​Tað kann vera at Havnar Svimjifelag vann gull og silvur í einari liðsvimjing á FM í stuttgeil 2018, men Rókur Trygvason úr Ægir vann Kongakappingina 100 metur frí og kann nú kallað seg KONGURIN innan føroyaska svimjing.

Hann vann bæði á Alvi Hjelm, Óla Mortensen og Róland Toftum. FANTASTISKA flott svomið, at hølvað hesar kempur av í 100 metur frí, tá ið man er ein bringusvimjari.

Rókur Trygvason vann eisini 200 metur bringu og tað var eisini frammanfyri Alva Hjelm.

Sera stoltir av tær Rókur Trygvason 👍😊

SáH

Klokkan 9.30 vera fyrstu innleiðandi umførini svomin á FM á stuttgeil 2018 í Svimjihøllini í Gundadali. 

Smb. heimasíðuni hjá SSF, so eru 479 tilmeldingar til einstaklingakappingarnar og 46 til liðsvimjingina. 5 svimjilið luttaka.

Tíðarætlanin er hendan:
Fríggjamorgun 26. oktober frá kl 09:30 – Innleiðandi riðlar
Fríggjadag 26. oktober frá kl 17:00 til 19:00 – Finalur
Leygarmorgun 27. oktober frá kl 09:30 – Innleiðandi riðlar
Leygardag 27. oktober frá kl 17:00 til 19:00 – Finalur
Sunnumorgun 28. oktober frá kl 09:30 – Innleiðandi riðlar
Sunnudag 29. oktober frá kl 17:00 til 19:00 – Finalur

Beinleiðis úrslit og sjónvarp
Kringvarp Føroya sjónvarpar beinleiðis frá øllum finalum, allar tríggjar dagar. Hartil ber til at at síggja startlistar, úrslitalistar og fylgja við úrslitunum beinleiðis her á Live Timing:, Klikk her: "Føroyameistarastevnan 2018 (25m), Svimjihøllin í Gundadali".

Nú er at vóna at vit fáa eina góða og rættvísa kapping. Vónandi verður ongin ivasom kolldøming hesaferð.

Vil ynskja Ægir eina góða kapping og vónandi fáa tit øll eitt super úrslit við nógvum persónligum metum.

Skráin sæst her, sjá herundir:

SáH
​

Sunnudagin verður tað - har KÍ skal spæla sín allerseinasta dyst og skula teir spæla ímóti NSÍ, sum einans er eitt stig frammanfyri KÍ.

Í løtuni liggur KÍ, sum nummar 3 og NSÍ liggur nummar 2. Beint í hølini av KÍ - liggur B36 sum nummar 4. So til allerseinasta dyst - er enn spenningur í hásæti, sjálvt um HB longu eru Føroyameistarar.

Spurningurin er nevniliga hvør fer at enda, sum nummar tvey og trý. Tað verður spent upp til nakrar spennandi dystir komandi sunnudag og sikkurt vera tey nógv, sum stuðla fara KÍ - nú hetta kappingarárið skjótt sigur farvæl.

KÍ skal spæla ímóti NSÍ og B36 skal spæla ímóti Skála. Skála hevur kanska ikki so nógv at spæla - uttan æruna at vinna ímóti B36, men brand-dysturin hesaferð er heilt sikkurt dysturin ímillum KÍ og NSÍ.

Koyr á KÍ, siga vit á Norðoya Portali.

JáH (y) 25.10.2018

Rebekka Trygvadóttir gjørdi kynsturin eftir Signhild Joensen og megnaði eisini at vinna bronsu í 200 metur bringu í stóru svimjikappingini 27érne Mettetin Internatinal de Natatio í Frankaríki.

Hon kom inn við tíðini 2:43.28 og sum er bert 0.01 sekund frá hennara bestu tíð.

Super flott svomi Rebekka.

SáH

Jonna Joensen hevur havt eina sera góða kapping í Frankaríki higartil. Hon hevur svomið 4 kappingar og hevur forbetra seg í øllum.

Í 400 metur frí kom honn inn við tíðini 4:55.04 og hennara besta tíð var 5:01.47.
Í 50 metur rygg kom hon inn við tíðini 33.16 og hennara besta tíð var 33.84.
Í 50 metur firvald kom hon inn við tíðini 32.75 og hennara besta tíð var 34.12.
Í 200 metur rygg kom hon inn við tíðini 2:32.08 og hennara besta tíð var 2:38.10.

