Norðoya Portalurin - NP

Norðoya Portalurin

Norður Korea ynskir at luttaka í OL aftur

30/3/2018

Norður Korea hevur boða frá, at teir ynskja at luttaka í OL í 2020 og 2022.

Leiðarin úr Norður Korea, Kim Jong Un hevur boða frá, at hann gleðir seg sera nógv til komandi OL leikir og er samstundis sera fegin um, at OL leikirnir í Suður Korea eydnaðust so væl sum teir gjørdu - har Suður Korea og Norður Korea enntá høvdu eitt lið saman í kvinnu íshockey.

JáH (y) 31.03.2018

KÍ hølvaði TB/FCS/Royn av 9-0

25/3/2018

1. deildarliðið hevði KÍ vitjan av TB/FCS/Royn leygardagin á Djúpumýru og tað endaði við einum knúsandi tapi til TB/FCS/Royn við heili 9-0.

KÍ hevði alt spæli ígjøgnum allan dystin og kundi sigurin verið enn størri.

Nakrir spælarar frá Betri deildini vóru og spældu við 1. deild og tað má vera høvuðsorsøkin til at KÍ vann so stórt.

Hesir skutu málini: Hjalgrím Elttør 2 mál, Kristoffur Jakobsen 2 mál, David Langgaard 2 mál, Óli Eyðfinn Poulsen 1 mál, Henry Heinesen 1 mál og David á Roykheyggi 1 mál.

Her síggja tit fleiri myndir av dystinum, klikk her "Fótbóltur KÍ - TB/FCS/Royn 9-0"

SáH

Mjølnir vunnu spennandi dyst á TB

25/3/2018

Mjølnir vann spennandi dyst 3-1 á TB í Badmintonhøllini ígjár.

Mjølnir byrjaði betur og vann sikkurt fyrsta sett 25-21, í øðrum settið kom TB við aftur og vann 23-25 og so vann Mjølnir triðja settið 25-20 og í fjórða setti, sum gjørdist ein ordiligur gysari, vann Mjølnir akkurát 27-25 og tískil dystin 3-1.

Hetta var seinasti heimadysturin hjá Mjølni og nú hava tær tvær útidystir eftir, nú hósdagin ímóti Fleyr í Stórhøllini í Tórshavn og so 7. apríl ímóti SÍ í Sørvági.

Mjølnir hevur enn møguleika at vinna heiðursmerkir, so spennandi verður hvussu hetta kappingarárið endar við. Koyr á Mjølnir.

Her fleiri myndir, klikk her "Mjølnir - TB 3-1"

SáH

Róland Toftum nýtt føroyskt met í 50 metur bringu við tíðini 28.62

24/3/2018

Róland Toftum setti fyri løtu síðani stórt nýtt føroyskt met í 50 metra bringusvimjing, tá ið hann á HS-stevnuni í Gundadali svam teinin uppá 28.62 sekund. Pauli Ø. Mohr átti føroyska metið á 28.87, frá HS-stevnu í 2012.

Róland svimur fyri Suðuroyar Svimjifelag.

Stórt tillukku, flott svomi.

Kelda: www.svimjing.com

SáH

Viðgera um stuðul til Ítrottarhøllir í Tinginum (Video)

21/3/2018

Í Tinginum nú verður viðgjørt, at innandura ítrottarhøllir verða stuðlaðar 50 % av Landinum og tað sær út til, at hetta er eitt uppskot, sum kemur at standa sína roynd - um hetta kemur ígjøgnum ella ikki.

Høvuðsspurningurin er hví uppskotið kostaði 60 - 100 milliónir til slíka íløgu í 2014, ímeðan tað kemur at kosta 40 milliónir í dag ..? Spurningurin kom eisini upp, um hetta varð rætta tíðin at byggja Ítrottarhøllir og um talan er um fleiri Ítrottarhøllir.

Helgi Abrahamsen helt, at her varð talan um valagn frá Jákup Mikkelsen og Bill Justiussen, sum hava sent uppskotið á Ting.

Jákup Mikkelsen úr Fólkaflokkinum helt - at hetta varð ein gongd leið hjá tí føroysku fótbóltinum. Sjá taluna hjá Jákup Mikkelsen úr Fólkaflokkinum niðanfyri:

JáH (y) 21.03.2018

KÍ vann dystin ímóti NSÍ

17/3/2018

Tað bleiv bert tað eina málið við Løkin, sum Jóannaes Bjartalíð skoraði í 8 minutti fyri KÍ.

NSÍ hevði fleiri mál møguleikar í seinni hálvleiki - tó KÍ eisini gjørdi nógv um seg í mótvindinum.

Men í stuttum kann sigast, at hetta varð ein uppiborin sigur fyri KÍ.

JáH (y) 17.03.2018

Jóannes Bjartalíð legði KÍ á odda

17/3/2018

Nú fyrri hálvleikur er runnin ímillum NSÍ og KÍ, so er KÍ á odda 1 - 0 og varð tað Jóannes Bjartalíð, sum skoraði málið fyri KÍ.

Fylg annars við dystinum HER

KÍ hevur havt meiri mál møguleikar í fyrra hálvleikinum og í seinni hálvleiki koma teir at hava mótvind - so har fáa vit at síggja, um tað kemur at gera tann stóra munin.

JáH (y) 17.03.2018

Maverick og Bláa Bylgjan ganga nýggjar leiðir

16/3/2018

Maverick hevur í áravís verið Sponsor hjá Bláu Bylgjuni í Klaksvík og tað ætlar Maverick eisini at vera í framtíðini, men nú ætla Maverick og Bláa Bylgjan at ganga nýggjar leiðir, har vit fara at broyta sáttmálan, so at Maverick og Bláa Bylgjan gerast enn Bláari.

Ætlanin er tann, at Maverick ferð at geva øllum KÍ Fjepparnum, sum eru ílætnir okkurt Blátt, tilboð uppá leysligar drykkir, men tað krevst, at viðkomandi hevur okkurt blátt plagg uppi á sær.

Á tann hátt ferð tað at loysa seg, at vera bláur og vónandi sæst tað aftur við Djúpumýru, har vit vóna at vit kunnu vísa leikarnum, at vit øll stuðla teimum og at vit øll eru blá.

Koyr á KÍ

Gilli Rólantsson Sørensen skrivað undir

14/3/2018

Gilli Rólantsson Sørensen hevur skrivað undir sáttmála við Brann og hetta skrivar Gilli á sín Facebook vanga fyri løtu síðani:
Eg eri ómetaliga fegin, at hava fingið greiðu á framtíðina, og at eg nú framhaldandi kann fokusera uppá tað, sum eg brenni fyri mest - at blíva tann besta útgávan av mær sjálvum á fótbóltsvøllinum. Havi ivast nógv, av tí orsøk, at umsboðsmaðurin hjá mær fekk fleiri fyrispurningar frá øðrum feløgum, men eg trívist so mikið væl í Brann og Bergen, so at halda fram her, var tann rætta avgerðin fyri meg.

Stórt tillukku Gilli.

SáH

Signhild Joensen góða tíð í 100 metur rygg

11/3/2018

Signhild Joensen svam 100 metur rygg leygarmorgunin í 8° Trofeo Città di Milano í Italia og kom inn við einari góða tíð 1:04.01, sum er minni enn eitt sekund frá hennara føroyska metið. Føroyska metið er 1:03.38 og tað eigur hon sjálv, sum hon svam tann 3. apríl 2017 í Brønshøj í Danmark.

SáH