Norðoya Portalurin - NP

Norðoya Portalurin

Stuðulsrógving nú leygardagin 2. juli kl. 15

29/6/2022

STUÐULSRÓGVING 2022

Leygardagin 2. juli kl. 15 skipar Klaksvíkar Róðrarfelag fyri stuðulsrógving á vágni í Klaksvík. Vit vóna, at undirtøkan verður góð og vit takka hjartaliga fyri innkomnan stuðu️️l

Til ber at stuðla longu nú á atgongumerki.fo (https://krf.atgongumerki.fo/webshop/event/1582208/order/main) ella við vanligari flyting á stuðulskontu 9865 1029961.

Øll, sum stuðla, eru við í dráttinum um eina WEBER borðgrill Vinnarin fær beinleiðis boð frá okkum sunnudagin 3. juli.

Koyr á KRF

Klaksvíkar Róðrarfelag

Klaksvíkingur hattrick á Jóansøku

25/6/2022

Klaksvíkingur vann við stórum stíli á Jóansøku og hava nú vunnu tríggjar sigrar á rað, hattrick.

Teir løgdu seg á odda við einum skuti beinanvegin í startinum og tá ið 300 metrar vóru rógvin vóru teir hálva bátslongd frammanfyri Norðing og hesa leiðsluna hildu teir allan vegin inn og í endaspurtinum vunnu teir trygt og komu á mál eina góða bátslongd frammanfyri Norðing.

Norðingur róðu við bátinum hjá Orminum Langa, tí teirra bátur fekk skaða á seinastu stevnu, har eitt hol kom á bátin og tískil vóru teir bláir í dag.

Vit ynskja Klaksvíkingi stórt tillukku, SODAN.

Her úrslitið á Jóansøku.

SáH

Páll Fangi vann aftur ein tryggan sigur

25/6/2022

Páll Fangi fekk ein góðan start og løgdu seg á odda beinanvegin og hildu teir leiðsluna allan vegin inn. Skúgvur legði seg við síðuna av Páll Fanga og var á hálvum Páll Fangi meginpartin av róðrinum, men í endaspurtinum vant Páll Fangi úr hinum og vann við einari góðari bátslongd.

Páll Fangi hevur vunnið allar róðrarnar í ár.

Vit ynskja Páll Fanga stórt tillukku.

Her úrslitið á Jóansøku:

SáH

Fípan Fagra vann ein tryggan sigur á Jóansøku

25/6/2022

Fípan Fagra fekk ein góðan start og tær økti um leiðsluna allan vegin inn og tá ið tær komu á mál vóru tær 2-3 bátslongdir frammanfyri Teistan, so tað var klassamunir og hava tær vunnu allar róðrarnar í ár.

Sævarmoy hevði eisini ein góðan róður og høvdu tær róð eini 20 metrar afturat, so vunnu tær á Firvaldi, men tær vóru akkurát ov stuttar.

Vit ynskja Fípuna stórt tillukku.

Her úrslitið.

SáH

KAPPRÓÐURIN Á SUNDALAGSSTEVNU ÚTSETTUR TIL SUNNUDAGIN

18/6/2022

Fyriskipararnir av sundalagsróðrinum, veðurkøn, dómarar og nevnd í Róðrarsambandinum hava avgjørt, at útseta kappróðurin, sum skuldi byrja leygardagin kl. 12.30 til sunnudagin, at byrja kl. 13.00.

Veðurvánirnar eru ov ósikrar og kappingarvindeyga ov knapt,til, at vit kunnu avgreiða kappróðurin á væleydnaðan hátt.

Flaggtíðirnar fyri barnamanningarnar vera broyttar til:

12.55 Barnaróður gentur Riðil 1

13.10 Barnaróður gentur Riðil 2

13.40 Barnaróður gentur FINALA

14.10 Barnaróður dreingir Riðil 1

14.25 Barnaróður dreingir Riðil 2

14.55 Barnaróður dreingir FINALA

– starttíðir eru 5 minuttir eftir, at flaggið er fari upp.

Startrøðin hjá teimum vaksnu verður óbroytt, fyrsta skot verður kl. 15.15

Róðrarsamband Føroya

Danskur áleypari til KÍ!