Ótrúðliga flott klára, at forbetra seg so nógv. Eitt nú í 200 metur rygg, heili seks sekund og fara niðurum 5 min. í 400 metur fríð og forbetra seg eisini har seks sekund.

Gott svomi Jonna.

SáH

Ægir er í løtuni í stórari kapping í Frankaríki og í morgun kom fyrsta heiðurstekin til okkara svimjarar. Tað var Signhild Joensen, sum endaði á einum flottum triðja plássið og fekk steyp til ognar.

Hetta var í 200 metur rygg og hevði hon tíðina 2:11.81.

June Jósveinsdóttir hevur tikið myndina og eru tit vælkomin at taka nógvar myndir og senda tær til mín. Vit skulu nokk koyra tær í News.fo og Norðoya Portalin, so vit eisini kunnu fylgja eitt sindur við í Føroyum.

Stórt tillukku Signhild Joensen og góða eydnu til tykkum øll.

SáH

Sunnumorgunin klokkan 8:20 fór Ægir við Atlantic Airways til Frankaríkis á venjingarlegu og luttaka í svimjikappingini 27érne Mettetin Internatinal de Natation, sum verður tann 19. oktober til 21. oktober.
​
Tað eru fyrsta liðið hjá Ægir, sum er farið avstað og hava tey havt gott veður, síðani tey komu niður. Tey búgva í Saint Dizier og hava longu vant sínar fyrstu venjingar.

Hesir svimjarnir eru við:
Frá vinstru: Sólvá A. Sigurðsson, Denis Thomsen, Rebekka Trygvadóttir, Rókur Trygvason, Barbara Debes, Signhild Joensen, Mirja Sólstein, Jonna Joensen, Martin V. Sivertsen, Natanael A. Matras, Sofía Toftegaard og venjarin Juan Jaime Arro.

News og Norðoya Portalurin fara at fylgja við ferðini hjá Ægir. Her nakrar myndir frá túrinum higartil, sjá herundir:

SáH

​

Mong munna vera tey norðanfyri, sum klóra sær í nakkanum - nú KÍ liggur nummar 4 í Betri kappingini ...

Sum so oftað - so hevur KÍ eina frálíka byrjan og leggur seg á odda í kappingini, men sum tíðin gongur - so fer KÍ bara longur og longur niður.

At KÍ hevur lortað alt vekk - má vera lítið, at ivast í og ein kann loyva sær, at spyrja spurningin: Hvat hendi ..?

Er tað leiðslan hjá KÍ, sum tað er galið við ..? Er tað venjarin ..? Ella eru tað einans spælarnir hjá KÍ, sum ikki eru nóg motiveraðir á liðnum ..? Hvat er tað, sum bagir, KÍ ?!? Okkurt er so í hvørtfall galið hjá KÍ og tað burdi leiðslan hjá KÍ eisini sæð og gjørt nakað við til komandi kappingarár.

JáH (y) 15.10.2018

Ægir vann í stórum stíli svimjikappingina "Ægir Open" seinasta vikuskiftið. 

Ægir vann helvtina av øllum 40 kappingunum. Ægir vann 20 gull, Suðuroyar Svimjifelag vann 11 gull og Havnar Svimjifelag vann 9 gull.

Tíðirnar vóru ikki av teimum bestu, men hetta er fyrsta ordiliga kappingin eftir summarsteðgin, men tó slóu onkrir svimjarar úr Ægir stór persónlig met, einamest hjá teimum yngru svimjarnum, eitt nú Malan Jóhansdóttir í 200 metur firvald, har hon forbetraði seg heili 11 sekund og vann ógvuliga sikkurt, hon kom inn við tíðini 2:36.86, gamla tíðin var 2:45.04 og var hon heili 38 sekund frammanfyri nummar tvey, sum gjørdist Signa Vár Dávadóttir frá Havnar Svimjifelag við tíðini 3:14.84.

Ein onnur, sum bert er 13 ára gomul og sum forbetraði seg nógv tær kappinginar hon svam, varð Jonna Joensen úr Ægir, í 1500 metur frí forbetraði hon seg við heili 1 min. og 19 sekund. Hon kom inn við tíðini 19:49.76 og gamla tíðin hjá henni var 21:08.37, sera flott.

Martin V. Sivertsen hevði sett seg fyri at svimja allar kappingarnar, nevnliga 20 kappingar í tveir dagar. Hann megnaði tað og eisini kláraði hann at vinna heili 4 kappingar, 100 ryggsvimjing, 200 firvald, 200 blandað og 800 frísvimjing, har hann eisini setti stórt persónligt met, hann kom inn við tíðini 9:05.12, gamla tíðin hjá Martin var 9:19.80, so ein forbetring uppá heili 14 sekund.

