelmsen, Bjarta Joensen.

Flogbóltssambandi

Steypafinalur: Fyrsti sigurin til Klaksvíkar 

G12: Mjølnir – Dráttur, 2 – 1 (25-16, 21 – 25 og 15-6)

Fyrsta finalan gjørdist ein spennand 3-settari millum G 12 hjá Mjølni og Drátti, sum endaði við at Mjølnir vann 2-1.

​Bestu leikararnir vóru:

Elisabet Norðoya Vilhelmsen, Mjølnir

Elisabet Nattestad, Dráttur 

​Mynd: Mjølnir

Aftast frá vinstru: Berit Norðoy Vilhelmsen, venjari, Karla Sjóstein, Osla Johannesen, Maria Teresa Vitalis, Ranja Joensen, Jensa Mortansdóttir Samson, Lena í Buð, venjari.

Fremst frá vinstru: Nomi Idarsdóttir Beck, Margreta Elisdóttir í Buð, Elisabet Norðoy Vilhelmsen, Bjarta Joensen.

Flogbóltssamband Føroya

​Á Býráðsfundinum í gjárskvøldið bleiv einmælt samtykt at játtað Klaksvíkar Svimjihølli 1.575.331 kr. uttan mvg til liðugtgerð av vælverøkinum í Klaksvíkar Svimjihøll, hetta eru góðar 2. milliónir við mvg. Hetta er sanniliga positiv tíðindir og gleðiligt at tað bleiv einmælt samtykt.

Nú vóni eg fyri tykkara besta, at svimjifelagið Ægir er tikin við hesuferð. Ægir hevur serstakliga vánaligar umstøður, bæði við felagshølum og venjingarhølum og havi eg óteljandi ferðir gjørt vart við vánaligu umstøðurnar hjá okkara stolta svimjifelag.

Fekk lova at Ægir fekk norður endan av svimjihøllini, men tað endaði við at Judo felagið kom inn har.

Klaksvíkar Kommuna vísti mær einaferð eina tekning av Vælveruøkinum, har Ægir skuldi skuldi hava síni felagshølir, men tað bleiv av ongum, tí tað var ein betri loysn, at Ægir fekk norðurendan av Svimjihøllini til felagshølir og venjingarhølir, men sum sagt, so var tað ein góð telving hjá KK, tí tekningin bleiv gjørd um og Ægir fekk onki.

Nú er mín spurningur til samgonguna í Klaksvíkar Kommunu, hava tit nakað ætlan við okkara svimjifelag Ægir?

SáH

​Í lítari samkomu í gjár, var forsetin í Rotary Klaksvík Jørgen Vágslíð í Svimjihøllini í Klaksvík og handaði forkvinnuni í Ægir Elsebeth Vilhem útgerðina.

Forkvinnan í Ægir Elsebeth Vilhelm var stak væl nøgd við stuðulin og eru umstøðurnar til venjingina nú gjørd munandi betri, bæði hjá ungu svimjarnium og venjarnum.

Her mynd av forsetanum í Rotary Klaksvík Jørgin Vágslíð og Elsebeth Vilhelm.

SáH

Klaksvíkskappingin er skotin ígongd og tveir dystir vóru leiktir í gjár. Víkingur vann 3-0 á HB og KÍ vann 4-1 á EB/streymi, sostatt tveir sannførandi sigrar til KÍ og Víking.

KÍ vann trygt 4-1 á EB/Streymi
Tað var Jóannes Bjartalíð, sum legði KÍ á odda við 1-0 eftir uppleggið frá Claes Kronberg.  Árni Frederiksberg økti til 2-0 og tað bleiv eisini hálvleiksstøðan.

Í seinna hálvleiki legði Páll Klettskarð á odda 3-0, sjá myndir, EB/Streymur minkaði um munin til 3-1, har Niklas Kruse settið brotssparkið trygt í netið, Kristan fór til høgru og Niklas settið bóltin í vinstru, sjá mynd. Boris Dosljak slóð sigurin fastan, har hann bleiv spældur fríur av Árni Frederiksberg og plaseraði hann bóltin við handaru stong og skeyt bóltin í málið til endaði úrslitið 4-1 til KÍ og sosatt er KÍ komin í finaluna saman við Víking.

Dystirnir í dag eru hesir, um tað verður spælandi fyri nógva vindinum.

Kl. 13:00 dysturin um 3. plássið HB-EB-Streymur (dómari: Alex Troleis)

Kl. 15:15 Finalan KÍ – Víkingur (dómari: Kári á Høvdanum)

SáH

Her myndir frá dystinum KÍ-EB/Steymur í gjár.​

Úr bestu svensku deildini til KÍ!

Sviin, Daniel Björkman, hevur skrivað undir eitt ára sáttmála við KÍ. Daniel er 28 ára gamal, og hevur royndir í bestu svensku deildini.

Björkman er verjukendur leikari, har hann fyri tað mesta spælir vinstri bakkur og miðverji. Tó kann Daniel eisini spæla sum verjikendur miðvallari.

Daniel er føddur og uppvaksin í Svøríki, har hann hevur spælt fótbólt alla yrkisleiðina fram til nú.
Seinnu árini hevur Daniel verið í Örebro SK, sum er partur av bestu svensku fótbóltsdeildini, Allsvenskan.

Fyrr í vikuni skrivaði KÍ sáttmála við Claes Kronberg sum kann spæla á fleiri plássum, men fyri tað mesta kemur at røkja pláss á miðvøllinum.

- Tá Daniel og Claes eru komnir norður til Klaksvíkar, eru vit væl mannaðir á øllum plássum, og tí er Daniel seinasti leikarin, sum gerst partur av KÍ hópinum í vetur. Sigur Mikkjal Thomassen

Vit ynskja Daniel Björkman hjartaliga vælkomnum til felagið og góða eydnu í KÍ blusuni!

KÍ - Klaksvíkar Ítróttarfelag