Tað kann næstan ikki bera til, at ferð aftaná ferð, har KÍ hevur lagt seg á odda bæði 1-0, 2-0, 3-1, at so kunnu mótstøðuliðini fáa KÍ aftur og sum oftast vinna dystin. Hetta hendi so ikki ímóti EB-Streym, vit fingu eitt sera týdningarmikið stig og eru nú trý stig frammanfyri TB, men vit hava leikt ein dysti meira.

KÍarnir vóru sera uppsettir til dystin ímóti EB-Streymi og Bláa Bylgjan gjørdi sítt til, at man føldi seg sera væl í Djúpumýru og lagi gjørdist uppaftur betur, tá ið Heðin Klakkstein legði KÍ á odda 3-1, bæði tey fyrru málini hevði Páll A. Klettskarð skotið.

Nú restini bara 10 min. eftir og nú átti tað ikki at kiksa, men tó hevði man síni ljótu anilsir og jú, aftur hesaferð kiksaði tað. EB Streymur minkaði um muni í 80 min., Hervligu Henry fekk reyða kortið í 85 min. og so javnaði teir til 3-3, tá ið 92 min. vóru leiktir og  fingu tískil stjolið 2 stig frá KÍ.

KÍ spældi sera væl ígjár og kundi havt lagt seg á odda, bæði 4-1 og 5-1, men bólturin vildu bara ikki inn. Spæla teir
soleiðis restina av kappingarárinum, átti tað at borið til, at halda seg í deildini, vit vóna tað besta. Koyrá KÍ!!!!


SáH

Venjarin hjá Sunderland, Italiumaðurin Paolo Di Canio (45) hevur fingið sekkin. Hetta hendi eftir at Sunderland tapti 3-0 ímóti West Bromich. Di Canio bleiv venjari hjá Sunderland 31. mars í ár, men hann hevur als ikki sligið til,
Sunderland liggur niðast í Premier League við bert einum stigi og nú er hann also fortíð í Sunderland.


SáH

Tað hevur gingið á H-til hjá Brøndby í hesum kappingarárinum, men seinasta vikuskiftið vunnu teir sín fyrsta dyst og var tað ímóti OB. Hetta skuldi feirast og hendan gjørdi sum onkur mannfólk gera, tá ið eitt lið skorar, jú nógvir eru mátarnir, klikk link herundir:




http://ekstrabladet.dk/sport/fodbold/dansk_fodbold/superligaen/broendby/article2097342.ece

Hópin av Týskarnum vóru til kvinnudystin í Djúpumýri mikukvøldi og hildu allir við KÍ og tá ið dómarin brígslaði seinastu ferð og staðfest bleiv at KÍ vann 1-0, bleiv hildin ein ordilig veitlsa í Maverick Barr, har sungi bleiv týskir sangir og sjálvandi sloppið Týskarnir bestemma yvir tónleikin hetta kvøldið.

SáH

Tað gjørdist ein sera spennandi dystir í Djúpumýri íkvøld. Sera nógvir áskoðarar vóru til dystin og teir setti sín dám á, har fjepparnir frá báðum liðnum rópti á sínar gentur. Dysturin var sera javnur, men tá ið avtornaði vann KÍ oddadystin 1-0. Rannvá B. Andreasen gjørdi einasta málið í dystinum og var tað beint fyri hálvleik. Eitt sera týdningarmikið mál og nú er KÍ eitt stig frammanfyri EBS-Skála og kunnu nú avgera sjálvar hvar FM-heitið 2013 endar. EBS-Skála var sera nær við at javnað í yvirtíðini og enn einaferð stóð Rannvá á rættað stað og bjargaði á strikuni. Samanumtikið ein uppiborin sigur til KÍ, har KÍ ígjøgnum allan dystin stríddist á hálvini hjá EBS-Skála og var stýrandi, men av og á, vóru EBS-Skála kvinnurnar uppá spæl og onkrar vandamiklar atsóknir vóru á KÍ málið. Stórt tillukku til KÍ kvinnurnar frá okkum á Norðoya Portalinum.

SáH

Oddaliðini í 1. deild kvinnur KÍ - EBS/Skála bresta saman íkvøld, dysturin verður leiktir á Djúpumýri kl. 19.00 og vinnandi liðið verður helst FM vinnarar í ár.
Sum støðan er í løtuni liggur EBS/Skála frammanfyri við tveimum stigum, nevnliga 39 stig og KÍ er beint í hølunum á teimum við 37 stigum, bæði liðini hava leikt 14 dystir. KÍ hevur betur málmun, har KÍ hevur +66 mál og EBS/Skála hevur +46, men tað hjálpir lítið hjá KÍ, um tey bert megna javnleik í kvøld, tí tá er EBS/Skála enn 1 stig frammanfyri og tað skal okkurt óvanligt henda, um tær ikki gerast meistara í ár.
Dómari til dystin íkvøld verður Magnus Jørmundsson.
Væntandi vera tað nógvir áskoðarar til dystin og krossa vit alt, sum krossa kann, fyri at KÍ kvinnurnar vinna íkvøld. Koyrá KÍ.

SáH