10/6/2022

Anders Holvad hevur undirskrivað sáttmála við KÍ

Skjótt 32 ára gamli danin skal styrkja um áleypspartin hjá KÍ fram til kappingarenda í 2023.

Anders Holvad kemur til úr FC Fredericia í næstbestu donsku deildini, har hann hevur verið síðan 2017. Hann hevur leikt 153 dystir í 1. division og 11 í donsku superliguni.

187cm høgi áleyparin kemur til Klaksvíkar týsdagin.

Vit ynskja Anders hjartaliga vælkomnan og bestu eydnu í KÍ!

KÍ - Klaksvíkar Ítróttarfelag

Úttøkur til NM, EJM og EM 2022

8/6/2022

Starvsnevnd SSF samtykti í gjárkvøldið at vilja bjóða fylgjandi svimjarum luttøku á NMU, EJM og EM 2022:

til NMU 2022 í Estlandi 9-10 juli
Lea Osberg Højsted (2008), Ægir
Róa Trygvadóttir (2008), Ægir
Heini M. Askham (2006), Ægir
Líggjas Joensen (2008), Ægir
Bjarta í Lágabø (2009), SuSvim
Jóhanna Ólavsdóttir (2007), FS
Isak Brisenfeldt (2006), HS
Áki Eliassen (2006), HS

til EJM 2022 í Rumenia 5-10 juli
Elisabeth Erlendsdóttir (2005), HS

til EM 2022 í Italia 11-17 august
Elisabeth Erlendsdóttir (2005), HS
Vár E. Eidesgaard (2001), HS

Hartil eru tveir svimjarar sum kunnugt longu úttiknir til heimsmeistarastevnuna nú í juni mánaða:

til HM 2022 í Ungarn 18-25 juni
Vár E. Eidesgaard (2001), HS
Bartal E. Eidesgaard (2003), HS

Eftir ætlan skipar landsliðsvenjarin fyri venjingarlegu fyri hesum somu svimjarum, í Vági nú í vikuskiftinum.

Við svimjikvøðu

Vegna starvsnevnd SSF

Rókur

Fjepparatiltak áðrenn landsdystin við Djúpumýru

6/6/2022

Týsdagin 7. juni fara U21 dreingirnir á vøllin til seinasta dystin í hesari EM undankappingini.

Mótstøðuliðið er Serbia, sum í løtuni er á triðja plássi í bólki H við 11 stigum, tvey stig frammanfyri Føroyar á fjórða plássi, og tá liðini hittust í Serbia í fjør, endaði tað við málleysum javnleiki.

Lagt er tí upp til ein spennandi dyst, sum verður spældur við Djúpumýru í Klaksvík, og í hesum sambandi skipa Bláa Bylgjan og KÍ fyri spennandi fjepparatiltaki við upphiting til dystin beint við Atlantis.

Tiltakið byrjar kl. 15.00, og á skránni verður andlitsmáling, tónleikur og ymisk stuttlig fótbóltsspøl. Harumframt verða grillaðar pylsur og sunkist ókeypis at fáa. Tiltakið er ókeypis fyri øll, sum hava atgongumerki til dystin – til ber at keypa atgongumerki her:

https://fsf.atgongumerki.fo/webshop/event/1504006/order/info

KÍ - Klaksvíkar Ítróttarfelag
Rói Clementsen

Løgmaður heilsaði uppá ukrainska U21 landsliðið

1/6/2022

Í góðveðrinum í morgun var U21 fótbóltslandsliðið hjá Ukraina og spákaði sær ein túr úti á Tinganesi. Løgmaður nýtti høvi til at fara út í tún og heilsa uppá ukrainsku fótbóltsleikarnar.

Løgmaður vísti á, at føroya fólk hevur samkenslu og stendur saman við ukrainska fólkinum í krígnum móti Russlandi. Somuleiðis ynskti løgmaður ukrainsku leikarunum bestu eydnu til dystin í kvøld.

Føroyar og Ukraina leika U21 landsdyst á Tórsvølli í kvøld kl. 18.00

Løgmansskrivstovan