Rókur Trygvasson vann tvær kappingina, tað var í 200 bringa og 100 frísvimjing og har setti hann eisini persónligt met, hann kom inn við tíðini 52.13, gamla tíðin hjá honum var 52.56.

Besti svimjarin í Ægir gjørdist Signhild Joensen við 9 gull, beint í hølunum á henni kom Rebekka Trygvadóttir sum vann 7 gull. Fyri Suðuroyar Svimjifelag gjørdist Róland Toftum bestir við 9 gull og fyri Havnar Svimjifelag gjørdist Vár Erlingsdótti Eidesgaard best við 5 gull.

Tann mest spennandi kappingin var í 50 metur bringu, har Rebekka Trygvadóttir, sum er 14 ára gomul, vann við 0.02 sekundum á Ásbjørn Hjelm, sum er 19 ára gomul og sum svimur við Reysta.

Ægir fekk eisini heili seks nálir. Tríggjar talentnálir, 2 bronsu og eina bronsu við stjørnu. Tað er heldur ikki á hvørjum degi, at ein svimjari fær talentnál leygardag og bronsunál sunnudag, tað megnaði Jónas á Bergi, sera flott Jónas.

Samanumtikið ein stórur sigur til Ægir. Takka verður okkara góða venjara Jaime Arro, sum eigur sín stóra lut í góðu úrslitnum, stórt tillukku Ægir.

Ægir er júst nú ígongd við at skaffa sær nýggjar sponsorar og hava fyritøkur ella einstakligar hug at gera sponsoravtalur við Ægir, so eru tit vælkomin at kontakta Rannvu Sigfríðsdóttir, sum er forkvinnan í Ægir.

SáH
​

​Kl. 9:30 í morgun byrjar ein stór svimjikapping í Klaksvík "Ægir Open" og heldur á fram seinnapartin og ímorgin.

Her skráin fyri kappingina:

Leygarmorgun 06. Oktober kl. 09:30
1 100m Blandað Kvinnur
2 100m Blandað Menn
3 400m Frísvimjing Kvinnur
4 400m Frísvimjing Menn
5 100m Ryggsvimjing Kvinnur
6 100m Ryggsvimjing Menn
10 min. Steðgur
7 100m Bringusvimjing Kvinn
8 100m Bringusvimjing Menn
9 200m Firvald Kvinnur
10 200m Firvald Menn
11 50m Frísvimjing Kvinnur
12 50m Frísvimjing Menn
10 min. Steðgur
13 4X100m Blandað Kvinnur
14 4X100m Blandað Menn

Leygardag 06. Oktober kl. 17.00
15 100m Frísvimjing Kvinnur
16 100m Frísvimjing Menn
17 200m Blandað Kvinnur
18 200m Blandað Menn
10 min. Steðgur
19 200m Ryggsvimjing Kvinnur
20 200m Ryggsvimjing Menn
21 100m Firvald Kvinnur
22 100m Firvald Menn
23 50m Bringusvimjing Kvinnur
24 50m Bringusvimjing Menn
10 min. Steðgur
25 4X50m Blandað Kvinnur
26 4X50m Blandað Menn

Sunnudag 07. Oktober kl. 13:30
27 1500m Frísvimjing Kvinnur ( Í mesta lagi ein riðil)
28 800m Frísvimjing Menn ( Í mesta lagi tveir riðlar)
29 200m Bringusvimjing Kvinnur
30 200m Bringusvimjing Menn
31 50m Ryggsvimjing Kvinnur
32 50m Ryggsvimjing Menn
10 min. Steðgur
33 200m Frísvimjing Kvinnur
34 200m Frísvimjing Menn
35 400m Blandað Kvinnur
36 400m Blandað Menn
37 50m Firvald Kvinnur
38 50m Firvald Menn
10 min. Steðgur
39 4X50m Frísvimjing Kvinnur
40 4X50m Frísvimjing Menn

Tað verður spennandi at vita, hvussu svimjarnir fara at klára seg, um tíðirnar eru blivnar betur og er hetta tann fyrsta ordiliga svimjikappingin eftir summarsteðgin.

Til ber til at fylgja beinleiðis við her eisini, klikk her "Ægir Open"

Skráin fyri kappingina og startlistin sæst her, klikk her "program Ægir Open"

Úrslitini síggjast her, klikk her "Resultater for Ægir Open - Oktober 2018"

SáH