KÍ skal spæla ímóti Víkingi á Norðagøtu sunnudagin tann 30. september. KÍ hevur 42 stig, og Víkingur hevur 41 stig - so tað skal nokk blíva ein sera spennandi dystir.

Annars so liggur EB-Streymur í núverandi løtu sum nr. 1, og skal spæla ímóti B68, sum liggur næstniðast - og sum má gera ALT hvat teir kunna fyri IKKI at flyta niður.

ÍF er nr. 2 og er tað einasta liðið, sum kann bæsa EB-Streym - skal spæla ímóti FC-Suðuroy, sum tó ikki hevur nakað at spæla fyri uttan sína æru.

                                                                          JáH (y) 25/09-12

Kí endaði kappingarárið við manér, har tær vunnu 3-0 á AB í Argjum. Málini skutu Malena Josephsen, Sofía Purkhús og Rannvá Andreasen. Hetta er 13-anda meistaraskapið á rað og tað má sigast at vera sera flott og rokni eg eisini við at tað er met. Aftaná blivu gullmedaljunar handaðar og Malena tók ímóti steypinum. Stórt tillukku frá okkum á Norðoya Portalinum.

SáH 22.09.12

Nú bert eitt umfar er eftir at leika í unlingadeildini, gjørdist greitt í gjárskvøldið, at U18 dreingirnir hjá KÍ gjørdist føroyameistara. Nógvir áksoðara vóru til dystin í Runavík, einamest frá Klaksvík, har Bláa Bylgjan hevði skipa fyri útferð.
KÍ vann dystin uppiborið við heili 3-0.Leivur Joensen, Petur Andreasen og Jóannes Bjartalíð skoraði málini hjá KÍ. Norður Portalurin ynskir okkara dreingjum hjartaliga tillukku við føroyameistaraskapinum.

SáH 18.09.12

Tað gjørdist sera spennandi og dramatisk, at hyggja eftir dystinum ímillum KÍ - Víking sunnukvøldið.
KÍ legði seg á odda 1-0 í fyrra hálvleiki, men Víkingur javnaði og legði seg á odda, bæði 2-1 og 3-2, men við einum sera flottum einmansavrikið av Beini Poulsen miðskeiðis í seinna hálvleiki, eydnaðist tað KÍ at javnað og í yvirtíðini eydnaðist tað veteraninum Ove Nysted, at skorað til 4-3 uppá brotsspark og dysturin var mestsum avgjørdir, men í seinastu sekundinum skoraði KÍ til 5-3 og KÍ spældi seg í 2. deild og í finaluna í 3. deild.
Sera dramatisk og spennandi var ímóti endanum og tað sá sera svart út, tí tá klokkan vísti yvir 90 min. var støðan 3-3, Sámal Eyðfinn var rikin av vøllinum fyri tvey gul kort og við javnleiki, var Víkingur í 2. deild, men við einum øgiligum pressi frá øllum á KÍ liðnum, bæði á vøllinum og uttanfyri vøllin, vendist alt á høvdi og teir vunnu uppiborið 5-3. Aftaná blivu allir bodnir til Maverick, har teir fingu okkurt lekkurt frá stjóranum. Stórt tillukku til 3. deildarliðið hjá KÍ.

SáH 17.09.12

KÍ avgjørdi leygardagin á Djúpumýri, at tað bleiv AB sum flutti upp í Effo deildina komandi kappingarár. KÍ vann dystin í 1. deild ímóti Skála 2-1 og samstundis vann AB sín dyst og tískil hevur Skála ongan møguleika, at fáa AB aftur. Vit ynskja Argjamonnum vælkomnan aftur í Effo deildina.

SáH 16.09.12

EFFO dysturin í 21 umfari ímillum KÍ og TB verður ídag kl. 16.30. KÍ hevur í
góðum samráð við FSF og TB gjørt av at dysturin verður bríkslaður í gongd kl. 16.30.

Vit frætta frá Maverick, at teir lata upp kl. 15, so viðhaldsfólkini hjá TB og KÍ kunnu hita upp til dystin.Smyril hevur eisini broytt ferðaætlanina, so TB leikarar og  viðhaldsfólk sleppa suður í kvøld. Smyril siglur kl. 19.30.

SáH 12.09.12

U18 unglingarnir hjá KÍ megnaði bara javnleik ímóti HB mánakvøldið og dysturin endaði 2-2. Sostatt misti okkara unglingar møguleikan at avgera FM heitið sjálvir og mugu nú hava hjálp frá onkrum av hinum liðunum, um teir skulu gerast meistarar.

SáH (y) 11/09-12