Setið kross í alminakkan tann 27. mars, tá verður rimma veitlsa í Klaksvík.

Nevndarfundur var í Ægir ígjár og har var avgjørt, at 40 ára veitlsan verður hildin tann 27. mars, so fólk uttanlanda eisini hava møguleika at koma við til veitsluna.

Veitslan verður í Skálanum og í nærmastu framtíð vera innbjóðingarnar sendar út. 

Hevði verið stuttligt, um gamlir svimjara og onnur, sum liggja inni við gomlum myndum, kundi meyla ella sent formanninum Símun á Høvdanum myndirnar, so vit kunnu leggja tær á heimasíðuna hjá Ægir og á eitt serðmerk link á Norðoya Portalin. Meyla myndirnar til [email protected] 

Her nakrar myndir frá 30 ára hátiðarhaldinum hjá Ægir, sjá niðanfyri.

SáH

Norðoya Portalurin var forbí Badmintonhøllina leygardagin, har tann árliga Mjølnirkappingin var ígongd.

Meistaradeildin hjá kvinnum, leikti júst tá ímóti Drátti og tann dysturin gjørdist sera spennandi. 

Hann bleiv ein 5 settari og tað eydnaðist sera unga liðnum hjá Mjølnir at vinna 3-2.

Her nakrar myndir frá dystinum og tað var stór frøi á spælarnum, mest tí, at tað var ikki ein gomul Mjølnir kvinna á liðnum, sum leikti ímóti Drátti og at tað nú kundi staðfestast, at tað unga ættarliðið kann taka um endan.

SáH

Eftir at KÍ liðið ikki máddi sær nógv í fyrra hálvleiki og vóru aftanfyri 1-0 í hálvleikinum,  bleiv spæli hjá teimum nógv betur í seinna hálvleiki.

Tað hekk meira saman og vóru teir óhepnir, at teir ikki fingu eini 3 mál, men tað bleiv til tað eina og aftur hesaferð stóð Atli Danielsen fyri málinum.

Í teimum trimum veningardystinum KÍ hevur leikt, hevur KÍ bert havt ein málskorðara og tað er Atli.

Nær okkara álopsspælara koma ígongd er ilt at meta um. 

Dysturin endaði aftur hesaferð við tapi til KÍ, har ÍF í seinasta minuttinum skoraði til endaliga úrslitið 2-1 til ÍF. Hetta er triðji venjingardystrin, ið vit tapa.

SáH 

Hetta er triðji venjingardysturin hjá KÍ í ár. 

Fyrst leikti Kí í Gøtu og tapti 1-0 ímóti Víkingi. Síðani spældi teir mikukvøldið ímóti NSÍ og tann dysturin bleiv avblástir, vegna tað at streymurin fór í kalda góðveðrinum og ídag fær KÍ vitjan av ÍF og tann dysturin verður leiktir kl. 13.00.

Rokni við at grundin fyri at dysturin verður leiktir so tíðliga um dagin, er svikaliga streymin vit hava í Føroyum.

Annars er kanska ikki heilt sikkurt, at spælandi verður ídag vegna veður, tí í skrivandi stund, klokkan 07.15, er nakað av kava komi niður í nátt, men væntandi er kavin farin av vøllinum áðrenn kl. 13.00, so spælandi verður.

Myndin: Nú Víkingurin er ordiliga komi í fokus í føroysku fótbóltshøpi, so er hendan myndin hóskandi :)

SáH

Tann 12. januar 1975 var stovnandi aðalfundur av svimjifelagnum Ægir í Klaksvík.

Fundurin var í gomlu fimleikarahøllini í Klaksvík og har vóru umleið 150 fólk til fyrsta aðalfundin. Har var ymiskt á skránni, eitt nú bleiv navnið Ægir valt, sjá Gerðabók herundir.
 
Í fyrsti nevndina komu hesu:


Poul Nolsøe 127 atkvøður
Jógvan Ellinsgaard 113 atkvøður
Magnus Mikkelsen 108 atkvøður
Helgi Laksafoss 105 atkvøður
Jóannes Klein 108 atkvøður
Til tiltakslimur vóru vald Anna Stampe og Símun Absalonsen.
 
Á sjálvum 40 ára stovningardegnum er Ægir farin til Ísland á venjingarlegu og til eina kapping seinni í vikuni, meira
um tað ferðuna seinni.
 
Í februar ella mars verður stór veitsla, har núverandi, gamlir svimjarar, nevndarlimir, sponsorar og onnur vera við og
ígjøgnum alt árið 2015 verður 40 ára dagurin markeraður. 
 
Her mynd av 1. og 2. liðnum hjá Ægir, sum fór til Ísland í ódnarveðrinum ígjár. Niðanfyri eru myndir av okkara svimjarum.

Norðoya Portalurin ynskir Ægir hjartaliga tillukku við runda degnum og vóandi fáa tit eitt gott kappignarár 2014-2015 og góða eydnu í Íslandi.
 
SáH